ՍՆԴԻԿԻ ՄԱՍԻՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

    ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ

ՍՆԴԻԿԻ ՄԱՍԻՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1.  «Սնդիկի մասին» 2022 թվականի մարտի 23-ի ՀՕ-84-Ն օրենքի (այսուհետ՝ Օրենք)    3-րդ հոդվածի 1-ին մասի 2-րդ կետից «Սույն օրենքի իմաստով՝ սնդիկի միացություններն են սնդիկի (I) քլորիդը (կալոմել), սնդիկի (II) օքսիդը, սնդիկի (II) սուլֆատը, սնդիկի (II) նիտրատը, կինաբարը և սնդիկի սուլֆիդը.» նախադասությունը հանել։

Հոդված 2.  Օրենքի 5-րդ հոդվածի 1-ին մասի 2-րդ կետից «և Հայաստանի Հանրապետությունից սնդիկի արտահանման համաձայնություններ տալը» բառերը հանել, իսկ «ներմուծման» բառից հետո լրացնել «և Հայաստանի Հանրապետությունից սնդիկի արտահանման» բառերով։

Հոդված 3. Օրենքի 11-րդ հոդվածը լրացնել հետևյալ բովանդակությամբ 3-րդ և 4-րդ մասերով.

«3. Սնդիկի գործածության ընթացքում անհատ ձեռնարկատերերը և իրավաբանական անձինք պարտավոր են ապահովել «Տեխնիկական անվտանգության ապահովման պետական կարգավորման մասին» օրենքի պահանջների կատարումը։

4. Սնդիկի գործածության մեջ ներգրավված անհատ ձեռնարկատերերը և իրավաբանական անձինք պարտավոր են Հայաստանի Հանրապետության տարածքում ավտոմոբիլային տրանսպորտով սնդիկի փոխադրումն իրականացնել «Ավտոմոբիլային տրանսպորտով վտանգավոր բեռներ և չվնասազերծված տարաներ փոխադրելու մասին» օրենքով սահմանված կարգով տրամադրված վտանգավոր բեռներ փոխադրելու թույլտվության առկայության դեպքում։»։

Հոդված 4. Օրենքը լրացնել հետևյալ բովանդակությամբ 10.1-ին հոդվածով.

«Հոդված 10.1.   Ֆիզիկական անձանց կողմից սնդիկի գործածությունը

1. Արգելվում է` Հայաստանի Հանրապետությունում որպես անհատ ձեռնարկատեր չհաշվառված ֆիզիկական անձանց կողմից սնդիկի գործածությունը։

 Հոդված 5 . Եզրափակիչ մաս

1. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը: