«Հայաստանի Հանրապետության կառավարության 2023 թվականի փետրվարի 16-ի N 216-Ն որոշման մեջ փոփոխություններ և լրացումներ կատարելու մասին» Հայաստանի Հանրապետության կառավարության որոշման նախագիծը

Համաձայն պաշտոնի անձնագրի ներկայումս դպրոցի տնօրենը հանդիսանում է մանկավարժական աշխատող, որի հիմնական գործառույթներն են ուսումնական գործընթացի կազմակերպումը, մանկավարժական և դաստիարակչական աշխատանքների իրականացման վերահսկողությունը: Սակայն գործնականում, ի լրումն մանկավարժական պատասխանատվության, դպրոցների տնօրենները կատարում են նաև վարչական, կազմակերպչական և անձնակազմի կառավարման տարբեր գործառույթներ:

Անձնակազմի կառավարման մասնագետի և գործավարի պաշտոնների վերադասը

Ներկայում, վերոբերյալ հաստիքների վերադաս և գործատու հանդիսանում է վարչատնտեսական մասի համակարգողը ինչը թեև տրամաբանական էր նախկին կարգավորումներով, բայց հիմա առավել նպատակահարմար է այն վերապահել հանրակրթական ուսումնական հաստատության տնօրենին։ Կամ հատկացնել երկու առանձին հաստիք՝ տնօրենի համար առանձին, վաչատնտեսական համակարգողի համար առանձին / գործավար և/կամ անձնակազմի կառավարման մասնագետ/:

Քանի որ պաշտոնի փոփոխություն է կատարվում, իսկ գործառույթները ավելանում են անհրաժեշտ է հստակեցնել, մանրամասնել «Անվտանգ կենսագործունեության ուսուցիչ և շտաբի պետ (քաղաքացիական պաշտպանության շտաբի պետ)՝ հանրակրթական ուսումնական հաստատության» պաշտոնի դրույքաչափը

ՀՀ կառավարության 2025 թվականի հունիսի 26-ի N 850-Ն որոշման համաձայն հանրակրթական ուսումնական հաստատություններում առկա է նաև Էլեկտրոնային ուսուցում իրականացնող մենթոր դպրոցների ուսուցիչների աշխատանքները համակարգողին՝ մենթորի/ ԷՄԴգ / հաստիք, որի համար սահմանվում է նաև համապատասխան լրավճար, մինչդեռ ՀՀ կառավարության 2023 թվականի փետրվարի 16-ի N 216-Ն որոշմամբ սահմանված պաշտոնների անվանացանկում առկա չէ ոչ հաստիքի անվանումը, ոչ էլ պաշտոնի անձնագիրը

կից ներկայացնում ենք առաջարկ վերոբերյալ պաշտոնի անձնագրի վերաբերյալ