ՄՇԱԿՈՒԹԱՅԻՆ ԱՐԺԵՔՆԵՐԻ ՓՈՐՁԱՔՆՆՈՒԹՅՈՒՆ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐԻ ՀԱՎԱՏԱՐՄԱԳՐՄԱՆ ԿԱՐԳՆ ՈՒ ՉԱՓՈՐՈՇԻՉՆԵՐԸ ՀԱՍՏԱՏԵԼՈՒ ՄԱՍԻՆ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

__________  թվականի N _______   -Ն

ՄՇԱԿՈՒԹԱՅԻՆ ԱՐԺԵՔՆԵՐԻ ՓՈՐՁԱՔՆՆՈՒԹՅՈՒՆ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐԻ ՀԱՎԱՏԱՐՄԱԳՐՄԱՆ ԿԱՐԳՆ ՈՒ ՉԱՓՈՐՈՇԻՉՆԵՐԸ ՀԱՍՏԱՏԵԼՈՒ ՄԱՍԻՆ

«Մշակութային արժեքների արտահանման և ներմուծան մասին» օրենքի 7-րդ հոդվածի 1-ին մասի 6.2-րդ կետին համապատասխան` Հայաստանի Հանրապետության կառավարությունը որոշում է.

1. Հաստատել մշակութային արժեքների փորձաքննություն իրականացնող կազմակերպությունների հավատարմագրման կարգն ու չափորոշիչները՝ համաձայն հավելվածի:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԱՐՉԱՊԵՏ                                                       Ն.ՓԱՇԻՆՅԱՆ

Հավելված

Հայաստանի Հանրապետության կառավարության

 ________ թվականի
____________N ______-Ն որոշման

ԿԱՐԳ ՈՒ ՉԱՓՈՐՈՇԻՉՆԵՐ

ՄՇԱԿՈՒԹԱՅԻՆ ԱՐԺԵՔՆԵՐԻ ՓՈՐՁԱՔՆՆՈՒԹՅՈՒՆ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐԻ ՀԱՎԱՏԱՐՄԱԳՐՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կարգավորվում են մշակութային արժեքների փորձաքննություն իրականացնող կազմակերպությունների (այսուհետ՝ Կազմակերպություն) հավատարմագրման ընթացակարգի հետ կապված հարաբերությունները:
2. Կազմակերպության հավատարմագրումն իրականացնում է Հայաստանի Հանրապետության կրթության, գիտության, մշակույթի և սպորտի նախարարությունը (այսուհետ` Նախարարություն)` սույն կարգի պահանջներին համապատասխան:
3. Կազմակերպության հավատարմագրումը հավաստվում է վկայականով (այսուհետ` Վկայական) և հավատարմագրման գրանցամատյանում գրանցումով:
4. Կազմակերպության հավատարմագրման գործընթացն ապահովելու նպատակով Հայաստանի Հանրապետության կրթության, գիտության, մշակույթի և սպորտի նախարարի (այսուհետ` Նախարար) հրամանով ստեղծվում է մշակութային արժեքների փորձաքննություն իրականացնող կազմակերպությունների հավատարմագրման մասնագիտական հանձնաժողով (այսուհետ` Հանձնաժողով) և հաստատվում դրա աշխատակարգն ու անհատական կազմը:
5. Հանձնաժողովն իրավասու է քննարկել սույն կարգի համաձայն իրեն ներկայացված փաստաթղթերը և տրամադրել եզրակացություն Կազմակերպությանը Վկայական տալու, մերժելու կամ Վկայականի գործողությունը դադարեցնելու վերաբերյալ:
6. Նախարարությունն իր պաշտոնական կայքում տեղադրում և յուրաքանչյուր տարի թարմացնում է հավատարմագրված Կազմակերպությունների վերաբերյալ տեղեկատվությունը, որը պետք է ներառի`

1) Կազմակերպության անվանումը,

2) Կազմակերպության գտնվելու վայրը,

3) Վկայականի համարը, տրամադրման տարեթիվը, ամիսը, ամսաթիվը,

4) Կազմակերպության հեռախոսահամարը և էլեկտրոնային փոստը,

5 Կազմակերպության կողմից իրականացվող մշակութային արժեքների փորձաքննության ոլորտները:

2. ՀԱՎԱՏԱՐՄԱԳՐՄԱՆ ՉԱՓՈՐՈՇԻՉՆԵՐԸ
3. Կազմակերպությունը պարտավոր է.

1) ապահովել մշակութային արժեքների փորձաքննության իրականցումը միայն Նախարարության կողմից հավատարմագրված մշակութային արժեքների փորձաքննություն անկացնող մասնագետների կողմից,  

2) իրականացնել և հաստատել մշակութային արժեքների փորձաքննությունը Հայաստանի Հանրապետության կառավարության 2005 թվականի մայիսի 12-ի «Մշակութային արժեքների արվեստաբանական և մշակութաբանական փորձաքննության անցկացման կարգը և չափորոշիչները հաստատելու մասին» N 630-Ն որոշման պահանջների համապատասխան:

8. Կազմակերպությունը պետք է ապահովված լինի մշակութային արժեքների փորձաքնության իրականացման համար անհրաժեշտ ջերմախոնավային ռեժիմով և անվտանգության միջոցներով պահպանվող հետևյալ առանձնացված տարածքներով՝

1) փորձաքննության ներկայացված մշակութային առարկաների ժամանակավոր պահպանության տարածքով,

2) վարչական և մասնագիտական անձնակազմի աշխատանքների կազմակերպման և փաստաթղթերի պահպանման համար տարածքով,

3) մշակութային արժեքների փորձաքննություն իրականացնելու համար  համապատասխան նյութատեխնիկական միջոցներով (նյութակազմը վերլուծող սարքավորում, շարժական ֆլուորեսցենտ-ռենտգենային սարք, ինֆրակարմիր ռենտգենային օպտիկական սարք, բինոկուլյար միկրոսկոպ, բևեռացնող միկրոսկոպ) հագեցված տարածքով:

9. Կազմակերպությունը պետք է տիրապետի իր գործունեությունն ապահովելու համար անհրաժեշտ ֆինանսական միջոցներին (աշխատակազմին առնվազն օրենքով նվազագույն աշխատավարձի չափով վարձատրության, կոմունալ ծախսերի ապահովման համար) կամ դրանց մուտքերի աղբյուրին:

3. ՀԱՎԱՏԱՐՄԱԳՐՄԱՆ ՀԱՅՏ ՆԵՐԿԱՅԱՑՆԵԼԸ ԵՎ ԴՐԱ ՔՆՆԱՐԿՄԱՆ ԳՈՐԾԸՆԹԱՑԸ

10. Կազմակերպության հավատարմագրման համար հայտ կարող են ներկայացնել իրավաբանական անձինք (այսուհետ՝ Հավակնորդ)՝ անկախ կազմակերպաիրավական ձևից։
11. Հավատարմագրման համար Հավակնորդը դիմում է Նախարարին` կցելով հետևյալ փաստաթղթերը`

1) տեղեկանք Կազմակերպության կազմակերպաիրավական ձևի և իր կանոնադրությամբ նման գործունեություն իրականացնելու իրավասություն ունենալու վերաբերյալ,

2) տեղեկանք Կազմակերպության  գործունեության իրականացման համար սույն կարգի 8-րդ կետով պահանջվող տարածքների տնօրինման մասին կից՝ լուսանկարներ առանձնացված տարածքների և նյութատեխնիկական միջոցների վերաբերյալ,

3) տեղեկանք մշակութային արժեքների փորձաքննություն իրականացնելու համար անհրաժեշտ ֆինանսական միջոցների տիրապետման (աշխատակազմին օրենքով սահմանված նվազագույն աշխատավարձի վճարումը, Կազմակերպության պահպանության և կոմունալ ծախսերն ապահովելու համար անհրաժեշտ ֆինանսական միջոցների առկայության մասին)  և դրանց մուտքերի աղբյուրի մասին,

4) տեղեկանք Նախարարության կողմից հավատարմագրված մշակութային արժեքների փորձաքննություն իրականացնող և համապատասխան վարչական  մասնագետներից կազմված աշխատակազմի առկայության մասին:

