Հիշել նախագիծը

Նախագիծը ընդունվել է

«Հայաստանի Հանրապետության կառավարության 2017 թվականի մարտի 9-ի N240-Ն որոշման մեջ փոփոխություններ և լրացում կատարելու մասին» Կառավարության որոշման նախագիծ

Իրավական ակտի ընդունումը պայմանավորված է բնապահպանական թողքի հաշվարկման նոր մեթոդաբանության և ջրավազանային կառավարման պլանի մոդելի   փոփոխությամբ, որոնք հաստատվել են համապատասխանաբար  ՀՀ կառավարության 2018 թվականի հունվարի 25-ի N 57-Ն և  ՀՀ կառավարության 2017թ. հոկտեմբերի 26-ի N 45-Ն արձանագրային որոշումների ընդունմամբ:  Իրավական ակտի ընդունումը պայմանավորված է նաև Ախուրյանի գետավազանում ջրային ռեսուրսների արդյունավետ բաշխման, ջրօգտագործողների միջև էներգետիկ ու ոռոգման նպատակներով ջրօգտագործման գործընթացի հավասարակշմամբ: 

  • Քննարկվել է

    19.03.2021 - 05.04.2021

  • Տեսակ

    Որոշում

  • Ոլորտ

    Բնապահպանություն

  • Նախարարություն

    Շրջակա միջավայրի նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 2913

Տպել

Առաջարկներ`

《Գեղամա երիտասարդական տարածքային ասոցիացիա》 ՀԿ

31.03.2021

Ուսումնասիրելով էկոլոգիական թողքի արժեքները, վստահաբար կարող ենք ասել, որ էկոլոգիական թողքի արժեքները հաշվարկվել են ոչ պրոֆեսիոնալ և մասնագիտական կարողություններ ունեցող անձանց կողմից, ինչպես նաև գործ ունենք ջրային ռեսուրսների կառավարման ոլորտը կարգավորող իրավական ակտերը Չտիրապետող անձանց հետ: Մասնավորապես, առաջարկվող նախագծի Աղյուսակ N3-ի 8-րդ կետում ներկայացված է Գիժգետը Թավշուտի ջրամբարից մինչև գետաբերան հատվածի համար12 ամիսներին տարբեր բնապահպանական թողքի արժեքները: Համաձայն ՀՀ կառավարության 2018 թվականի հունվարի 25-ի N 57-Ն որոշման հավելվածի 1-ին կետի 4-րդ մասի վերջին նախադասությամբ սահմանված է, որ ՛՛20 մլն խոր. մ և ավելի ծավալ ունեցող ջրամբարների դեպքում բնապահպանական թողքը որոշելիս որպես հիմք ընդունվում է բազմամյա ձմեռային ժամանակաշրջանում առավել նվազագույն ելքեր ունեցող 10 իրար հաջորդող օրերի միջին ելքը՛՛: Ինչպես գիտենք Թավշուտի ջրմաբարի ընդհանուր ծավալը շուրջ 6 մլն խմ է, ուստի Թավշուտի ջրամբարից հետո բնպահպանական թողքի արժեքը 12 ամիսների համար պետք է լինի միարժեք, այն է՝ բազմամյա ձմեռային ժամանակաշրջանում առավել նվազագույն ելքեր ունեցող 10 իրար հաջորդող օրերի միջին ելքը: Հաշվի առնելով ներկայացված բոլոր փաստական հանգամանքները, առաջարկվում է ամբողջովին վերանայել սույն նախագիծը:

《Գեղամա երիտասարդական տարածքային ասոցիացիա》 ՀԿ

30.03.2021

Սույն նախագծի 1-ին մասի 3-րդ կետում բնապահպանական թողքերի համար նշված է բավականաչափ մեծ սխալանքի տոկոս՝ ±15-25%: Բերված այս սխալանքի տոկոսով գետերում անհրաժեշտ բնապահպանական թողք չի կարող հաշվարկվել և չպահպանելով հիդրոկենսաբանական, հիդրոմորֆոլոգիական և հիդրոքիմիական ցուցանիշների համար անհրաժեշտ ջրաքանակ, ապա այդ գետահատվածներում կխախտվի էկոլոգիական հավասարակշռությունը, ուստի ՛՛±15-25% սկալանքը՛՛ վերանայման կամ հստակ գիտական հիմնավորման անհրաժեշտություն ունի:

《Գեղամա երիտասարդական տարածքային ասոցիացիա》 ՀԿ

30.03.2021

Սույն նախագծի 1-ին մասի 3-րդ կետում օգտագործված է ՛՛ջրային մարմին՛՛ տերմինը, ինչը ՀՀ-ում գործող որևէ օրենսդրական, ենթաօրենսդրական կամ իրավական ակտով սահմանված չէ, ուստի տերմինը խմբագրման կարիք ունի:

Տեսնել ավելին