Հիշել նախագիծը

«ԲՆԱԿՉՈՒԹՅԱՆ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

ՆԱԽԱԳԻԾ

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՕՐԵՆՔԸ

 

«ԲՆԱԿՉՈՒԹՅԱՆ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

 

Հոդված 1. «Բնակչության բժշկական օգնության և սպասարկման մասին» 1996 թվականի մարտի 4-ի ՀՕ-42 օրենքի (այսուհետ` Օրենք) 2-րդ հոդվածի 1-ին մասում լրացնել նոր 65-րդ կետ` հետևյալ բովանդակությամբ.

«65) կոնսիլիում` նույն կամ տարբեր մասնագիտությամբ բժիշկների խորհրդակցություն, որն իրականացվում է պացիենտի առողջական վիճակը գնահատելու, ախտորոշումը հաստատելու և բժշկական օգնության և սպասարկման մարտավարությունը որոշելու նպատակով: Բժշկական կազմակերպություններում կոնսիլիումի կազմակերպման կարգը հաստատում է լիազոր մարմինը:»:

 

Հոդված 2. Օրենքի 3-րդ հոդվածում`

1) 2-րդ մասի 1-ին ենթակետում «.» կետադրական նշանը փոխարինել «:» կետադրական նշանով և լրացնել նոր նախադասություն` հետևյալ բովանդակությամբ.

«Առողջության առաջնային պահպանման ծառայություններ մատուցող բժշկական օգնություն և սպասարկում իրականացնող կազմակերպությունների կառուցվածքի օրինակելի ձևերը հաստատում է լիազոր մարմինը.».

2) լրացնել նոր 8-րդ և 9-րդ մասեր` հետևյալ բովանդակությամբ.

«8. Առողջության առաջնային պահպանման ծառայություններ մատուցող բժշկի (ընտանեկան բժշկի, թերապևտի, մանկաբույժի) ընտրության, նրա մոտ բնակչության գրանցման և գրանցումից դուրս գալու կարգը, բնակչի կողմից ԱԱՊ բժշկին փոխելու ընթացակարգը, առողջության առաջնային պահպանման, նեղ ու դիսպանսերային ծառայությունններ մատուցող մասնագետների կողմից սպասարկվող բնակչության կողմնորոշիչ թվերը հաստատում է լիազոր մարմինը:

  1. Նորագույն և թանկարժեք տեխնոլոգիաների կիրառմամբ մատուցվող բժշկական օգնության և սպասարկման ծառայությունների ցանկը հաստատում է լիազոր մարմինը:»:

 

Հոդված 3. Օրենքի 6-րդ հոդվածում լրացնել նոր 4-րդ մաս` հետևյալ բովանդակությամբ.

«4. Լաբորատոր գործունեություն իրականացնող կազմակերպություններում լաբորատոր ախտորոշիչ հետազոտությունների արդյունքների արձանագրմանը ներկայացվող նվազագույն պահանջները հաստատում է լիազոր մարմինը:»:

 

Հոդված 4. Օրենքի 28-րդ հոդվածի 1-ին մասում.

1) 13-րդ կետը շարադրել հետևյալ խմբագրությամբ.

«13) Կառավարության սահմանած կարգով հաղորդում ներկայացնել Հայաստանի Հանրապետության ոստիկանություն, եթե բժշկական հաստատություն տեղափոխված կամ դիմած պացիենտն անգիտակից է կամ ունի գլխի, պարանոցի, կրծքավանդակի, որովայնի, վերին և ստորին վերջույթների վնասվածք(ներ) կամ այրվածք(ներ) կամ ցրտահարություն կամ կտրած, կտրած-ծակած, ծակած վերքեր կամ հրազենային վնասվածք կամ պայթունային վնասվածք կամ պոլիտրավմա կամ ոսկրի(երի) կոտրվածքներ կամ թունավորում (կամ թունավորման կասկած), կամ պարզված տեղեկությունները հիմք են տալիս ենթադրելու, որ պացիենտի առողջությանը և կյանքին պատճառված վնասը կարող է պայմանավորված լինել բռնի կամ հակաօրինական գործողությունների կամ ինքնավնասման կասկածի կամ ճանապարհատրանսպորտային պատահարի հետևանքով, ինչպես նաև այն դեպքերում, երբ բժշկական հաստատություն է տեղափոխվել դիակ.».

2) լրացնել 13.1-ին ենթակետ` հետևյալ բովանդակությամբ.

«13.1) լիազոր մարմնի կողմից մոր և մանկան մահացության, մեռելածնության դեպքերի մշտադիտարկում իրականացնելու նպատակով լիազոր մարմնի սահմանած կարգով և ժամկետում տեղեկատվություն տրամադրել լիազոր մարմնին այդ դեպքերի մասին.»:

 

Հոդված 5. Եզրափակիչ մաս և անցումային դրույթներ

1. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
2. Սույն օրենքի 2-րդ, 3-րդ հոդվածներով և 4-րդ հոդվածի 2-րդ կետով սահմանված իրավական ակտերն ընդունվում են սույն օրենքն ուժի մեջ մտնելուց հետո` վեցամսյա ժամկետում:

  • Քննարկվել է

    12.07.2022 - 27.07.2022

  • Տեսակ

    Օրենք

  • Ոլորտ

    Առողջապահություն

  • Նախարարություն

    Առողջապահության նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 2852

Տպել

Առնչվող փաստաթղթեր/ հղումներ