04.12.2023
Առաջարկում ենք Ընթացիկ իրավիճակը և խնդիրները 4-րդ պարբերությունից հետո ավելացնել հետևյալ լրացումը. 2021 թվականի հուլիսի 1-ից ԵԱՏՄ դեղորայքային գրանցումների միասնական կարգին անցում կատարելուց հետո հայրենական արտադրողները պարտավորվում են դեղերի գրանցումներն իրականացնել առավել բարձր արժեքներով, քան նախկինում: 2022 թվականի մայիսի 19-ի N 715-Ն որոշման Հավելվածով սահմանված են ԵԱՏՄ գրանցման համար 2 100 000 (երկու միլիոն հարյուր հազար), ԵԱՏՄ վերագրանցման համար 1 000 000 (մեկ միլիոն) ՀՀ դրամ գումար: Ներկայումս տեղական արտադրողները գործունեություն են ծավալում միասնական շուկայում, ինչն ունի մի շարք առավելություններ, սակայն, դեղերի գրանցման փորձաքննության այդչափ բարձր վճարները սահմանափակում են արտադրողի նոր արտադրանք թողարկելու հնարավորությունները՝ այդպիսով խոչընդոտելով տեղական արտադրատեսականու ընդլայնմանը:
