ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ՍԵՊՏԵՄԲԵՐԻ 17-Ի N 1118-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ ՈՐՈՇՈՒՄ

«Հավելված

ՀՀ կառավարության 2020 թվականի ----- -ի N –Ն որոշման

Հավելված  ՀՀ կառավարության 2015 թվականի սեպտեմբերի 17-ի N 1118-Ն որոշման

Կ Ա Ր Գ

գերակա ոլորտում իրականացվող ներդրումային ծրագրի ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՀԱՎԱՆՈՒԹՅԱՆ ԱՐԺԱՆԱՑՄԱՆ ԵՎ ԱՅԴ ՆԵՐԴՐՈՒՄԱՅԻՆ ԾՐԱԳՐԻ շրջանակներում ներմուծվող տեխնոլոգիական սարքավորումներԻ, դրանց բաղկացուցիչ ու համալրող մասերԻ, հումքԻ Եվ (կամ)  նյութերի նկատմամբ սակագնային, ՄԱՍՆԱՎՈՐԱՊԵՍ ՄԱՔՍԱՏՈՒՐՔԻՑ ԱԶԱՏԵԼՈՒ արտոնության կիրառման

1. Սույն կարգով կարգավորվում են Հայաստանի Հանրապետությունում գրանցված իրավաբանական անձանց և Հայաստանի Հանրապետությունում հաշվառված անհատ ձեռնարկատերերի (այսուհետ՝ Անձ) կողմից գերակա ոլորտում ներդրումային ծրագրի շրջանակներում ներմուծվող տեխնոլոգիական սարքավորումների, դրանց բաղկացուցիչ և համալրող մասերի, հումքի և (կամ) նյութերի ներմուծումն օրենսդրությամբ սահմանված կարգով մաքսային մարմինների կողմից հաշվարկված սակագնային, մասնավորապես մաքսատուրքից ազատելու արտոնության (այսուհետ` մաքսատուրքից ազատելու արտոնություն) կիրառման հետ կապված հարաբերությունները:
2. Սույն կարգում կիրառվող հիմնական հասկացություններն են`

• Ներդրումային ծրագիր` արտադրական, տրանսպորտային և (կամ) ինժեներական ենթակառուցվածքի առկա օբյեկտների վերազինմանը (արդիականացման, վերակառուցման) կամ նոր օբյեկտների ստեղծմանն ուղղված ներդրումներ նախատեսող միջոցառումների համալիր, որն իրականացվում է սույն կարգով սահմանված (տնտեսության ոլորտների) գործունեության գերակա ոլորտներում:
• Գործառնական (արտադրական և այլ) գործունեություն` ընկերության (կազմակերպության) ն