Հիշել նախագիծը

Նախագիծը ընդունվել է

«ԲՆԱԿԱՐԱՆԱՅԻՆ ՖՈՆԴԻ ՏԵԽՆԻԿԱԿԱՆ ՎԻՃԱԿԻ ՎԵՐԱԲԵՐՅԱԼ ՏԵՂԵԿԱՏՎԱԿԱՆ ՀԱՄԱԿԱՐԳ ՍՏԵՂԾԵԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

ՆԱԽԱԳԻԾ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

«_____» ___________ 2022 թվականի  N___- Ն

 

ԲՆԱԿԱՐԱՆԱՅԻՆ ՖՈՆԴԻ ՏԵԽՆԻԿԱԿԱՆ ՎԻՃԱԿԻ ՎԵՐԱԲԵՐՅԱԼ ՏԵՂԵԿԱՏՎԱԿԱՆ ՀԱՄԱԿԱՐԳ ՍՏԵՂԾԵԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

Հիմք ընդունելով Հայաստանի Հանրապետության Սահմանադրության 60-րդ հոդվածի 1-ին մասը, «Քաղաքաշինության մասին» օրենքի 24-րդ հոդվածի 7-րդ պարբերությունը, «Տեղեկատվության ազատության մասին» օրենքի 4-րդ, 5-րդ, 10-րդ և 12-րդ հոդվածները՝   Հայաստանի Հանրապետության կառավարությունը որոշում է.

1. Հաստատել բնակարանային ֆոնդի տեխնիկական վիճակի վերաբերյալ տեղեկատվական համակարգ (այսուհետ՝ Տեղեկատվական համակարգ) ստեղծելու կարգը՝ համաձայն հավելվածի:

2. Հայաստանի Հանրապետության բարձր տեխնոլոգիական արդյունաբերության նախարարությանը՝ «Էլեկտրոնային կառավարման ենթակառուցվածքների ներդրման գրասնեյակ» փակ բաժնետիրական ընկերության աջակցությամբ, սույն որոշումն ուժի մեջ մտնելուց հետո մեկ տարվա ընթացքում՝ հիմք ընդունելով սույն որոշման 1-ին ենթակետով հաստատված կարգի դրույթները, կազմակերպել Տեղեկատվական համակարգի մշակման և ներդրման գործընթացը և համակարգը շահագործման ենթակա լինելուց հետո մեկամսյա ժամկետում ապահովել դրա հանձնման գործընթացը Հայաստանի Հանրապետության քաղաքաշինության կոմիտեին:

3. Հայաստանի Հանրապետության տարածքային կառավարման և ենթակառուցվածքների նախարարին, Հայաստանի Հանրապետության արտակարգ իրավիճակների նախարարին և Հայաստանի Հանրապետության քաղաքաշինության կոմիտեի նախագահին՝

1) աջակցել Հայաստանի Հանրապետության բարձր տեխնոլոգիական արդյունաբերության նախարարությանը՝ Տեղեկատվական համակարգի տեխնիկական առաջադրանքի մշակման հարցում,

2) Տեղեկատվական համակարգը սույն որոշման 2-րդ կետի համաձայն Հայաստանի Հանրապետության քաղաքաշինության կոմիտեին հանձնելուց հետո մեկ տարվա ընթացում սույն որոշմամբ հաստատված կարգի համաձայն ապահովել անհրաժեշտ տվյալների մուտքագրումը Տեղեկատվական համակարգ:

4. Առաջարկել Հայաստանի Հանրապետության համայնքներին՝ յուրաքանչյուրն իր համայնքի տարածքում առկա շենքերի մասով ապահովել Տեղեկատվական համակարգ մուտքագրման ենթակա տվյալների տրամադրումը:

5. Սահմանել, որ սույն որոշման համաձայն ստեղծված՝

1) Տեղեկատվական համակարգը գործում է Հայաստանի Հանրապետության քաղաքաշինության կոմիտեի համակարգման ներքո՝ Հայաստանի Հանրապետության մարզպետարանների, համայնքների, պետական կառավարման համակարգի շահագրգիռ մարմինների, շենքերի կառավարման մարմինների համար՝ սույն որոշմամբ հաստատված կարգով նախատեսված հասանելիության ապահովմամբ: 

2) Տեղեկատվական համակարգում ներառված տեղեկությունները տեղեկություն փնտրող անձանց տրամադրվում են Հայաստանի Հանրապետության կառավարության 2015 թվականի հոկտեմբերի 15-ի N1504-Ն որոշման համաձայն:

6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

  • Քննարկվել է

    08.09.2022 - 23.09.2022

  • Տեսակ

    Որոշում

  • Ոլորտ

    Քաղաքաշինություն

  • Նախարարություն

    Քաղաքաշինության կոմիտե

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 2431

Տպել

Առաջարկներ`

ԲԻՄ Կոնսալթինգ

23.09.2022

Հարգելի գործընկերներ, առաջարկում եմ նախքան որոշումը ուժի մեջ մտնելը կազմակերպել հանրային քննարկում և լսել այս որոշմանը կողմ և դեմ իրավաբանական և ֆիզիկական անձանց հիմնավորումները և կարծիքները:

Դավիթ Սիրունյան

08.09.2022

Հարգելի գործընկերներ, Առաջարկում եմ այս տվյալները տեքստային տարբերակով մուտքագրելու և պահպանելու փոխարեն մտածենք ունենալ կառույցների տեղեկատվական մոդելները, որոնք կբավարարեն փաստաթղթում նշված պահանջներին և ավելի ճկուն կդարձնեն հետագայում այդ կառույցների սպասարկման և շահագործման գործընթացը: Կառույցների տեղեկատվական մոդելների կիրառման վերաբերյալ արդեն առկա է զգալի միջազգային փորձ, որը մանրակրկիտ ուսումնասիրելու դեպքում կարելի է ինտեգրել և կիրառել ՀՀ-ում: Կարծում եմ, որ այս տեխնոլոգիայի կիրառությունը և տվյալների պահպանումը տեղեկատվական մոդելի տեսքով շատ ավելի ճկուն հնարավորություն կընձեռի Հայաստանի հանրապետությանը հետագայում կառավարելու ՀՀ բազմաբնակարան բնակարանային ֆոնդը:

Տեսնել ավելին