12. Հայտն ու կից փաստաթղթերն ընդունում է Նախարարության համապատասխան կառուցվածքային ստորաբաժանումը (այսուհետ` Ստորաբաժանում) և երեք աշխատանքային օրվա ընթացքում ուսումնասիրում է դրանք: Եթե հայտին կից ներկայացված փաստաթղթերի ցանկն ամբողջական չէ, ապա Ստորաբաժանումը Հավակնորդին առաջարկում է հինգ աշխատանքային օրվա ընթացքում համալրել այն:
13. Սույն կարգի 12-րդ կետով սահմանված ժամկետում Հավակնորդի կողմից փաստաթղթերի թերությունները չվերացվելու կամ ներկայացված փաստաթղթերը սահմանված պահանջներին չհամապատասխանեցնելու դեպքում հայտը մերժվում է:
14. Հայտն ու կից փաստաթղթերի փաթեթն ամբողջական լինելու դեպքում Ստորաբաժանումը զեկուցում է Նախարարին Հանձնաժողովի նիստ հրավիրելու անհրաժեշտության մասին: Նախարարը հինգ աշխատանքային օրվա ընթացքում հրավիրում է Հանձնաժողովի նիստ:
15. Հանձնաժողովը նիստում քննարկում է հայտը և տալիս այն բավարարելու կամ մերժելու մասին եզրակացություն:
16. Հանձնաժողովը հայտը մերժում է, եթե չի բավարարում սույն կարգի 11-րդ կետի պահանջները:
17. Սույն կարգի 15-րդ կետով նախատեսված եզրակացությունը ստանալուց հետո Ստորաբաժանումը երեք աշխատանքային օրվա ընթացքում նախապատրաստում է Նախարարի հրամանի նախագիծ՝ Հավակնորդի հայտը բավարարելու կամ գրության նախագիծ՝ հայտը մերժելու վերաբերյալ՝ դրան կցելով հայտը, կից ներկայացրած փաստաթղթերը և Հանձնաժողովի եզրակացությունը:
18. Նախարարը երեք աշխատանքային օրվա ընթացքում Հանձնաժողովի եզրակացության հիման վրա հրաման է ընդունում Կազմակերպությանը Վկայական տալու մասին կամ ստորագրում է մերժման վերաբերյալ գրությունը:

4. ՀԱՎԱՏԱՐՄԱԳՐՄԱՆ ՎԿԱՅԱԿԱՆԻ ՏՐԱՄԱԴՐՈՒՄԸ ԵՎ ԳՈՐԾՈՂՈՒԹՅԱՆ ԺԱՄԿԵՏԸ

19. Ստորաբաժանումը Նախարարի հրամանի հիման վրա հինգ աշխատանքային օրվա ընթացքում պատրաստում է Վկայականը և ներկայացնում Նախարարի հաստատմանը:
20. Վկայականը Նախարարի կողմից հաստատվելուց հետո Ստորաբաժանումը մեկ աշխատանքային օրվա ընթացքում Վկայականը գրանցում է հավատագրման գրանցամատյանում և այն հանձնում Հավակնորդին: Վկայականը տրվում է 5 (հինգ) տարի ժամկետով՝ վերահավատարմագրման հնարավորությամբ։
21. Վկայականի, հավատարմագրման գրանցամատյանի ձևերն ու վարման կարգը սահմանում է Նախարարը:
22. Վկայականի կորստի կամ վնասվելու դեպքում հայտի և հավատարմագրման գրանցամատյանի տվյալների հիման վրա տրվում է նույն համարով և գործողության ժամկետով նոր Վկայական` վերին աջ անկյունում «Կրկնօրինակ» նշումով:

5. ՀԱՎԱՏԱՐՄԱԳՐՄԱՆ ՎԿԱՅԱԿԱՆԻԳՈՐԾՈՂՈՒԹՅԱՆ ԴԱԴԱՐԵՑՈՒՄԸ

23. Եթե հավատարմագրված Կազմակերպությունն իր գործունեության ընթացքում խախտել է սույն կարգի 7-րդ և 8-րդ կետերի պահանջները, ապա Նախարարության կողմից նրան տրվում է գրավոր նախազգուշացում:
24. Գրավոր նախազգուշացում ստանալուց հետո հայտնաբերված խախտումը Կազմակերպության կողմից քսան աշխատանքային օրվա ընթացքում չվերացվելու դեպքում Ստորաբաժանումը դրա մասին գրավոր տեղեկացնում է Նախարարին առաջարկելով հրավիրել Հանձնաժողովի նիստ՝ Վկայականի գործողությունը դադարեցնելու համար:
25. Ստորաբաժանումը երեք աշխատանքային օրվա ընթացքում նախապատրաստում է Նախարարի հրամանի նախագիծ՝ Կազմակերպության Վկայականի գործողությունը դադարեցնելու մասին՝ դրան կցելով Հանձնաժողովի եզրակացությունը:
26. Նախարարը երեք աշխատանքային օրվա ընթացքում Հանձնաժողովի եզրակացության հիման վրա հրաման է ընդունում Կազմակերպությանը տրված Վկայականի գործողությունը դադարեցնելու վերաբերյալ:
27. Վկայականի գործողության դադարեցնելու մասին Նախարարի հրամանն ստանալուց հետո՝

      1 Նախարարությունը երեք աշխատանքային օրվա ընթացում գրությամբ դրա մասին տեղեկացնում է Կազմակերպությանը,

2 Ստորաբաժանումը հավատարմագրման գրանցամատյանում կատարում է համապատասխան գրառում և հետ վերցնում Վկայականը:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԱՐՉԱՊԵՏԻ ԱՇԽԱՏԱԿԱԶՄԻ                           Ա. ՀԱՐՈՒԹՅՈՒՆՅԱՆ

ՂԵԿԱՎԱՐ