Բարի գալուստ կայքի թարմացված տարբերակ
    Հիշել նախագիծը

    «Հայաստանի Հանրապետությունում 2026-2028 թվականների ընթացքում մարդկանց թրաֆիքինգի և շահագործման դեմ պայքարի կազմակերպման ազգային ծրագիրը և ծրագրի իրականացման ժամանակացույցը հաստատելու մասին» ՀՀ կառավարության որոշման նախագիծ

    ՆԱԽԱԳԻԾ

     ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ 

    Ո Ր Ո Շ ՈՒ Մ 

    ….. 2026 թվականի N ….-Լ 

    ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ 2026-2028 ԹՎԱԿԱՆՆԵՐԻ ԸՆԹԱՑՔՈՒՄ ՄԱՐԴԿԱՆՑ ԹՐԱՖԻՔԻՆԳԻ ԵՎ ՇԱՀԱԳՈՐԾՄԱՆ ԴԵՄ ՊԱՅՔԱՐԻ ԿԱԶՄԱԿԵՐՊՄԱՆ ԱԶԳԱՅԻՆ ԾՐԱԳԻՐԸ ԵՎ ԾՐԱԳՐԻ ԻՐԱԿԱՆԱՑՄԱՆ ԺԱՄԱՆԱԿԱՑՈՒՅՑԸ ՀԱՍՏԱՏԵԼՈՒ ՄԱՍԻՆ 

    Հիմք ընդունելով «Մարդկանց թրաֆիքինգի և շահագործման ենթարկված անձանց նույնացման և աջակցության մասին» օրենքի 3-րդ հոդվածի 3-րդ մասը՝ Հայաստանի Հանրապետության կառավարությունը որոշում է.

    1. Հաստատել Հայաստանի Հանրապետությունում 2026-2028 թվականների ընթացքում մարդկանց թրաֆիքինգի և շահագործման դեմ պայքարի կազմակերպման ազգային ծրագիրը և ծրագրի իրականացման ժամանակացույցը` համաձայն հավելվածի:

    2. Հայաստանի Հանրապետության պետական կառավարման համակարգի մարմինների ղեկավարներին՝ մինչև յուրաքանչյուր հաջորդ տարվա փետրվարի 15-ը-ը Հայաստանի Հանրապետության աշխատանքի և սոցիալական հարցերի նախարարություն ներկայացնել տեղեկատվություն նախորդ տարվա ընթացքում կատարած աշխատանքների մասին՝ այն Հայաստանի Հանրապետության աշխատանքի և սոցիալական հարցերի նախարարության կողմից ամփոփվելու, Հայաստանի Հանրապետությունում մարդկանց թրաֆիքինգի և շահագործման դեմ պայքարի հարցերով խորհրդի աշխատանքային խմբի, այնուհետև  Հայաստանի Հանրապետությունում մարդկանց թրաֆիքինգի և շահագործման դեմ պայքարի հարցերով խորհրդի քննարկմանը ներկայացնելու համար:

    3. Սույն որոշման 1-ին կետով հաստատված ծրագրի գծով Հայաստանի Հանրապետության պետական բյուջեից անհրաժեշտ ծախսերի հատկացման հնարավորության հարցը քննարկել տվյալ տարվա բյուջետային գործընթացի շրջանակում:

    4. Սույն որոշումն ուժի մեջ է մտնում հրապարակմանը հաջորդող օրվանից:

    նախագիծ

    • Քննարկվել է

      13.01.2026 - 29.01.2026

    • Տեսակ

      Որոշում

    • Ոլորտ

      Սոցիալական ապահովություն

    • Գերատեսչություն

      Աշխատանքի և սոցիալական հարցերի նախարարութուն

    • Կարգավիճակ

    Ուղարկել առաջարկ էլեկտրոնային փոստով

    Ձեր ուղարկած առաջարկը կտեղադրվի կայքում 10 աշխ. օրվա ընթացքում

    Չեղարկել

    Դիտումներ` 573

    Տպել

    Առաջարկներ`

    Դավիթ Տուրյան

    26.01.2026

    Առաջարկում եմ որոշման նախագծի հավելվածի «ԱԶԳԱՅԻՆ ԾՐԱԳԻՐ՝ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ 2026–2028 ԹՎԱԿԱՆՆԵՐԻ ԸՆԹԱՑՔՈՒՄ ՄԱՐԴԿԱՆՑ ԹՐԱՖԻՔԻՆԳԻ ԵՎ ՇԱՀԱԳՈՐԾՄԱՆ ԴԵՄ ՊԱՅՔԱՐԻ ԿԱԶՄԱԿԵՐՊՄԱՆ» բաժնի «Այսպիսով, Հայաստանի Հանրապետության մարդկանց թրաֆիքինգի դեմ պայքարի քաղաքականության ընդհանուր նպատակը ուղղված էէ ոչ միայն հանցագործությունների բացահայտմանը և այն կատարած անձանց պատասխանատվության ենթարկելուն, այլև այնպիսի միջավայրի ստեղծմանըորտեղ յուրաքանչյուր անձ պաշտպանված է շահագործումից, որտեղ մարդու արժանապատվությունը անսակարկելի արժեք է, և որտեղ պետությունը հանդես է գալիս որպես կանխարգելման, պաշտպանության և արդարության երաշխավոր։» «ուղղված էէ» ձևակերպումից հանել ավելորդ «է» տառը և այն շարադրել «ուղված է» ձևաչափով, ինչպես նաև «ստեղծմանըորտեղ» հասկացությունը շարադրել հետևյալ կերպ «ստեղմանը, որտեղ»՝ համապատասխանելով հայերենի քերականական կանոններին։

    Այսինքն առաջարկում եմ տվյալ հատվածը շարադրել հետևյալ կերպ՝

    «Այսպիսով, Հայաստանի Հանրապետության մարդկանց թրաֆիքինգի դեմ պայքարի քաղաքականության ընդհանուր նպատակը ուղղված է ոչ միայն հանցագործությունների բացահայտմանը և այն կատարած անձանց պատասխանատվության ենթարկելուն, այլև այնպիսի միջավայրի ստեղծմանը, որտեղ յուրաքանչյուր անձ պաշտպանված է շահագործումից, որտեղ մարդու արժանապատվությունը անսակարկելի արժեք է, և որտեղ պետությունը հանդես է գալիս որպես կանխարգելման, պաշտպանության և արդարության երաշխավոր։» ։

    Դավիթ Տուրյան

    26.01.2026

    Առաջարկում եմ որոշման նախագծի հավելվածի «ԱԶԳԱՅԻՆ ԾՐԱԳԻՐ՝ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ 2026–2028 ԹՎԱԿԱՆՆԵՐԻ ԸՆԹԱՑՔՈՒՄ ՄԱՐԴԿԱՆՑ ԹՐԱՖԻՔԻՆԳԻ ԵՎ ՇԱՀԱԳՈՐԾՄԱՆ ԴԵՄ ՊԱՅՔԱՐԻ ԿԱԶՄԱԿԵՐՊՄԱՆ» բաժնի

    «

    • երաշխավորում է, որ յուրաքանչյուր հավանական կամ նույնացված զոհ ստանում է անհապաղ, հասանելի և արժանապատիվ աջակցություն,
    • ապահովում է, որ պետական մարմինները գործեն միասնական ընթացակարգերով և փոխադարձ հաշվետվողականությամբ,
    • ամրապնդում է պետական և հասարակական կառույցների, մասնավոր հատվածի և միջազգային գործընկերների համագործակցությունը,
    • ձևավորում է տվյալների վրա հիմնված քաղաքականություն և անկախ մշտադիտարկման համակարգ՝ թափանցիկության և հանրային վստահության ապահովման նպատակով։

     

    »

    հատվածը, լեզվական նկատառումներից ելնելով և հաշվի առնելով, որ խոսքը վերաբերում է ապագային, շարադրել ապառնի ժամանակով՝ հետևյալ ձևով՝

    «

    • կերաշխավորի, որ յուրաքանչյուր հավանական կամ նույնացված զոհ ստանա անհապաղ, հասանելի և արժանապատիվ աջակցություն,
    • կապահովի, որ պետական մարմինները գործեն միասնական ընթացակարգերով և փոխադարձ հաշվետվողականությամբ,
    • կամրապնդի պետական և հասարակական կառույցների, մասնավոր հատվածի և միջազգային գործընկերների համագործակցությունը,
    • կձևավորի տվյալների վրա հիմնված քաղաքականություն և անկախ մշտադիտարկման համակարգ՝ թափանցիկության և հանրային վստահության ապահովման նպատակով։» ։

    Դավիթ Տուրյան

    26.01.2026

    Առաջարկում եմ որոշման նախագծի հավելվածի «ԱԶԳԱՅԻՆ ԾՐԱԳԻՐ՝ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ 2026–2028 ԹՎԱԿԱՆՆԵՐԻ ԸՆԹԱՑՔՈՒՄ ՄԱՐԴԿԱՆՑ ԹՐԱՖԻՔԻՆԳԻ ԵՎ ՇԱՀԱԳՈՐԾՄԱՆ ԴԵՄ ՊԱՅՔԱՐԻ ԿԱԶՄԱԿԵՐՊՄԱՆ» բաժնի

    «Ծրագիրը հատկապես հաշվի է անում նաև թրաֆիքինգի զարգացող բնույթը, ներառյալ՝ առցանց ռիսկերը և 2020 թվականի պատերազմի, ինչպես նաև 2023 թվականին Ղարաբաղից բռնի տեղահանման ազդեցությունը խոցելի խմբերի վրա։»

    հատվածում «անում» բառի մեջ գտած վրիպակը ուղղել՝ ավելացնելով «ռ» տառը և շարադրել որպես «առնում», արդյունքում հատվածը ձևակերպելով հետևյալ կերպ՝

    «Ծրագիրը հատկապես հաշվի է առնում նաև թրաֆիքինգի զարգացող բնույթը, ներառյալ՝ առցանց ռիսկերը և 2020 թվականի պատերազմի, ինչպես նաև 2023 թվականին Ղարաբաղից բռնի տեղահանման ազդեցությունը խոցելի խմբերի վրա։» ։

    Տեսնել ավելին
    Եվրոպական Միություն
    Այս կայքը ստեղծվել և թարմացվել է Եվրոպական միության ֆինանսական աջակցությամբ: Կայքի բովանդակության համար պատասխանատվություն են կրում հեղինակները, և պարտադիր չէ, որ այն արտահայտի Եվրոպական միության, ՄԱԿ-ի Զարգացման ծրագրի, ՄԱԿ-ի բնակչության հիմնադրամի, ՅՈՒՆԻՍԵՖ-ի և ԵԱՀԿ-ի տեսակետները: