«Մենթոր հաստատությունների ընտրության և մենթորական աշխատանքներ իրականացնողների գործառույթները սահմանելու մասին» Կրթության, գիտության, մշակույթի և սպորտի նախարարի հրաման

2021 թվականի մայիսի 13-ին ՀՀ կառավարության 744-Ն որոշմամբ հաստատված՝ «Նախադպրոցական կրթության պետական կրթական չափորոշչի» ներդրման նպատակով Կրթության, գիտության, մշակույթի և սպորտի նախարարի հրամաններով հաստատվել են նախադպրոցական կրթական համալիր ծրագրերը (այսուհետ՝ ծրագրեր)՝ տարիքային բոլոր խմբերի համար:

Ծրագրերի աստիճանական ներդրումը հանրապետության համայնքային նախադպրոցական ուսումնական հաստատություններում (այսուհետ՝ հաստատություն) մեկնարկել է 2022-2023 ուսումնական տարում և ուղեկցվել է «Կրթության զարգացման և նորարարությունների ազգային կենտրոն» հիմնադրամի կողմից հաստատությունների մանկավարժական համակազմերի համար իրականացվող վերապատրաստման դասընթացներով և պարբերական մշտադիտարկումներով:

Հանրապետությունում գործող բոլոր հաստատություններում «Նախադպրոցական կրթության պետական կրթական չափորոշչի» ամբողջական ներդրումը  նախատեսվում է 2025-2026 ուսումնական տարում:

Գործընթացն արդյունավետ կազմակերպելու, ինչպես նաև հաստատությունների՝ բովանդակային արդյունավետ համագործակցության և լավագույն փորձի փոխանակման համար Երևան քաղաքում և մարզերում մենթորական հաստատությունների ձևավորման անհրաժեշտություն է առաջացել:

2024-2025 ուսումնկան տարվան նախընթաց «Կրթության զարգացման և նորարարությունների ազգային կենտրոն» հիմնադրամի համակարգմամբ ձևավորվել են մենթորական խմբեր:

Կարևորելով գործընթացի շարունակությունը՝ անրաժեշտություն է առաջացել ամրագրելու և նախադպրոցական մենթոր հաստատությունների ընտրության և մենթորական աշխատանքների իրականացման հետ կապված  իրավահարաբերությունները: