«Հայաստանի Հանրապետության քրեական դատավարության օրենսգրքում լրացումներ կատարելու մասին», «Հայաստանի Հանրապետության բանկային գաղտնիքի մասին օրենքում փոփոխություն կատարելու մասին», «Հայաստանի Հանրապետության ապահովագրական գործունեության մասին օրենքում փոփոխություն կատարելու մասին» և «Հայաստանի Հանրապետության կուտակային կենսաթոշակների մասին օրենքում փոփոխություն կատարելու մասին» Հայաստանի Հանրապետության օրենքների նախագծերի փաթեթ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՐԵԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

   Հոդված 1. 2021 թվականի հունիսի 30-ի Հայաստանի Հանրապետության քրեական դատավարության օրենսգրքի (այսուհետ` Օրենսգիրք) 6-րդ հոդվածի 1-ին մասը լրացնել հետևյալ բովանդակությամբ 64-րդ կետով.

   «64) էլեկտրոնային հարթակ-համակարգ` ՀՀ արդարադատության նախարարության և Կենտրոնական բանկի կողմից համատեղ սահմանված չափանիշներին բավարարող էլեկտրոնային փաստաթղթաշրջանառության համակարգ։»։

   Հոդված 2.  Օրենսգրքի 8-րդ հոդվածը լրացնել հետևյալ բովանդակությամբ նոր 8.1-ին մասով.

  «8.1 Բանկային կամ հարակից գաղտնիք կազմող տեղեկությունների փոխանցման Էլեկտրոնային հարթակ-համակարգի շահագործման և անվտանգության կանոնները սահմանվում են ՀՀ արդարադատության նախարարության և Կենտրոնական բանկի համատեղ իրավական ակտով։»։

   Հոդված 3.  Օրենսգրքի 214-րդ հոդվածի 3-րդ մասում «փաստաթղթեր վերցնելու» բառերից հետո լրացնել «, ինչպես նաև էլեկտրոնային հարթակ-համակարգի միջոցով փաստաթղթերի առգրավման» բառերը:

    Հոդված 4. Օրենսգրքի 239-րդ հոդվածը՝

    1) լրացնել հետևյալ բովանդակությամբ 13-րդ մասով՝        

  «13. Եթե բանկային կամ հարակից գաղտնիք կազմող փաստաթղթերի առգրավումը կատարվում է էլեկտրոնային հարթակ-համակարգի միջոցով, ապա առգրավման որոշումն այն անձին, որի մոտ կատարվում է առգրավումը, հանձնվում է էլեկտրոնային հարթակ-համակարգի միջոցով, իսկ առգրավման ենթակա փաստաթղթերը ներկայացվում են այդ համակարգի միջոցով.»

  2) լրացնել հետևյալ բովանդակությամբ 13.1-ին մասով՝      

 «13.1. Էլեկտրոնային հարթակ-համակարգի միջոցով առգրավում կատարելու դեպքում առգրավման առանձին արձանագրություն չի կազմվում, իսկ վարույթի նյութերին կցվում է առգրավման կատարման փաստը հավաստող փաստաթուղթը, որը գեներացվում է էլեկտրոնային հարթակ-համակարգի միջոցով:»։

Հոդված 5. Եզրափակիչ մաս և անցումային դրույթ

1. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը։
2. Սույն օրենքի ընդունումից բխող ենթաօրենսդրական ակտերն ընդունվում են սույն օրենքն ուժի մեջ մտնելուց հետո՝ երեք ամսվա ընթացքում:

                                        Հանրապետության Նախագահ                                     Վ. Խաչատուրյան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

«ԲԱՆԿԱՅԻՆ ԳԱՂՏՆԻՔԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

  Հոդված 1. «Բանկային գաղտնիքի մասին» 1996 թվականի հոկտեմբերի 7-ի ՀՕ-80 օրենքի 10-րդ հոդվածի 2-րդ մասը շարադրել հետևյալ խմբագրությամբ.

  «2.  Բանկը պարտավոր է դատարանի որոշումը ստանալուց հետո երկու բանկային օրվա ընթացքում վարույթն իրականացնող մարմնին կամ նրա կողմից լիազորված անձին տրամադրել տվյալ որոշմամբ պահանջվող տեղեկությունները և փաստաթղթերը` փակ և փակվող մասում գործադիր մարմնի ղեկավարի կամ նրան փոխարինող անձի կողմից ստորագրված ծրարում, բացառությամբ ՀՀ քրեական դատավարության օրենսգրքով սահմանված էլեկտրոնային հարթակ-համակարգի միջոցով ստացվող բանկային գաղտնիք կազմող տեղեկությունների և փաստաթղթերի։ Բանկին արգելվում է իր հաճախորդներին տեղեկացնել նրանց մասին բանկային գաղտնիք կազմող տեղեկությունները քրեական հետապնդում իրականացնող մարմիններին տրամադրելու փաստի վերաբերյալ:»:

   Հոդված 2. Սույն օրենքն ուժի մեջ է մտնում պաշտոնական հրապարակմանը հաջորդող օրվանից: 

                                        Հանրապետության Նախագահ                                     Վ. Խաչատուրյան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

«ԱՊԱՀՈՎԳՐՈՒԹՅԱՆ ԵՎ ԱՊԱՀՈՎԱԳՐԱԿԱՆ ԳՈՐԾՈՒՆԵՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

  Հոդված 1. «Ապահովագրության և ապահովագրական գործունեության մասին» 2007 թվականի սեպտեմբերի 30-ի ՀՕ-177-Ն օրենքի 112-րդ հոդվածի 2-րդ մասը շարադրել նոր խմբագրությամբ.

  «2.  Ապահովագրողը, վերաապահովագրողը, ապահովագրական միջնորդություն իրականացնող անձը և Բյուրոն պարտավոր են դատարանի որոշումն ստանալուց հետո` երկու աշխատանքային օրվա ընթացքում, վարույթն իրականացնող մարմնին կամ նրա կողմից լիազորված անձին տրամադրել տվյալ որոշմամբ պահանջվող տեղեկությունները և փաստաթղթերը՝ փակ և փակվող մասում գործադիր մարմնի ղեկավարի կամ նրան փոխարինող անձի կողմից ստորագրված ծրարում, բացառությամբ ՀՀ քրեական դատավարության օրենսգրքով սահմանված էլեկտրոնային հարթակ-համակարգի միջոցով ստացվող ապահովագրական գաղտնիք կազմող տեղեկությունների և փաստաթղթերի։ Ապահովագրողին, վերաապահովագրողին, ապահովագրական միջնորդություն իրականացնող անձին և Բյուրոյին արգելվում է իր հաճախորդներին (Բյուրոյի դեպքում` իր անդամների հաճախորդներին) տեղեկացնել նրանց մասին ապահովագրական գաղտնիք կազմող տեղեկությունները նախաքննություն իրականացնող մարմիններին տրամադրելու փաստի մասին:»։

  Հոդված 2. Սույն օրենքն ուժի մեջ է մտնում պաշտոնական հրապարակմանը հաջորդող օրվանից: 

                                            Հանրապետության Նախագահ                                     Վ. Խաչատուրյան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

«ԿՈՒՏԱԿԱՅԻՆ ԿԵՆՍԱԹՈՇԱԿՆԵՐԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

  Հոդված 1. «Կուտակային կենսաթոշակների մասին» 2010 թվականի դեկտեմբերի 22-ի ՀՕ-244-Ն օրենքի (այսուհետ՝ Օրենք) 20-րդ հոդվածի 2-րդ մասը շարադրել նոր խմբագրությամբ.

  «2.  Գործատուն, մասնակիցների ռեեստրը վարողը, հարկային մարմինը պարտավոր են դատարանի որոշումն ստանալուց հետո` երկու աշխատանքային օրվա ընթացքում, վարույթն իրականացնող մարմնին կամ նրա լիազորած անձին տրամադրել տվյալ որոշմամբ պահանջվող տեղեկությունները, բացառությամբ ՀՀ քրեական դատավարության օրենսգրքով սահմանված էլեկտրոնային հարթակ-համակարգի միջոցով ստացվող կենսաթոշակային գաղտնիք կազմող տեղեկությունների։»։

  Հոդված 2. Սույն օրենքն ուժի մեջ է մտնում պաշտոնական հրապարակմանը հաջորդող օրվանից: 

                                                     Հանրապետության Նախագահ                                     Վ. Խաչատուրյան