«Հայաuտանի Հանրապետության կառավարության 2023 թվականի փետրվարի 9-ի N 162-Ն որոշման մեջ փոփոխություններ և լրացում ու Հայաuտանի Հանրապետության կառավարության 2023 թվականի փետրվարի 9-ի N 166-Ն որոշման մեջ փոփոխություն կատարելու մասին» ՀՀ կառավարության որոշման նախագիծ

ՏԵՂԵԿԱՆՔ-ՀԻՄՆԱՎՈՐՈՒՄ

«Հայաuտանի Հանրապետության կառավարության 2023 թվականի փետրվարի

9-ի N 162-Ն որոշման մեջ փոփոխություններ և լրացում ու Հայաuտանի Հանրապետության կառավարության 2023 թվականի փետրվարի 9-ի

N 166-Ն որոշման մեջ փոփոխություն կատարելու մասին» ՀՀ կառավարության

որոշման նախագծի ընդունման

1. Իրավական ակտի ընդունման անհրաժեշտությունը

      Որոշման նախագծի ընդունումը պայմանավորված է ՀՀ պաշտպանության նախարարության համակարգի մարտական խնդիրների իրականացման, պլանավորման կամ վերահսկման գործառույթներ չունեցող պաշտոններ զբաղեցնող սպայական, ենթասպայական և շարքային կազմերի պայմանագրային զինծառայողների ատեստավորման գնահատման ձևաչափը և դրա արդյունքներով հաշվարկվող հավելավճարների չափերը փոփոխելու անհրաժեշտությամբ:

2. Ընթացիկ իրավիճակը և խնդիրները

      ՀՀ կառավարության 2023թ. փետրվարի 9-ի N 162-Ն որոշման մեջ ՀՀ կառավարության 14.06.2024 թիվ 861-Ն որոշմամբ կատարված լրացումներով ատեստավորման համակարգում ներառվեցին նաև ՊՆ համակարգի մարտական խնդիրների իրականացման, պլանավորման կամ վերահսկման գործառույթներ չունեցող պաշտոններ (այսուհետ՝ ոչ մարտական խնդիրներով պաշտոն) զբաղեցնող սպայական, ենթասպայական և շարքային կազմերի պայմանագրային զինծառայողները, որոնց համար ատեստավորումը նախատեսվեց երեք ուղղություններով (կրակային և շարային պատրաստության գնահատում ու մասնագիտական գիտելիքների և ծառայողական պարտականությունների իմացության թեստավորում)՝ առանց ֆիզիկական պատրաստության աստիճանի գնահատման: Միաժամանակ սահմանվեց, որ ՀՀ կառավարության 2018 թվականի ապրիլի 12-ի N 405-Ն որոշման N 1 հավելվածի 101-րդ կետով սահմանված այլ պատճառական կապով պայմանավորված` ՀՀ կառավարության 2018 թվականի ապրիլի 12-ի N 404-Ն որոշման N 2 հավելվածով սահմանված` չթույլատրվող ֆիզիկական վարժությունների ցանկով նախատեսված համապատասխան գործնական վարժության կատարման հակացուցում ունեցող մարտական խնդիրների իրականացման, պլանավորման կամ վերահսկման գործառույթներ ունեցող պաշտոն (այսուհետ՝ մարտական խնդիրներով պաշտոն) զբաղեցնող զինծառայողը կարող է դիմել և մասնակցել ոչ մարտական խնդիրներով պաշտոն զբաղեցնող զինծառայողների ատեստավորմանը, որի արդյունքներով նրան հավելավճար հաշվարկվում է ոչ մարտական խնդիրներով պաշտոն զբաղեցնող զինծառայողների համար սահմանված չափով: Բացի այդ, ՀՀ կառավարության 2023թ. փետրվարի 9-ի N 166-Ն որոշման մեջ ՀՀ կառավարության 14.06.2024 թիվ 861-Ն որոշմամբ սահմանվեց, որ ոչ մարտական խնդիրներով պաշտոն զբաղեցնող զինծառայողներին ատեստավորման արդյունքներով հաշվարկվող հավելավճարների չափերը կազմում են մարտական խնդիրներով պաշտոն զբաղեցնող զինծառայողների հավելավճարների չափերի 60 տոկոսը:

        Շուրջ մեկ տարվա ատեստավորման արդյունքները ցույց են տալիս, որ ոչ մարտական խնդիրներով պաշտոն զբաղեցնողների ատեստավորմանը մասնակցած զինծառայողների 1/3-ից ավելին կազմում են մարտական խնդիրներով պաշտոն զբաղեցնող այն զինծառայողները, որոնք ունեն ՀՀ կառավարության 2018 թվականի ապրիլի 12-ի N 404-Ն որոշման N 2 հավելվածով սահմանված` չթույլատրվող ֆիզիկական վարժությունների ցանկով նախատեսված համապատասխան գործնական վարժության կատարման հակացուցում: Բացի այդ, հավելավճարների չափերի վերլուծությունը ևս ցույց է տալիս, որ առկա է աճող տենդենց՝ զինծառայողները նախընտրում են ատեստավորվել ոչ մարտական խնդիրներով պաշտոն զբաղեցնողների համար սահմանված կարգով, քանի որ վերջինի դեպքում «գերազանց» և «լավ» գնահատականներով հավելավճարների 60 տոկոս չափերը փաստացի գերազանցում են մարտական խնդիրներով պաշտոն զբաղեցնողների ատեստավորման «բավարար» գնահատականի հավելավճարի չափը: Ընդ որում, մարտական խնդիրներով պաշտոն զբաղեցնողների ատեստավորման գնահատականների ընդհանուր վերլուծությունը ցույց է տալիս նաև, որ ցածր գնահատականների գերակշիռ մասը ֆիզիկական վարժությունների կատարումից է:

      Առաջացած խնդրի լուծման նպատակով՝ նպատակահարմար է գտնվել ոչ մարտական խնդիրներով պաշտոն զբաղեցնողների ատեստավորման գնահատումն իրականացնել «ստուգված» և «չստուգված» սկզբունքով, իսկ «ստուգված» գնահատվելու արդյունքում հավելավճարներն ըստ զինծառայողների համապատասխան կազմերի սահմանել բացարձակ թվով (որպես ելակետ՝ մարտական խնդիրներով պաշտոն զբաղեցնողների «բավարար» գնահատականի համար նախատեսված հավելավճարի 80 տոկոսի (կլորացված) չափով):

3. Կարգավորման նպատակը և բնույթը

      Որոշման նախագծի համաձայն փոփոխվում են ՀՀ պաշտպանության նախարարության համակարգի մարտական խնդիրների իրականացման, պլանավորման կամ վերահսկման գործառույթներ չունեցող պաշտոններ զբաղեցնող սպայական, ենթասպայական և շարքային կազմերի պայմանագրային զինծառայողների ատեստավորման գնահատման ձևաչափը և դրա արդյունքներով հաշվարկվող հավելավճարների չափերը:  

4. Լրացուցիչ ֆինանսական միջոցների անհրաժեշտությունը և պետական բյուջեի եկամուտներում ու ծախսերում սպասվելիք փոփոխությունները

      Որոշման նախագծի ընդունումը լրացուցիչ ֆինանսական միջոցների անհրաժեշտություն չի առաջացնում, կանխատեսվում է ատեստավորման ուղղությամբ ծախսերի որոշակի նվազում:

5. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ

       Որոշման նախագիծը կապված է ՀՀ կառավարության 2021-2026թթ. ծրագրի «1.3 Պաշտպանության ոլորտ. Զինված ուժերի  բարեփոխումներ» բաժնի վեցերորդ պարբերության և 1-ին, 6-րդ ու 9-րդ կետի պահանջների, ի դեմս՝ արհեստավարժ զինվորական ծառայության աստիճանական անցման, զինվորական ծառայության շահադրդման նյութական և բարոյահոգեբանական մեխանիզմների խթանման, զինծառայության գրավչության բարձրացման ուղղությամբ ծրագրերի իրականացման ապահովման հետ: