Լուսինե Մինասյան
16.07.2025
Տարկետման համակարգի բարելավումը պետք է միտված լինի ոչ միայն բարձր վարկանիշ ունեցող բուհերում սովորող կամ դիմող քաղաքացիներին արտոնություններ տրամադրելուն, այլ նաև՝ հավասար հնարավորությունների ստեղծմանը բոլոր այն երիտասարդների համար, ովքեր ունեն ակնառու կրթական և գիտական ներուժ՝ անկախ բուհի վարկանիշից կամ կրթաթոշակի առկայությունից։ Առաջարկում եմ նախագծում ներառել դրույթ, ըստ որի՝ տարկետման իրավունքը կարող է տրամադրվել նաև այն քաղաքացիներին, ովքեր ունեն հաստատված գիտական կամ կրթական արդյունքներ, օրինակ՝ միջազգային օլիմպիադաներում, գիտաժողովներում, մրցույթներում մասնակցություն կամ հաղթանակ, անկախ այն բուհից, որտեղ նրանք դիմել են։ Սա կխթանի Հայաստանի բուհերի կրթական ակտիվությանը:
