Կուտակային կենսաթոշակների մասին» օրենքում փոփոխություններ և լրացումներ կատարելու մասին» օրենքի նախագիծ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ

«ԿՈՒՏԱԿԱՅԻՆ ԿԵՆՍԱԹՈՇԱԿՆԵՐԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Կուտակային կենսաթոշակների մասին» 2010 թվականի դեկտեմբերի 22-ի ՀՕ-244-Ն օրենքի (այսուհետ՝ Օրենք)՝

1. 6-րդ հոդվածի 2-րդ մասի 1-ին կետի «ա» և «բ» ենթակետերը շարադրել հետևյալ խմբագրությամբ.

«ա. 5 տոկոսի չափով, եթե աշխատավարձի ամսական չափը չի գերազանցում 300 000 դրամը,

բ. 10 տոկոսի և 15 000 դրամի տարբերության չափով, եթե աշխատավարձի ամսական չափը գերազանցում է 300 000 դրամը.»։

2. 6-րդ հոդվածի 2-րդ մասի 2-րդ կետի «ա» և «բ» ենթակետերը շարադրել հետևյալ խմբագրությամբ.

«ա. 5 տոկոսի չափով, եթե այդ եկամտի տարեկան չափը չի գերազանցում 3 600 000 դրամը,

բ. 10 տոկոսի և 180 000 դրամի տարբերության չափով, եթե այդ եկամտի տարեկան չափը գերազանցում է 3 600 000 դրամը.»։

3. 6-րդ հոդվածի 7-րդ մասի 1-ին կետի «ա», «բ» և «գ» ենթակետերը շարադրել հետևյալ խմբագրությամբ.

«ա. համախառն եկամտի 5 տոկոսը, եթե այդ եկամտի չափը չի գերազանցում 300 000 դրամը,

բ. համախառն եկամտի 10 տոկոսի և 15 000 դրամի տարբերությունը, եթե այդ եկամտի չափը գերազանցում է 300 000 դրամը,

գ. սոցիալական վճարի հաշվարկման օբյեկտի առավելագույն ամսական շեմի 10 տոկոսի և 15 000 դրամի տարբերությունը, եթե այդ եկամտի չափը գերազանցում է սոցիալական վճարի հաշվարկման օբյեկտի առավելագույն ամսական շեմը.»։

4. 6-րդ հոդվածի 7-րդ մասի 2-րդ կետի «ա», «բ» և «գ» ենթակետերը շարադրել հետևյալ խմբագրությամբ.

«ա. համախառն եկամտի 5 տոկոսը, եթե այդ եկամտի չափը չի գերազանցում 3 600 000 դրամը

բ. համախառն եկամտի 10 տոկոսի և 180 000 դրամի տարբերությունը, եթե այդ եկամտի չափը գերազանցում է 3 600 000 դրամը,

 գ. սոցիալական վճարի հաշվարկման օբյեկտի առավելագույն տարեկան շեմի 10 տոկոսի և 180 000 դրամի տարբերությունը, եթե այդ եկամտի չափը գերազանցում է 3 600 000 դրամը:»։

Հոդված 2. Օրենքի 9-րդ հոդվածի 2-րդ մասի 1-ին կետում «25000» թիվը փոխարինել «15000» թվով, իսկ 2-րդ կետում «300 000» թիվը փոխարինել «180 000» թվով, 4-րդ մասում «25000» թիվը փոխարինել «15000» թվով, իսկ «300 000» թիվը փոխարինել «180 000» թվով։

Հոդված 3. Սույն օրենքն ուժի մեջ է մտնում 2025 թվականի հունվարի 1-ից:

Հայաստանի Հանրապետության                                   Վահագն Խաչատուրյան նախագահ