«Հայաստանի Հանրապետության հարկային օրենսգրքում փոփոխություններ և լրացումներ կատարելու մաuին» օրենքի նախագիծ

ՆԱԽԱԳԻԾ

ՀԱՅԱUՏԱՆԻ ՀԱՆՐԱՊԵՏՈՒԹՅԱՆ OՐԵՆՔԸ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ

ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱUԻՆ

Հոդված 1. 2016 թվականի հոկտեմբերի 4-ի Հայաստանի Հանրապետության հարկային օրենսգրքի (այսուհետ՝ Օրենսգիրք)՝ 198-րդ հոդվածի 1-ին մասի 2-րդ կետում, 200-րդ հոդվածի 1-ին մասի 2-րդ կետում, 201-րդ հոդվածի 1-ին մասի 2-րդ կետում, 203-րդ հոդվածի 1-ին մասի 2-րդ կետում և 2-րդ մասի 2-րդ կետում, 215-րդ հոդվածի վերնագրում, 1-ին, 3-րդ, 4-րդ և 5-րդ մասերում հանել «և թերմալ» բառերը, իսկ «արդյունահանման» բառը փոխարինել «օգտագործման» բառով՝ իր բոլոր հոլովաձևերով։

Հոդված 2. Օրենսգրքի 198-րդ հոդվածի 1-ին մասի 2-րդ կետում «արդյունահանորղները» բառը փոխարինել «ջրօգտագործողները» բառով։

Հոդված 3. Օրենսգրքի 201-րդ հոդվածի 1-ին մասի 1-ին և 2-րդ կետերը, 203-րդ հոդվածի 1-ին և 2-րդ մասերի 1-ին և 2-րդ կետերը «համար» բառից առաջ, Օրենսգրքի 214-րդ հոդվածի 1-ին և 3-րդ մասերը «օգտագործման» բառից հետո, 215-րդ հոդվածի 1-ին և 3-րդ մասերը «պաշարների համար» բառերից առաջ լրացնել «(բացառությամբ՝ հիդրոէներգետիկ նպատակով)» բառերով։

Հոդված 4. Օրենսգրքի 201-րդ հոդվածի՝

1) 1-ին մասի 2-րդ կետից հանել «(արդյունահանված)» բառը.

2)  1-ին մասը լրացնել հետևյալ բովանդակությամբ նոր 2.1) կետով․

«2.1) մակերևութային և ստորերկրյա ջրերի հիդրոէներգետիկ նպատակով բնօգտագործման վճարի բազա է համարվում փաստացի արտադրված էլեկտրաէներգիայի ծավալը.»։

Հոդված 5. Օրենսգրքի 204-րդ հոդվածի՝

1) 1-ին մասը լրացնել հետևյալ բովանդակությամբ նոր 1.1) կետով՝

«1.1) Մակերևութային ջրերի հիդրոէներգետիկ նպատակով բնօգտագործման վճարը հաշվարկվում է բնօգտագործման վճարի բազայի նկատմամբ հաշվետու ժամանակաշրջանում փաստացի արտադրված յուրաքանչյուր կվտժ-ի համար 0.23 դրամ։» բառերով.

2) 1-ին մասի աղյուսակից հանել

«

» տողը․

3) 2-րդ մասի 1-ին կետից հանել «կամ ջրօգտագործման թույլտվություններում մակերևութային ջրերի ջրառի ծավալները նշված չլինելը», իսկ նույն մասի 2-րդ կետից՝ «կամ ջրօգտագործման թույլտվություններում ստորերկրյա քաղցրահամ և թերմալ ջրերի արդյունահանման ծավալները նշված չլինելը» բառերը։

Հոդված 6. Օրենսգրքի 205-րդ հոդվածը շարադրել հետևյալ խմբագրությամբ՝

«Հոդված 205. Ստորերկրյա քաղցրահամ ջրերի օգտագործման համար բնօգտագործման վճարի դրույքաչափերը

1. Ստորերկրյա քաղցրահամ ջրերի  օգտագործման (բացառությամբ՝ հիդրոէներգետիկ նպատակով) համար բնօգտագործման վճարը հաշվարկվում է բնօգտագործման վճարի բազայի նկատմամբ հետևյալ դրույքաչափերով (հաշվի առնելով սույն հոդվածի 6-րդ մասի դրույթները).

2. Ռեկրեացիոն (այդ թվում՝ հանգստի նպատակով լողավազաններում օգտագործելու) նպատակով ստորերկրյա քաղցրահամ ջրերի՝ հաշվետու ժամանակաշրջանում  օգտագործված յուրաքանչյուր խորանարդ մետրի համար բնօգտագործման վճարը հաշվարկվում է 50 դրամ դրույքաչափով (հաշվի առնելով նաև սույն հոդվածի 6-րդ մասի դրույթները):

3․ Ստորերկրյա քաղցրահամ ջրերի հիդրոէներգետիկ նպատակով օգտագործման համար բնօգտագործման վճարը հաշվարկվում է բնօգտագործման վճարի բազայի նկատմամբ հաշվետու ժամանակաշրջանում փաստացի արտադրված յուրաքանչյուր կվտժ-ի համար 0.23 դրամ։

4. Օրենսգրքի 203-րդ հոդվածի 1-ին մասով սահմանված` բնօգտագործման վճարի բազայի չափաքանակները գերազանցելու դեպքում սույն հոդվածի 1-ին և 2-րդ մասերով սահմանված յուրաքանչյուր նպատակով արդյունահանման չափաքանակները գերազանցող փաստացի օգտգործված ջրի ծավալների համար որպես դրույքաչափ կիրառվում է նույն մասերով սահմանված դրույքաչափերի եռապատիկ մեծությունը:

5. Օրենսգրքի 203-րդ հոդվածի 2-րդ մասով սահմանված՝ բնօգտագործման վճարի բազայի զրոյական չափաքանակների դեպքում սույն հոդվածի 1-ին և 2-րդ մասերով սահմանված յուրաքանչյուր նպատակով փաստացի օգտագործված ջրի ծավալների համար որպես դրույքաչափ կիրառվում է նույն մասերով սահմանված դրույքաչափերի`

1) տասնապատիկը` Հայաստանի Հանրապետության Արարատի և Արմավիրի մարզերում.

2) հնգապատիկը` Հայաստանի Հանրապետության մյուս մարզերում:

6. 2018 թվականի հունվարի 1-ից ստորերկրյա քաղցրահամ  ջրերի օգտագործման համար կիրառվող բնօգտագործման վճարի դրույքաչափերը որոշվում են որպես սույն հոդվածի 1-ին և 2-րդ մասերով սահմանված դրույքաչափերի և 1.1 գործակցի արտադրյալ, 2019 թվականի հունվարի 1-ից՝ որպես սույն հոդվածի 1-3-րդ մասերով սահմանված դրույքաչափերի և 1.2 գործակցի արտադրյալ, իսկ 2020 թվականի հունվարի 1-ից՝ որպես սույն հոդվածի 1-ին և 2-րդ մասերով սահմանված դրույքաչափերի և 1.3 գործակցի արտադրյալ:»։

Հոդված 7. Օրենսգրքի 212-րդ հոդվածի 1-ին մասում «մակերևութային ջրերի օգտագործված պաշարների և ստորերկրյա քաղցրահամ և թերմալ ջրերի արդյունահանված» բառերը փոխարինել «մակերևութային և ստորերկրյա քաղցրահամ ջրերի օգտագործված» բառերով, ինչպես նաև հանել երկրորդ նախադասությունը, և նույն հոդվածը լրացնել հետևյալ բովանդակությամբ նոր 3-րդ մասով․

«3. Հիդրոէներգետիկ նպատակով մակերևութային և ստորերկրյա ջրերի օգտագործման դեպքում՝ փաստացի արտադրված էլեկտրաէներգիայի ծավալը հաշվառվում է էներգետիկայի բնագավառի օրենսդրությամբ սահմանված կարգով։»։

Հոդված 8. Օրենսգրքի 214-րդ հոդվածի 4-րդ մասը «ջրօգտագործման ծավալները» բառերից հետո  լրացնել «, հիդրոէներգետիկ նպատակով ջրօգտագործման դեպքում՝ փաստացի արտադրված էլեկտրաէներգիայի ծավալը,» բառերով և նույն հոդվածը լրացնել հետևյալ բովանդակությամբ 5-րդ և 6-րդ մասերով՝

«5. Հիդրոէներգետիկ նպատակով մակերևութային ջրերի օգտագործման համար պետական բյուջե վճարման ենթակա բնօգտագործման վճարը հաշվարկվում է հաշվետու ժամանակաշրջանում փաստացի արտադրված էլեկտրաէներգիայի ծավալի հիման վրա։

6. Հիդրոէներգետիկ նպատակով մակերևութային ջրերի օգտագործման համար պետական բյուջե վճարման ենթակա բնօգտագործման վճարը հաշվարկվում է` հիմք ընդունելով հաշվետու ժամանակաշրջանում փաստացի արտադրված էլեկտրաէներգիայի ծավալի և Օրենսգրքի 204-րդ հոդվածով սահմանված դրույքաչափերը:»։

Հոդված 9. Օրենսգրքի 215-րդ հոդվածի 5-րդ մասից հանել «կամ թերմալ» բառերը և նույն մասը «ծավալները» բառից հետո լրացնել «, հիդրոէներգետիկ նպատակով ջրօգրագործման դեպքում՝ փաստացի արտադրված էլեկտրաէներգիայի ծավալը,» բառերով, ինչպես նաև նույն հոդվածը լրացնել հետևյալ բովանդակությամբ  6-րդ և 7-րդ մասերով՝

«6. Հիդրոէներգետիկ նպատակով ստորերկրյա քաղցրահամ ջրերի օգտագործման համար պետական բյուջե վճարման ենթակա բնօգտագործման վճարը հաշվարկվում է հաշվետու ժամանակաշրջանում փաստացի արտադրված էլեկտրաէներգիայի ծավալի հիման վրա։

7. Հիդրոէներգետիկ նպատակով ստորերկրյա քաղցրահամ ջրերի օգտագործման համար պետական բյուջե վճարման ենթակա բնօգտագործման վճարը հաշվարկվում է` հիմք ընդունելով հաշվետու ժամանակաշրջանում փաստացի արտադրված էլեկտրաէներգիայի ծավալի և Օրենսգրքի 205-րդ հոդվածով սահմանված դրույքաչափերը:»։

Հոդված 10. Սույն օրենքն ուժի մեջ է մտնում 2026 թվականի հուլիսի 1-ից։