«Հայաստանի Հանրապետության կառավարության 2015 թվականի մարտի 10-ի N 228-Ն որոշման մեջ լրացումներ և փոփոխություններ կատարելու մասին» ՀՀ կառավարության որոշման նախագիծ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

«  » ———————2026 թվականի   N – Ն

Հայաստանի Հանրապետության կառավարության 2015 թվականի ՄԱՐՏԻ 10-Ի N 228-Ն որոշման մեջ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ կատարելու մասին

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները` Հայաստանի Հանրապետության կառավարությունը  

ո ր ո շ ու մ  է.

1. Հայաստանի Հանրապետության կառավարության 2015 թվականի մարտի 10-ի «Հայաստանի Հանրապետությունում տարածք ներմուծվող առանձին ապրանքների նպատակային նշանակությունը հաստատող եվ որոշ ապրանքների նկատմամբ մաքսատուրքի վճարման արտոնություններ տրամադրող Հայաստանի Հանրապետության լիազոր պետական կառավարման մարմիններ սահմանելու և Հայաստանի Հանրապետության տարածք ներմուծվող առանձին ապրանքների նպատակային նշանակությունը հաստատող եզրակացության տրամադրման կարգը հաստատելու մասին» N 228-Ն որոշման (այսուհետ՝ Որոշում) մեջ կատարել հետևյալ լրացումները և փոփոխությունները․

1)     Որոշման 1-ին կետից հետո լրացնել հետևյալ բովանդակությամբ նոր՝ 1․1 կետով և ա), բ) և գ) ենթակետերով․

«1․1․ ԵԱՏՄ որոշումներից բխող ՀՀ կառավարության որոշումներով և իրավական այլ ակտերով սահմանված քանակական սահմանափակումների (քվոտա) դեպքում․

ա) նպատակային նշանակության եզրակացություն տրամադրվում է ներմուծվող կոնկրետ խմբաքանակի համար և տվյալ տարվա համար տվյալ ապրանքի մասով սահմանված քվոտայի շրջանակներում,

բ) քվոտայի բաշխումն իրականացվում է ըստ հայտերի ներկայացման ժամանակագրական սկզբունքի հերթականությամբ՝ մինչև քվոտայի սահմանված ծավալի սպառումը,

գ) միաժամանակյա ներկայացված հայտերի պարագայում՝ համապատասխան ժամանակահատվածում առկա քվոտայի մնացորդը հայտատուների միջև բաշխվում է համամասնորեն՝ ներկայացված հայտերով պահանջվող ծավալներին համապատասխան։»։

2)    Որոշման N 2 հավելվածի 3-րդ կետի 2)-րդ ենթակետից հետո լրացնել հետևյալ բովանդակությամբ նոր՝ 2․1) ենթակետով․

«2․1) Որոշման 1․1 կետով սահմանված դեպքերում՝ ներմուծման մաքսային հայտարարագրի պատճենը, ներմուծվող ապրանքի հաշիվ-ապրանքագրի պատճենը և առկայության պարագայում՝ օտարերկրյա գործընկերոջ հետ կնքված ներմուծման պայմանագրի պատճենը․»։

3)    Որոշման N 2 հավելվածի 5-րդ կետի «, ինչպես նաև անհաղթահարելի  ուժի առկայության դեպքում» բառերը փոխարինել «և անհաղթահարելի ուժի առկայության դեպքում, ինչպես նաև՝ մինչ որոշման N 2 հավելվածի 4-րդ կետով սահմանված էլեկտրոնային համակարգի գործարկումը՝» բառերով։

4)    Որոշման N 2 հավելվածի 8-րդ կետը շարադրել հետևյալ բովանդակությամբ և նոր՝ ա), բ) ենթակետերով.

«8. Եզրակացություն ստանալու մասին հայտը մերժվում է 2   աշխատանքային օրվա ժամկետում, եթե․

ա) հայտը և կից ներկայացվող փաստաթղթերի կազմն ամբողջական չեն կամ թերի են լրացված, և 1 աշխատանքային օրվա ընթացքում հայտատուն չի վերացնում հայտում կամ կից փաստաթղթերում առկա թերությունները կամ չի ներկայացնում համալրված փաստաթղթերը,

բ) որոշման 1․1 կետով սահմանված դեպքերում նաև՝ սպառվել է տվյալ տարվա համար նախատեսված քվոտան:»։

5)  Որոշման N 2 հավելվածի Ձև 1-ում «Խնդրում եմ տալ եզրակացություն Հայաստանի Հանրապետության տարածք ներմուծվող մի շարք ապրանքների նպատակային նշանակությունը հաստատելու վերաբերյալ։» բառերից առաջ լրացնել հետևյալ բովանդակությամբ նոր տողով․

»։

6)   Որոշման N 2 հավելվածի Ձև 1-ում «Դիմումին կից ներկայացնում եմ օտարերկրյա գործընկերոջ հետ կնքված պայմանագիրը կամ ապրանքի ներմուծման հաշիվ-ապրանքագիր» բառերը փոխարինել «Դիմումին կից ներկայացնում եմ որոշման N 2 հավելվածի 3-րդ կետի

·         2)-րդ ենթակետով պահանջվող փաստաթղթերը,

·         2․1)-ին ենթակետով պահանջվող փաստաթղթերը։»

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։