«Հայաստանի Հանրապետության հարկային օրենսգրքում փոփոխություն կատարելու մասին» ՀՀ օրենքի նախագիծ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՕՐԵՆՔԸ 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1.  2016 թվա­կանի հոկ­­տեմբերի 4-ի Հայաստանի Հանրապետության հարկա­­­յին օրենս­գրքի 147.1-ին հոդվածը շարադրել հետևյալ խմբագրությամբ.

«Հոդված 147.1. Սոցիալական ծախսերը

1.Սոցիալական ծախսեր են համարվում հարկային տարվա ընթացքում ֆիզիկական անձի կողմից (այդ թվում՝ հարկային գոր­ծակալի միջոցով) իր և իր ընտանիքի անդամների համար կատարված՝ առող­ջա­պա­հու­թյան, կրթության, բնակարանային ապահովության գծով ծախսերը, ինչպես նաև ֆիզիկական անձի կողմից ոչ առևտրային կազ­մա­­­կերպություններին կամ զանգ­վա­ծային լրատ­վու­թյան միջոց­ներին անհատույց փոխանցված դրամական միջոց­ները:

2.Սույն հոդվածով սահմանված սոցիալական ծախսերի տեսակների առանձին ուղղու­թյուն­ները, ընտանիքի անդամ­­­­­ների շրջա­նակը, փոխհատուցման առավելագույն չափերը, ոչ առևտրային կազ­մա­­­կերպությունների և զանգ­վա­ծային լրատ­վու­թյան միջոց­ների շրջանակը, ինչ­պես նաև սոցիալական ծախսերի փաստաթղթավորման կարգը սահ­մա­նում է Կառա­վա­րու­թյունը:»:

Հոդված 2.  

1.Սույն օրենքն ուժի մեջ է մտնում պաշտոնական հրապարակմանը հաջոր­­­դող օրվա­նից  և կիրառվում է 2027 թվականի հունվարի 1-ից հետո ոչ առևտրային կազմակերպություններին և զանգ­վա­ծային լրատվության միջոց­ներին անհատույց փոխանցված դրամական միջոց­ների մասով:

2. Սույն օրենքից բխող ենթաօրենսդրական ակտերն ընդունվում են սույն օրենքն ուժի մեջ մտնելուց հետո՝ երկամսյա ժամկետում։