Հիշել նախագիծը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՓԵՏՐՎԱՐԻ 22-Ի N 125 ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

ՆԱԽԱԳԻԾ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

__________ի 2019 թվականի N ______-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՓԵՏՐՎԱՐԻ 22-Ի N 125 ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածով՝ Հայաստանի Հանրապետության կառավարությունը որոշում է.

  1. Հայաստանի Հանրապետության կառավարության 2001 թվականի փետրվարի 22-ի «Հայաստանի Հանրապետության պետական կառավարչական հիմնարկների տիրապետմանը, տնօրինմանն ու օգտագործմանը հանձնված (ամրացված) գույքի վարձակալության, ինչպես նաև մինչև մեկ տարի ժամկետով պետական ոչ առևտրային կազմակերպություններին ամրացված գույքի վարձակալության տրամադրման գործընթացը կանոնակարգելու մասին» N 125 որոշման.
  • 3-րդ և 4-րդ կետերում, հավելված 1-ի 10-րդ կետում և հավելված 5-ի 2-րդ կետի 2-րդ ենթակետի «բ» պարբերությունում «սննդի կազմակերպման համար տրամադրվող տարածքների» բառերից հետո լրացնել «, պետական և համայնքային ոչ առևտրային կազմակերպություններին, ՀՀ կրթության, գիտության, մշակույթի և սպորտի նախարարության կողմից ֆինանսավորվող մարզաձևերի ֆեդերացիաներին կրթական և մարզական միջոցառումների կազմակերպման համար տրամադրվող մարզադահլիճների» բառերով.
  • 3-րդ և 4-րդ կետերը, հավելված 1-ի 10-րդ կետը և հավելված 5-ի 2-րդ կետի 2-րդ ենթակետի «բ» պարբերությունը լրացնել նոր պարբերությամբ՝ հետևյալ բովանդակությամբ.

«Մարզաձևերի ֆեդերացիաները, որոնք չեն ֆինանսավորվում ՀՀ կրթության, գիտության, մշակույթի և սպորտի նախարարության կողմից, կրթական և մարզական միջոցառումներ կազմակերպելու համար տրամադրվող մարզադահլիճների վարձակալության համար սույն կետով սահմանված բացառությունից կարող են օգտվել միայն ՀՀ կրթության, գիտության, մշակույթի և սպորտի նախարարության համաձայնության դեպքում:»:

  1. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

  • Քննարկվել է

    19.11.2019 - 05.12.2019

  • Տեսակ

    Որոշում

  • Ոլորտ

    Կրթություն և գիտություն

  • Նախարարություն

    Կրթության, գիտության,մշակույթի և սպորտի նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 2063

Տպել

Առաջարկներ`

Դավիթ Հովհաննիսյան

20.11.2019

Առաջարկում եմ չտարբերակել ՀՀ կրթության, գիտության, մշակույթի և սպորտի նախարարության կողմից ֆինանսավորվող մարզաձևերի ֆեդերացիաները այն ֆեդերացիաներից, որոնք չեն ֆինանսավորվում ՀՀ կրթության, գիտության, մշակույթի և սպորտի նախարարության կողմից։ Դրանով իսկ թույլ չտալ բյուրոկրատական կամ կոռուպցիոն ռիսկ։

Տեսնել ավելին