ՆԱԽԱԳԻԾ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հոդված 1. 2016 թվականի հոկտեմբերի 4-ի Հայաստանի Հանրապետության հարկային օրենսգրքի 72-րդ հոդվածի 1-ին մասը լրացնել հետևյալ բովանդակությամբ 11-րդ կետով՝
«11) եթե թեթև մարդատար ավտոմեքենա արտադրողի դիստրիբյուտոր կամ դիլեր չհանդիսացող կազմակերպությունների կամ անհատ ձեռնարկատերերի կողմից ներմուծվել են թեթև մարդատար ավտոմեքենաներ, բացառությամբ` սույն մասի 8-րդ և 10-րդ կետերով սահմանված դեպքերի:»:
Հոդված 2. Սույն օրենքն ուժի մեջ է մտնում 2023 թվականի հոկտեմբերի 1-ից և կիրառվում է սույն օրենքն ուժի մեջ մտնելու օրվանից հետո Հայաստանի Հանրապետության տարածք ներմուծված թեթև մարդատար ավտոմեքենաների մասով:
Քննարկվել է
10.07.2023 - 25.07.2023
Տեսակ
Օրենք
Ոլորտ
Պետական եկամուտներ
Գերատեսչություն
Պետական եկամուտների կոմիտե
Դիտումներ` 7655
Տպել24.07.2023
Նախագիծը ավտոներկրողների դաշտը կտանի մոնոպոլիզացման․ խոշոր դիստրիբյուտրներն ու դիլլերները գերշահույթով կաշխատեն, իսկ այն կազմակերպությունները, որոնք դիստրիբյուտոր չեն, ներմուծում և արտահանում են կամ տեղում վաճառում, բնականաբար կվերանայեն գները։ Արդյունքում ողջ հարկային բեռը կկրեն սպառողները։
24.07.2023
Եթե նախագծի նպատակը ԱԱՀ-ի անհիմն վերադարձը կանխելն է, միգուցե այնպիսի վարչարարություն իրականացնեիք, որով կկարողանայիք շուկան մաքրել ոչ օրիանապահ հարկատուներից, այլ ոչ թե «թացը խառնել չորի հետ»։
22.07.2023
Համաձայն նախագծի հարկ վճարողը ՀՀ տարածք ներմուծված մեքենայի համար ԱԱՀ -է վճարելու մաքսային մարմիններին և ՀՀ տարածքում օտարման դեպքում ևս ԱԱՀ է հաշվարկելու և վճարելու, բայց ներմուծման ժամանակ վճարված ԱԱՀ-ն հաշվանցելու իրավունք չի ունենալու։ Այսինքն` ստացվում է, որ նույն մեքենայի համար երկու անգամ ԱԱՀ է հաշվարկվելու, որը չի բխում հարկային օրենսգրքի և ԱԱՀ-ի տրամաբանությունից։
