20 - За
4 - Против
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ԼՐԱՑՈՒՄ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հոդված 1. 2016 թվականի հոկտեմբերի 4-ի Հայաստանի Հանրապետության հարկային օրենսգրքի (այսուհետ` Օրենսգիրք) 416-րդ հոդվածի 2-րդ մասում «բացառությամբ սույն հոդվածի 4-րդ մասում նշված դեպքերի» բառերը փոխարինել «բացառությամբ սույն հոդվածի 4-րդ և 4.1-ին մասերում նշված դեպքերի» բառերով»:
Հոդված 2. Օրենսգրքի 416-րդ հոդվածը լրացնել հետևյալ բովանդակությամբ նոր 4.1-ին մասով.
«4.1. Հսկիչ դրամարկղային մեքենայի կտրոնում ապրանքային դիրքը, աշխատանքի կամ ծառայության կոդը սխալ տպագրելը` բացառությամբ սույն հոդվածի 4-րդ մասով սահմանված դեպքերի, առաջացնում է նախազգուշացում, իսկ նախազգուշացումը կիրառելուց հետո` մեկ տարվա ընթացքում, սույն մասով սահմանված խախտումը կրկին կատարելու դեպքում` տուգանք` 10000 ՀՀ դրամի չափով:»
Հոդված 3. Սույն օրենքն ուժի մեջ է մտնում 2024 թվականի հուլիսի 1-ից:
Обсуждалось
20.03.2024 - 05.04.2024
Тип
Закон
Область
Государственные доходы, Экономика, Экономическая
Министерство
Министерство экономики
Просмотры 1055
Принт29.03.2024
Նախագիծն ավելի լիարժեք կլինի, եթե նույնպիսի մոտեցում կիրառվի ներկայումս ՀԴՄ կիրառման կանոնների խախտմանը հավասարեցված՝ հսկիչ նշանները հարկային մարմնին ուղարկելու պահանջի մասով ևս։ Սա իր բնույնթով նույն ԱՏԳ ԱԱ դիրքի պես տվյալ է։ Այլապես մի տեսակ կիսատ նախագիծ է ստացվում։
28.03.2024
Նույնաբովանդակ մեկ այլ պահանջի՝ հսկիչ նշանների վերաբերյալ տեղեկատվության ՊԵԿ փոխանցման մասով ևս անհրաժեշտ է նման տարբերակված մոտեցում կիրառել։