ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2025 ԹՎԱԿԱՆԻ ԴԵԿՏԵՄԲԵՐԻ 4-Ի N 1742-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷԿՈՆՈՄԻԿԱՅԻ ՆԱԽԱՐԱՐՈՒԹՅԱՆ «ԳՅՈՒՂԱԿԱՆ ՏԱՐԱԾՔՆԵՐԻ ՏՆՏԵՍԱԿԱՆ ԶԱՐԳԱՑՄԱՆ ԾՐԱԳՐԵՐԻ ԻՐԱԿԱՆԱՑՄԱՆ ԳՐԱՍԵՆՅԱԿ» ՊԵՏԱԿԱՆ ՀԻՄՆԱՐԿԻ ԿԱՆՈՆԱԴՐՈՒԹՅԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՀԱՍՏԱՏԵԼՈՒ ՄԱՍԻՆ

                                         ՀԻՄՆԱՎՈՐՈՒՄ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2025 ԹՎԱ-
ԿԱՆԻ ԴԵԿՏԵՄԲԵՐԻ 4-Ի N 1742-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ

ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷԿՈՆՈՄԻԿԱՅԻ ՆԱԽԱՐԱՐՈՒԹՅԱՆ «ԳՅՈՒՂԱԿԱՆ ՏԱՐԱԾՔՆԵՐԻ ՏՆՏԵՍԱԿԱՆ ԶԱՐԳԱՑՄԱՆ ԾՐԱԳՐԵՐԻ ԻՐԱԿԱՆԱՑՄԱՆ ԳՐԱՍԵՆՅԱԿ» ՊԵՏԱԿԱՆ ՀԻՄՆԱՐԿԻ ԿԱՆՈՆԱԴՐՈՒԹՅԱՆ ՄԵՋ ՓՈՓՈԽՈՒԹՅՈՒՆԵՐ ԿԱՏԱՐԵԼՈՒ ԵՎ ՀԱՍՏԱՏԵԼՈՒ  ՄԱՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ

    1․ Անհրաժեշտությունը

ՀՀ կառավարության 04․12․2025թ․ թիվ 1742-Ն որոշմամբ (այսուհետ՝ Որոշում) ՀՀ էկոնոմիկայի նախարարության Գյուղական տարածքների տնտեսական զարգացման ծրագրերի իրականացման գրասենյակ պետական հիմնարկի ինքնուրույն միավոր հանդիսացող գյուղական ֆինանսավորման կառույցն առաձնացման ձևով վերակազմակերպվել է ՀՀ էկոնոմիկայի նախարարության /այսուհետ՝ Նախարարություն/  Տնտեսական զարգացման և ֆինանսավորման կառույց հիմնարկի։ Սակայն, քանի որ  Նախարարության Գյուղական տարածքների տնտեսական զարգացման ծրագրերի իրականացման գրասենյակ պետական հիմնարկից է առանձնացման ձևով տեղի է ունեցել վերակազմակերպում և ստեղծվել է Նախարարության Տնտեսական զարգացման և ֆինանսավորման կառույց հիմնարկը (այսուհետ՝ Հիմնարկ), ուստի անհրաժեշտ է Որոշման մեջ կատարել փոփոխություն, որպեսզի ՀՀ արդարադատության նախարարության պետական ռեգիստրի գործակալությունում նոր ստեղծված Հիմնարկը հաշվառվի որպես առանձնացման ձևով վերակազմակերպման արդյունքում ստեղծված հիմնարկ, իսկ Նախարարության Գյուղական տարածքների տնտեսական զարգացման ծրագրերի իրականացման գրասենյակ պետական հիմնարկի կանոնադրությունում կատարվի համապատասխան փոփոխություն և ուժը կորցրած ճանաչվի կանոնադրության գյուղական ֆինանսավորման բաժնի ուղեցույցը, որը վերաբերում է  Նախարարության Գյուղական տարածքների տնտեսական զարգացման ծրագրերի իրականացման գրասենյակ պետական հիմնարկի ինքնուրույն միավոր հանդիսացող գյուղական ֆինանսավորման կառույցին։

2․ Ընթացիկ իրավիճակը և խնդիրները

2023թ.-ի ապրիլ ամսից «ԳՏՏԶ ԾԻԳ» ՊՀ-ի ծրագրերը ամբողջությամբ ավարտվել են, փակման աշխատանքները կատարվել են, իսկ հիմնարկի կողմից տնօրինվող գույքը, ՀՀ կառավարության 28.12.2023թ. թիվ 2313-Ա որոշման համաձայն, հանձնվել է ՀՀ էկոնոմիկայի նախարարությանը (այսուհետ՝ Նախարարություն)։  Սույն որոշման ընդունումից հետո տասնօրյա ժամկետում «ԳՏՏԶ ԾԻԳ» ՊՀ-ն կհանվի հաշվառումից։

 3․ Կարգավորման առարկան և բնույթը

Սույն որոշման նախագծով փոփոխության է ենթարկվում Նախարարության Գյուղական տարածքների տնտեսական զարգացման ծրագրերի իրականացման գրասենյակ պետական հիմնարկի կանոնադրությունը, որտեղ մասնավորապես ուժը կորցրած է ճանաչվում կանոնադրության գյուղական ֆինանսավորման բաժնի ուղեցույցը, քանի որ վերջինիս վերապահված բոլոր իրավունքները և պարտականությունները փոխանցվել են Հիմնարկին։

4․ Նախագծի մշակման գործընթացում ներգրավված ինստիտուտները և անձինք

      Ներկայացված նախագիծը մշակվել է Նախարարության կողմից։

5․ Ակնկալվող արդյունքը

Որոշման կիրառումը կապահովի.

·         ԳՏՏԶ ԾԻԳ-ի  գործունեության դադարեցումը

·         ԳՏՏԶ ԾԻԳ-ի՝ ՀՀ արդարադատության նախարարության իրավաբանական անձանց պետական ռեգիստրի գործակալությունում հաշվառումից հանումը

·         «ՀՀ էկոնոմիկայի նախարարության Տնտեսական զարգացման և ֆինանսավորման կառույց» հիմնարկի հաշվառումը ՀՀ արդարադատության նախարարության իրավաբանական անձանց պետական ռեգիստրի գործակալությունում։

6․  Հայաստանի Հանրապետության պետական բյուջեի եկամուտներում և ծախսերում սպասվելիք փոփոխությունները

     Նախագծի ընդունումը պետական բյուջեի ծախսերի և եկամուտների  ավելացում կամ նվազեցում, ինչպես նաև, լրացուցիչ ֆինանսական միջոցների ներգրավման անհրաժեշտություն չի առաջացնում: