«ԲՆԱԿՉՈՒԹՅԱՆ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

"...կամ որակի կառավարման համակարգ ներդնելու նպատակով լիազոր մարմնին դիմում չներկայացնելու դեպքում..." նմանատիպ դիմումի մասին որևէ տեղ որևէ պարզաբանում չկա, ի՞նչ դիմումի մասին է խոսքը, միգուցե դա վերաբերում է 1413-Ն ԿՈ-ով սահմանվող "ՈՐԱԿԻ ԿԱՌԱՎԱՐՄԱՆ ՀԱՄԱԿԱՐԳԻՆ ՀԱՄԱՊԱՏԱՍԽԱՆՈՒԹՅՈՒՆԸ ԳՆԱՀԱՏԵԼՈՒ ՄԱՍԻՆ" դիմումի՞ն։ Հիմնավորման մեջ նմանատիպ կետ է գրված․ "1) Օրենքով ևս կամրագրվեն լաբորատոր գործունեություն իրականացնող կազմակերպությունների կողմից որակի կառավարման համակարգ ներդնելու ընդհանուր պահանջից բացառություններ, որոնք արդեն իսկ սահմանված են Կառավարության 2021 թվականի սեպտեմբերի 02-ի N 1413-Ն որոշմամբ:" Սական այդ որոշման մեջ որակի կառավարման համակարգ ներդնելու ընդհանուր պահանջից բացառություններ նկարագրված չեն, եթե դա վերաբերում է հավելվածի առաջին գլխի 1 կետին, ապա այդ երկու բացառությունները նույն միտքը չեն արտահայտում։

Ըստ Որակի Կառավարման համակրգի հավաստագրման և հավատարմագրման միջազգային պրակտիկայի (ISO/IEC 17011, ISO/IEC 17021)՝ գնահատման բուն գործընթացին հաջորդում է անհամապատասխանությունների վերացման/շտկման փուլ՝ հիմնականում 1-3 ամիս տևողությամբ։ Առաջարկվում է 80% շեմը չհաղթահարող կազմակերպություններին տրամադրել հավելյալ ժամանակահատված (օրինակ՝ 20 աշխատանքային օր), որի ընթացքում անհամապատասնությունները չվերացնելու դեպքում միայն կասեցվի գործունեության լիցենզիան։