«ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՎԵՐԱԲԵՐՅԱԼ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՕՐԵՆՔԻ ՆԱԽԱԳԾԻ ՎԵՐԱԲԵՐՅԱԼ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ

ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՎԵՐԱԲԵՐՅԱԼ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. 1985 թվականի դեկտեմբերի 6-ի Վարչական իրավախախտումների վերաբերյալ Հայաստանի Հանրապետության օրենսգրքի (այսուհետ՝ Օրենսգիրք) 123-րդ հոդվածի 1-ին մասում «միջոցները վարելը» բառերից հետո լրացնել «բացառությամբ սույն հոդվածի 1․1-1․4-րդ մասերով նախատեսված իրավախախտումների» բառերը։

Հոդված 2. Օրենսգրքի 123-րդ հոդվածի 1-ին մասից հետո լրացնել  հետևյալ բովանդակությամբ 1.1-1.4-րդ մասերը.

«1․1․ Նոյեմբերի 15-ից մինչև մարտի 31-ը ներառյալ՝ թեթև մարդատար ավտոմոբիլ և մինչև 3,5 տոննա թույլատրելի առավելագույն զանգված ունեցող բեռնատար ավտոմոբիլ ամառային անվադողերով վարելը՝

առաջացնում է տուգանքի նշանակում` սահմանված նվազագույն աշխատավարձի քսանհինգապատիկի չափով:

1․2․ Հունիս, հուլիս և օգոստոս ամիսներին բութակավոր հակասահքային դողերով տրանսպորտային միջոց վարելը՝

առաջացնում է տուգանքի նշանակում` սահմանված նվազագույն աշխատավարձի տասնհինգապատիկի չափով։

1․3․ Ճանապարհածածկին ձյան կամ մերկասառույցի առկայության պարագայում «Երթևեկությունը հակասահքային շղթաներով» 4․9․1  ճանապարհային նշանի ազդման գոտում 3,5 տոննայից ավելի թույլատրելի առավելագույն զանգված ունեցող բեռնատար ավտոմոբիլների և ավտոբուսների առնվազն երկու տանող անիվների վրա առանց տվյալ տրանսպորտային միջոցի տեսակին, դողի չափսերին և անվտանգ երթևեկությանը համապատասխանող հակասահքային շղթաների երթևեկությունը՝

առաջացնում է տուգանքի նշանակում` սահմանված նվազագույն աշխատավարձի հիսնապատիկի չափով։

1․4․ Ձմեռային դողերը, բութակավոր հակասահքային դողերը (դրանց կիրառման պարագայում) տրանսպորտային միջոցի բոլոր անիվների վրա չտեղադրելը յուրաքանչյուր չտեղադրված դողի մասով՝

առաջացնում է տուգանքի նշանակում` սահմանված նվազագույն աշխատավարձի քսանապատիկի չափով՝ յուրաքանչյուր չտեղադրված դողի մասով։»։

Հոդված 3. Օրենսգրքի 124⁶-րդ հոդվածի 1-ին մասից հետո լրացնել  հետևյալ բովանդակությամբ 1.1-ին մասը.

«1․1 Սույն օրենսգրքի 123-րդ հոդվածի 1.1-1.4-րդ մասերով սահմանված իրավախախտումների հետևանքով վթարային իրադրություն ստեղծելը՝

առաջացնում է տուգանքի նշանակում` սահմանված նվազագույն աշխատավարձի երեսունապատիկից հիսունապատիկի չափով:

Հոդված 4. Օրենսգրքի 124⁶-րդ հոդվածի 2-րդ մասից հետո լրացնել  հետևյալ բովանդակությամբ 2.1-ին մասը.

«2․1 Սույն օրենսգրքի 123-րդ հոդվածի 1.1-1.4-րդ մասերով սահմանված արարք կատարելը, որի հետևանքով առաջացած ճանապարհատրանսպորտային պատահարի հետևանքով անձի առողջությանը պատճառվել է թեթև վնաս`

առաջացնում է տուգանքի նշանակում` սահմանված նվազագույն աշխատավարձի հիսունապատիկի չափով:»։

Հոդված 5. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հանրապետության  նախագահ                                 Վ. Խաչատուրյան

Երևան