Հայաստանի Հանրապետության կառավարության 2007 թվականի հունիսի 28-ի թիվ 955-Ն որոշման մեջ լրացումներ կատարելու մասին

31 - Agree
21 - Disagree

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածների պահանջներով` Հայաստանի Հանրապետության կառավարությունը որոշում է.

Հայաuտանի Հանրապետության կառավարության 2007 թվականի հունիսի 28-ի «Հայաստանի Հանրապետության ճանապարհային երթևեկության կանոնները և տրանսպորտային միջոցների շահագործումն արգելող անսարքությունների և պայմանների ցանկը հաստատելու մասին» N 955-Ն որոշման (այսուհետ՝ Որոշում) մեջ կատարել հետևյալ լրացումները.

Որոշման N 2 հավելվածի 4-րդ կետի 1-ին ենթակետից հետո լրացնել նոր 1.1-ին և 1.2-րդ ենթակետեր՝ հետևյալ բովանդակությամբ․

«1.1) հունիս, հուլիս և օգոստոս ամիսներին տրանսպորտային միջոցի վրա տեղադրված են բութակավորված հակասահքային անվադողեր,

1.2) նոյեմբերի 15-ից մինչև մարտի 31-ը ներառյալ՝ M1 (թեթև մարդատար ավտոմոբիլներ) և N1 (մինչև 3,5 տոննա թույլատրելի առավելագույն զանգված ունեցող բեռնատար ավտոմոբիլներ) կարգի տրանսպորտային միջոցի վրա տեղադրված չեն ձմեռային անվադողեր:»

Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Նախագիծ Հիմնավորում

Discussed

30.01.2024 - 29.02.2024
Type

Decision
Area

Security, Road traffic safety
Ministry

Ministry of Territorial Administration and Infrastructure

Send a letter to the draft author

Your suggestion will be posted on the site within 10 working days

Suggestions

"Տնտեսական իրավունքի կենտրոն" Հասարակական կազմակերպություն

15.02.2024

Մովսես Արիստակեսյան «Տնտեսական իրավունքի կենտրոն» ՀԿ նախագահ Հայաստանի ՔՀԿ-ների հակակոռուպցիոն կոալիցիայի կառավարման խորհրդի նախագահ Համաձայնլինելով օրինագծին կարծում ենք, որ լուծում չի ստացել համասեզոնային անվադողեր ունենալու հարցը: Հայտնի է, որ շատ ավտոմեքենաներ համալրվել են համասեզոնային անվադողերով և դրանց շահագործումը տարվա բոլոր եղանակներին տեխնիկապես թոըյլատրելի է և անվտանգ: Հետևապես առաջարկում ենք օրինագծում լրացնել համապատասխան իրավակարգավորումներ այն մասին, որ տարվա բոլոր եղանակներին թույլատրվում է համասեզոնային ավտոդողերով երթևեկը և դրանց համար պատասխանատվության միջոցներ չեն նախատեսվում:

Artak Arakelyan

02.02.2024

Նոյեմբերի 15 ից մարտի 31-ը Հայաստանի կլիմայի համար մի քիչ երկար է։ Եթե վաղը Բրազիլիան կամ Էկվադորը դառնան ԵԱՏՄ անդամ էնտեղ էլ ե՞ն ձմեռային անվադողերով վարելու։ Ավելի տրամաբանական է օրվա միջին ջերմաստիճանով պայմանավորել պահանջը։

Ռաֆայել Շաքարյան

30.01.2024

Կարծում եմ սխալ է նշել ամիս ու օր, քանի որ ոչ մի վտանգավոր բան չեմ տեսնում երբ որ օրինակ դեկտեմբեր ամսին չոր եղանակին տրանսպորտային միջոցը շահագործվի ոչ ձմեռային անվադողերով: Հնարավոր է որ սխալվում եմ , սակայն ես ավելի շատ տեսնում եմ միտում վարորդներին տուգանելու հնարավորության ստեղծելու: