«Բաժնետիրական ընկերությունների մասին» Հայաստանի Հանրապետության օրենքում փոփոխություններ կատարելու մասին» և «Արժեթղթերի շուկայի մասին» Հայաստանի Հանրապետության օրենքում փոփոխություն կատարելու մասին» Հայաստանի Հանրապետության օրենքների նախագծեր

5 - Կողմ
2 - Դեմ

Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում

h/h	Առաջարկության հեղինակը, ստացման ամսաթիվը	Առաջարկության բովանդակությունը	Եզրակացություն	Կատարված փոփոխությունը
	1	2	3	4
1	Արտակ Պողոսյան 09.07.2020 08:49:15	Ներկայացված «Բաժնետիրական ընկերությունների մասին» ՀՀ օրենքի նախագծի 1-ին հոդվածի 3-րդ մասի 3-րդ պարբերությամբ առաջարկվող փոփոխությունը՝ «Շահագրգռվածություն ունեցող բաժնետերն իրավունք չունի ներկա գտնվել գործարքը կնքելու մասին որոշման քննարկմանը կամ քվեարկությանը, իսկ վերջինիս պատկանող բաժնետոմսերը հաշվի չեն առնվում ժողովի քվորումի հաշվարկման ժամանակ:» առաջարկում եմ շարադրել հետևյալ խմբագրությամբ. «Շահագրգռվածություն ունեցող բաժնետերն իրավունք ունի ներկա գտնվել գործարքը կնքելու մասին որոշման քննարկմանը, բայց իրավունք չունի քվեարկությանը, իսկ վերջինիս պատկանող բաժնետոմսերը հաշվի չեն առնվում ժողովի ընդահնուր ձայների և/կամ քվորումի հաշվարկման ժամանակ:»: Սուն առաջարկություն պայմանավորված է նրանով, որ յուրաքանչյուր սեփականատեր առնվազն իրավունք ունի տեղեկացված լինելու իրեն վերաբերվող գործարքների մասին, հաշվի առնելով այն հանգամանքը, որ չունի ազդեցություն գործարքի արդյունքի վրա:	Առկա միջազգային փորձը, ինչպես նաև Համաշխարհային բանկի՝ «Գործարարությամբ զբաղվելը» զեկույցի մեթոդաբանությունը փաստում են այն մասին, որ ընկերության կառավարման մարմիններում ներգրավված այն անձանց մասնակցությունը գործարքը կնքելու մասին որոշման քննարկմանը և քվեարկությանը, ովքեր տվյալ գործարքում ունեն շահագրգռվածություն, կարող է սահմանափակել կառավարման մարմինների մյուս անդամներին և խոչընդոտել որոշումների կայացման անկաշկանդ գործընթացը: Այդ պատճառով առաջարկվում է առնվազն այն գործարքների համար, որոնց շուկայական արժեքը հավասար է ընկերության ակտիվների առնվազն 10%-ին կամ որոնք կնքվում են ընկերության քվեարկող բաժնետոմսերի կամ քվեարկող բաժնետոմսերի փոխարկվող այլ արժեթղթերի տեղաբաշխման նպատակով (եթե դրանց քանակն ավելի է արդեն տեղաբաշխված քվեարկող բաժնետոմսերի քանակի 2%-ից) բացառել շահագրգռվածություն ունեցող բաժնետիրոջ ներկայությունը գործարքը կնքելու մասին որոշման քննարկմանը կամ քվեարկությանը:	Առաջարկությունը չի ընդունվել, սակայն հակասություններից խուսափելու նպատակով Նախագծի հոդված 1-ով առաջարկվում է կատարել համապատասխան փոփոխություն «Բաժնետիրական ընկերությունների մասին» ՀՀ օրենքի 37-րդ հոդվածի 1-ին մասում:
2	Արտակ Պողոսյան 09.07.2020 08:49:15	Ներկայացված «Բաժնետիրական ընկերությունների մասին» ՀՀ օրենքի նախագծի 1-ին հոդվածի 5-րդ մասով առաջարկվող փոփոխությունը՝ «5. Եթե խորհրդի բոլոր անդամները շահագրգիռ անձինք են ճանաչվել, ապա գործարքը կնքելու մասին որոշումն ընդունում է ժողովը սույն հոդվածի 3-րդ մասով նախատեսված կարգով:»: առաջարկում եմ շարադրել հետևյալ խմբագրությամբ. «5. Եթե խորհրդի բոլոր անդամները շահագրգիռ անձինք են ճանաչվել, ապա գործարքը կնքելու մասին որոշումն ընդունում է անկախ գնահատողի կողմից գույքի շուկայական արժեքի սահմանման գրավոր եզրակացության հիման վրա ժողովը ձայների մեծամասնությամբ:»: Խնդիրը կայանում է նրանում, որ նախագծով ներկայացված փոփոխությունը փակուղի է բերում որոշում կայացնելը: Քանի որ, 3-րդ մասով սահմանվում է, որ Շահագրգռվածություն ունեցող բաժնետերն իրավունք չունի մասնակցել քվեարկությանը, իսկ տվյալ դեպքում բոլոր Շահագրգռվածություն ունեն: Ուստի ոչ ոք չի կարող մասնակցել քվեարկությանը: Իմ կողմից առաջարկվող փոփոխությամբ հավասար պայմանների դեպքում ժողովի կողմից որոշումը կայացվում է հիմք ընդունելով անկախ գնահատողի կողմից գույքի շուկայական արժեքի սահմանման գրավոր եզրակացության հիման վրա, ինչը ապահովում է անաչառ որոշման կայացմանը:	Առաջարկում նկարագրված խնդիրը Նախագծի շարադրանքի սխալ ընկալման արդյունք է: Մասնավորապես, առաջարկում նշվում է, որ «3-րդ մասով սահմանվում է, որ Շահագրգռվածություն ունեցող բաժնետերն իրավունք չունի մասնակցել քվեարկությանը, իսկ տվյալ դեպքում բոլորը Շահագրգռվածություն ունեն», մինչդեռ Օրենքի 64-րդ հոդվածի 5-րդ մասը կարգավորում է այն դեպքերը, երբ շահագրգռվածություն ունեն ոչ թե բոլոր բաժնետերերը, այլ խորհրդի բոլոր անդամները: Առաջարկում նշված պնդումն առ այն, որ կարգավորվող դեպքում «ոչ ոք չի կարող մասնակցել քվեարկությանը» իրականությանը չի համապատասխանում: Այն դեպքում, երբ բոլոր անդամները ճանաչվում են շահագրգիռ անձինք, գործարքը կնքելու մասին որոշումն ընդունվում է բաժնետերերի կողմից: Եթե բաժնետերերից որևէ մեկն ունի շահագրգռվածություն, ապա վերջինս 64-րդ հոդվածի 3-րդ մասի առաջարկվող խմբագրության համաձայն՝ իրավունք չի ունենա ներկա գտնվելու գործարքը կնքելու մասին որոշման քննարկմանը կամ քվեարկությանը, և գործարքը կնքելու/չկնքելու մասին որոշումը կկայացնեն շահագրգռվածություն չունեցող բաժնետերերը: Առաջարկվող կարգավորումը որևէ կերպ չի հանգեցնում որոշումների կայացման փակուղու առաջացման:	Առաջարկությունը չի ընդունվել:
3	Արտակ Պողոսյան 09.07.2020 08:49:15	Առաջարկում եմ «Բաժնետիրական ընկերությունների մասին» ՀՀ օրենքի ողջ տեքստում «Հիսունից ավելի բաժնետեր (քվեարկող բաժնետոմսերի սեփականատեր) ունեցող» բառերը փոխարինել «բաց» բառով», ինչպես առաջարկվել է կատարել փոփոխություն նախագծի 2-րդ հոդվածով: Օրինակ, նման փոփոխության կարիք ունի Օրենքի 59-րդ հոդվածի 2-րդ մասի 3-րդ պարբերությունը, և 75-րդ հոդվածի 1-ին մասը:	Նախագիծը մշակվել է «Գործարարությամբ զբաղվելը» զեկույցի «Փոքր ներդրողների պաշտպանություն» ցուցչի մեթոդաբանության հիման վրա, իսկ ներկայացված առաջարկը չի առնչվում զեկույցի նշված ցուցչի մասով սահմանված կարգավորումներին, սակայն հաշվի առնելով այն հանգամանքը, որ առաջարկը, ընդհանուր առմամբ, ընդունելի է, վերջինս կարելի է քննարկել «Բաժնետիրական ընկերությունների մասին» ՀՀ օրենքի կատարելագործման հետագա աշխատանքների ընթացքում:	Սույն նախագծի շրջանակներում չի ընդունվել:
4	Արտակ Պողոսյան 09.07.2020 08:49:15	Առաջարկում եմ շրջանառությունից հանել «Արժեթղթերի շուկայի մասին» ՀՀ օրենքի մեջ փոփոխություն կատարելու նախագիծը հետևյալ պատճառներով. - բացակայում է որևէ հիմնավորում փոփոխություն կատարելու մասին: Մասնավորապես ինչ նպատակ է հետապնդում արժեթղթերի ավելի քան 75 տոկոս սեփականատեր համապատասխան տվյալ դասի բոլոր արժեթղթերն իրեն հանձնելու առաջարկ անել, սահմանել 50 տոկոս սեփականատերով: - սույն առաջարկը ավելի քան նսեմացնում է փոքր բաժնետերերի իրավունքը և առաջացնում է մենաշնորհային շուկա: - առաջարկը նվազեցնում է փոքր ներդրողների ներգրավումը: - բացակայում է «նորմատիվ իրավական ակտերի մասին» ՀՀ օրենքի 5-րդ հոդվածի պահանջներին համապատասխան ազդեցության գնահատումը:	Բացատրված չէ, թե արժեթղթերը հանձնելու պարտադիր առաջարկի՝ օրենքով նախատեսված շեմի նվազեցումն ինչպես է հանգեցնում փոքր ներդրողների իրավունքների նսեմացմանը, ստեղծում մենաշնորհային շուկա կամ նվազեցնում փոքր ներդրողների ներգրավման հնարավորությունը: Ընդհակառակը, նախատեսված 75%-անոց շեմի նվազեցումը միտված է փոքր ներդրողների շահերի պաշտպանությանը՝ վերջիններիս հնարավորություն տալով օտարելու իրենց պատկանող բաժնային արժեթղթերը խոշոր` տվյալ դասի բաժնային արժեթղթերի ավելի քան 50%-ին տիրապետող բաժնետիրոջը: Գործող 75%-անոց շեմի նվազեցումը պայմանավորված է նրանով, որ «Բաժնետիրական ընկերությունների մասին» ՀՀ օրենքով նախատեսված՝ որոշումների ընդունման համար ձայների անհրաժեշտ քանակը որպես կանոն քվեարկող բաժնետոմսերի սեփականատերերի պարզ մեծամասնությունն է (հոդված 68): Բացառություն են կազմում մի շարք որոշումներ (կանոնադրության մեջ լրացումներ և փոփոխություններ կատարելու, կանոնադրությունը նոր խմբագրությամբ հաստատելու, ընկերության վերակազմակերպման, լուծարման, ամփոփ, միջանկյալ և լուծարման հաշվեկշիռների հաստատման, լուծարային հանձնաժողովի ստեղծման, կանոնադրական կապիտալի նվազեցման, արտոնյալ բաժնետոմսերի դասերով նախատեսված իրավունքների սահմանափակման, գույքի ձեռքբերման և օտարման հետ կապված խոշոր գործարքների կնքման, հայտարարված բաժնետոմսերի առավելագույն չափի սահմանման, բաժնետոմսերի անվանական արժեքի փոքրացման, բաժնետոմսերի ընդհանուր քանակի կրճատման նպատակով ընկերության կողմից տեղաբաշխված բաժնետոմսերի ձեռքբերման, ընկերության կողմից ձեռք բերված կամ հետ գնված բաժնետոմսերի մարման ճանապարհով կանոնադրական կապիտալի չափի նվազեցման մասին որոշումները): Անհասկանալի է նաև կարգավորման ազդեցության գնահատման անհրաժեշտության մասին մեկնաբանությունը՝ հաշվի առնելով, որ «Նորմատիվ իրավական ակտերի մասին» ՀՀ օրենքի 5-րդ հոդվածով նախատեսված՝ օրինագիծը մշակող պետական մարմնի կողմից կարգավորման ազդեցության գնահատման իրականացման պարտադիր դեպքերը սահմանող ենթաօրենսդրական ակտը դեռևս ընդունված չէ:	Առաջարկությունը չի ընդունվել: