Հիշել նախագիծը

«Պետական հանրակրթական ուսումնական հաստատության տնօրենի թափուր տեղի մրցույթի հայտարարման, անցկացման, մասնագիտական հանձնաժողովի ձևավորման, գործունեության և տնօրենի նշանակման կարգը հաստատելու և Հայաստանի Հանրապետության կառավարության 2010 թվականի մարտի 4-ի N 319-Ն որոշումը ուժը կորցրած ճանաչելու մասին» Հայաստանի Հանրապետության կառավարության որոշման նախագիծ

  • Քննարկվել է

    07.10.2022 - 22.10.2022

  • Տեսակ

    Որոշում

  • Ոլորտ

    Կրթություն և գիտություն

  • Նախարարություն

    Կրթության, գիտության,մշակույթի և սպորտի նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 1017

Տպել

Առաջարկներ`

Սամուել Մարտիրոսյան

21.10.2022

Բավականին լավ նախագիծ է այն առումով, որ իրականացվելու է տնօրենի հավակնորդների զարգացման ծրագրերի փորձաքննություն։ Սակայն լավ կլիներ, որ մասնագիտական հանձնաժողովի կողմից դրական եզրակացություն ստացած հավակնորդների շրջանում մրցույթն անցկացնելիս հաշվի առնվեր նաև աշակերտական, մանկավարժական և ծնողական խորհուրդների կարծիքները՝ առավելությունը տալով այն հավակնորդին, ով կստանար ծնողական և մանկավարժական խորհուրդների անդամների ձայների մեծամասնությունը և ում զարգացման ծրագրի կազմմանը և լրամշակմանը կմասնակցեր աշակերտական խորհուրդը։ Հավասար ձայների կամ, եթե մի հավակնորդը արժանացել է նշածս խորհուրդների մեկի վստահությանը, իսկ մյուսը՝ մյուս խորհրդի, հավակնորդները ունենան հավասար հնարավորություն մրցույթին մասնակցելիս։ Տնօրենի միանձնյա նշանակումը լիազոր մարմնի ղեկավարի կողմից, կարծում եմ սխալ քայլ է, քանի որ, չեմ կարծում թե լիազոր մարմնի ղեկավարը ավելի ծանոթ է դպրոցի խնդիրներին, և եթե հավակնորդները նույն դպրոցի մանկավարժներ են, նաև նրանց կամային և այլ արժանիքներին, քան այդ դպրոցի սաների ծնողները և մանկավարժները, և դժվար թե մի քանի րոպե կամ ժամ տևող հարցազրույցի արդյունքում լիազոր մարմինը կարող է ճիշտ պատկերացում կազմել հավակնորդի կամ հավակնորդների կարողունակությունների և անձնային որակների մասին։ Այսպիսով, իմ առաջարկով լիազոր մարմնի ղեկավարը կնշանակի այն անձնավորությանը, ով կարժանանա դպրոցի հենասյուները կազմող 3 խորհուրդների՝ աշակերտական, ծնողական և մանկավարժական խորհուրդների հավանությանը և վստահությանը։ Կառվարման խորհրդի մասնակցությունը դպրոցի տնօրենի նշանակմանը այս դեպքում համարում եմ անիմաստ, քանի որ այն կազմված է մանկավարժական և ծնողական խորհուրդների, լիազոր մարմնի, ԿԳՄՍՆ ներկայացուցիչներից, և իմ առաջարկով հավակնորդները անցնում են այս կառույցներով, նախ արժանանալով խորհուրդների վստահությանը, իսկ հետո նաև՝ մասնագիտական հանձնաժողովի կողմից ստանալով զարգացման ծրագրի վերաբերյալ եզրակացություն։ Տնօրենի նշանակման ներկայիս կարգին ևս դեմ եմ, քանի որ այս պարագայում ևս մանկավարժական և ծնողական խորհուրդներում կատարված ընտրությունները հիմնականում էական դեր չեն խաղում, իսկ իմ ներկայացրած առաջարկով այդ խորհուրդները տնօրենի նշանակման գործընթացում ստանում են մասնակցության ավելի լայն հնարավորություն։

Մամիկոն Աբգարյան

18.10.2022

Հանձնաժողովը կազմված լինի 11-անդամից: Նշված կազմին ավելացնել մեկական ներկայացուցիչ Կրթական տեխնոլոգիաների ազգային կենտրոնից, գործող տնօրեն, վաստակաշատ մանկավարժ և տնօրեն:

Մամիկոն Աբգարյան

18.10.2022

Մրցույթին մասնակցելու իրավունք վերապահել գործող այն տնօրենին, ով իր պաշտոնավարման ընթացքում իրականացրել է դպրոցի տնօրեն ընտրվելիս զարգացման ծրագրի առնվազն 75 տոկոս աշխատանքները:

Տեսնել ավելին