Բարի գալուստ կայքի թարմացված տարբերակ
    Добавить в избранное

    «Հայաստանի Հանրապետության կառավարության 2014 թվականի փետրվարի 13-ի N 265-Ն որոշման մեջ փոփոխություններ և լրացումներ կատարելու մասին» ՀՀ կառավարության որոշման նախաիծ

    ՀԻՄՆԱՎՈՐՈՒՄ

    «Հայաստանի Հանրապետության կառավարության 2014 թվականի փետրվարի 13-ի N 265-Ն որոշման մեջ փոփոխություններ և լրացումներ կատարելու մասին» ՀՀ կառավարության որոշման նախագծի ընդունման անհրաժեշտության վերաբերյալ

     

     

    1. Իրավական ակտի ընդունման անհրաժեշտությունը․

    Նախագծի ընդունումը պայմանավորված է Հյուսիս-հարավ ճանապարհային միջանցքի ներդրումային ծրագրի Տրանշ 2, Ագարակի հնագիտական վայրը շրջանցող 8կմ հատված (Մ-1 կմ 29+600-կմ 37+545) և Տրանշ-3,  Թալին-Լանջիկ և Լանջիկ-Գյումրի, 42 կմ ճանապարհահատվածի շինարարական աշխատանքների ավարտի արդյունքում նոր կառուցված ճանապարհահատավածները  ՀՀ կառավարության 2014 թվականի փետրվարի 13-ի N 265-Ն որոշման հավելվածով հաստատված անվանացանկում ներառելու անհրաժեշտությամբ։

     

    1. Կարգավորման հարաբերությունների ներկա վիճակը և առկա խնդիրները․

    Սույն թվականի հոկտեմբերի 3-ից, Արագածոտնի մարզի Ագարակ բնակավայրի մոտից (Մ-1, Երևան-Գյումրի-ՀՀ սահման (Բավրա) միջպետական ճանապարհի մոտ 30-րդ կմ) երթևեկությունը տեղափոխվել է դեպի Հյուսիս-հարավ ճանապարհային միջանցքի ներդրումային ծրագրի Տրանշ 2, Ագարակի հնագիտական վայրը շրջանցող նոր կառուցված 8կմ հատված (Մ-1 կմ 29+600-կմ 37+545)։ Միաժամանակ,  Տրանշ-3,  Թալին-Լանջիկ և Լանջիկ-Գյումրի, 42 կմ ճանապարհահատվածի շինարարական աշխատանքները ավարտվել են դեռևս 2024 թվականի դեկտեմբերին։ Միաժամանակ,  Հ-58 հանրապետական նշանակության ավտոճանապարհի երկարությունը կարճացել է 400 մետրով, ինչը պայմանավորված է Կիրանց գյուղի հատվածում Հ-58 ավտոճանապարհը շրջանցող նոր ճանապարհահատվածի կառուցմամբ։ Նշվածով պայմանավորված ճանապարհահատվածների պատշաճ պահպանումը ապահովելու նպատակով անհրաժեշտ է նշված ճանապարհահատվածների մասով փոփոխություններ կատարել ՀՀ կառավարության 2014 թվականի փետրվարի 13-ի N 265-Ն որոշման հավելվածով հաստատված անվանացանկում։

     

    1. Կարգավորման նպատակը և բնույթը.

    Նախագծի ընդունման նպատակն է՝ վերանայել որոշմամբ հաստատված անվանացանկի մի շարք միջպետական (Մ-1) և հանրապետական (Հ-4, Հ-20, Հ-58, Հ-60, Հ-83, Հ-86) նշանակության ավտոմոբիլային ճանապարհների անվանումները և երկարությունները՝ կատարված գույքագրման արդյունքներով։ Կատարվող փոփոխությունները ներկայացված են աղյուսակում․

    Ճանապարհի համար և պայմանանիշ

    Առաջարկվող փոխության էությունը

    Մ-1

    Տրանսպորտային հանգույցների քանակի ավելացումը պայմանավորված է Հյուսիս-հարավ ճանապարհային միջանցքի ներդրումային ծրագիր Տրանշ 2-ի և Տրանշ 3-ի շրջանակներում Աշտարակ – Թալին և Թալին – Գյումրի ճանապարհահատվածների վերակառուցման ընթացքում տրանսպորտային հանգույցների կառուցմամբ։

    Հ-14

    Հյուսիս-հարավ ճանապարհային միջանցքի ներդրումային ծրագիր- Ծրագիր 2-ի շրջանակներում վերակառուցվող Աշտարակ-Թալին ճանապարհահատվածի ծրագծի փոփոխությամբ պայմանավորված՝ նշված ճանապարհը հանդիսանում է գոյություն ունեցող Մ-1 ավտոճանապարհի Ագարակ - Ուջան հատվածը:

    Հ-58

    Հ-58 հանրապետական նշանակության ավտոճանապարհի երկարությունը կարճացել է 400 մետրով, ինչը պայմանավորված է Կիրանց գյուղի հատվածում Հ-58 ավտոճանապարհը շրջանցող նոր ճանապարհահատվածի կառուցմամբ։

    Հ-92 և Հ-93

    Հյուսիս-հարավ ճանապարհային միջանցքի ներդրումային ծրագիր- Ծրագիր 2-ի շրջանակներում վերակառուցվող Աշտարակ - Թալին ճանապարհահատվածի ծրագծի փոփոխությամբ պայմանավորված՝ Հ-92 ավտոճանապարհը հանդիսանում է գոյություն ունեցող Մ-1 ավտոճանապարհի Ներքին Բազմաբերդ – Դավթաշեն հատվածը, Հ-93 ավտոճանապարհը հանդիսանում է գոյություն ունեցող Մ-1 ավտոճանապարհի Դավթաշեն-Կաթնաղբյուր-Թալին հատվածը:

    Տ-1-4 և Տ-1-77

    Հյուսիս-հարավ ճանապարհային միջանցքի ներդրումային ծրագիր շրջանակներում ճանապարհի և տրանսպորտային հանգույցների կառուցման արդյունքում Տ-1-4 ավտոճանապարհը չի ընդհատվում Տ-1-77 ճանապարհով, ուստի առաջարկվում է միավորել Տ-1-4 և Տ-1-77 ճանապարհները՝ ինչի արդյունքում Տ-1-4 երկարությունը՝ կկազմի 6.6 կմ, իսկ Տ-1-77 առաջարկվում է ուժը կորցրած ճանաչել։

    Հ-20, Հ-86, Տ-1-6, Տ-1-8, Տ-1-30, Տ-1-31, Տ-1-39, Տ-1-40, Տ-1-66, Տ-1-71, Տ-7-21, Տ-7-25, Տ-7-56

    Նշված ավտոճանապարհների անվանումները խմբագրվել են Հյուսիս-հարավ ճանապարհային միջանցքի ներդրումային ծրագիր- Ծրագիր 2-ի և 3-ի շրջանակներում ճանապարհների և տրանսպորտային հանգույցների կառուցմամբ

    Տ-1-19 և Տ-1-74

    Հյուսիս-հարավ ճանապարհային միջանցքի ներդրումային ծրագրի շրջանակներում արհեստական կառույցի կառուցմամբ պայմանավորված Տ-1-19 և Տ-1-74 ճանապարհները հանդիսանում են միմյանց շարունակություն, ինչի արդյունքում Տ-1-19 անվափոխվել է և երկարությունը ավելացել է 1.6 կմ-ով, իսկ Տ-1-74 առաջարկվում է ուժը կորցրած ճանաչել։

    Տ-1-32 և Տ-1-60

    Հյուսիս-հարավ ճանապարհային միջանցքի ներդրումային ծրագրի- Տրանշ 2-ի շրջանակներում արհեստական կառույցի կառուցմամբ պայմանավորված վերանայվել է բնակավայրերի միջև ճանապարհի ուղղությունը /գումարային արտահայտությամբ ճանապարհների երկարությունը մնացել է անփոփոխ/։

    Տ-7-66 և Տ-7-74

    Հյուսիս-հարավ ճանապարհային միջանցքի ներդրումային ծրագրի շրջանակներում արհեստական կառույցի կառուցմամբ պայմանավորված Տ-7-66 և Տ-7-74 ճանապարհները հանդիսանում են միմյանց շարունակություն, ինչի արդյունքում Տ-7-66 անվափոխվել է և երկարությունը ավելացել է 4.7 կմ-ով, իսկ Տ-7-74 առաջարկվում է ուժը կորցրած ճանաչել։

     

     

    1. Ակնկալվող արդյունքները․

    Նախագծի ընդունման արդյունքում՝ ավանացանկով նախատեսված ՀՀ ընդհանուր օգտագործման ավտոմոբիլային ճանապարհների անվանացանկի պատշաճ պահպանումն ու սպասարկումը ապահովելու նպատակով, կհստակեցվեն Տրանշ 2-ի և Տրանշ 3-ի Մ-1 միջպետական նշանակության ավտոմոբիլային ճանապարհների, ինչպես նաև մի շարք հանրապետական և մարզային (տեղական) նշանակության ավտոմոբիլային ճանապարհների անվանումները, դրանց նշանակությունը և երկարությունները, ինչպես նաև կավելացվեն նոր կառուցված ճանապարհները։ Նախագծի ընդունումը հրատապ է, քանի որ անվանացանկում լրացվող ճանապարհները պետք է ենթարկվեն ընթացիկ ձմեռային պահպանման։

     

    1. Նախագծի մշակման գործընթացում ներգրաված ինստիտուտները և անձինք.

    Նախագիծը մշակվել է ՀՀ տարածքային կառավարման և ենթակառուցվածքների նախարարության և «Ճանապարհային դեպարտամենտ» հիմնադրամի կողմից:

     

     

    1. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ.

    Նախագիծը բխում է ՀՀ կառավարության 2021-2026թթ. ծրագրի «3.2 Ճանապարհաշինություն»  վերնագրի 3-րդ պարբերության 14-րդ մասի և ՀՀ կառավարության 18.11.2021թ․ թիվ 1902-Լ որոշման 1-ին հավելվածի ՏԿԵՆ 52.2-րդ կետով նախատեսված միջոցառման կատարման պայմաններից։

     

    1. Ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին.

    Նախագծերի ընդունման կապակցությամբ լրացուցիչ ֆինանսական միջոցների անհրաժեշտություն և Հայաստանի Հանրապետության պետական բյուջեում ծախսերի և եկամուտների փոփոխություն չի առաջանում: Նշենք, որ անվանացանկի ընդունմամբ պայմանավորված ճանապարհների պահպանումը կիրականացվի ՀՀ 2025-2026թթ, թվականներին բյուջեով նախատեսված «1049․ Ճանապարհային ցանցի բարելավում» ծրագրի 11001 և 11002 միջոցառումների համար նախատեսված ֆինանսական միջոցների շրջանակներում։

     

    • Обсуждалось

      14.10.2025 - 29.10.2025

    • Тип

      Pешение

    • Область

      Транспорт, Безопасность дорожного движения

    • Министерство

      Министерство территориального управления и инфраструктур

    • Test

    Отправить рекомендацию по электронной почте

    Ваше предложение будет опубликовано на сайте в течение 10 рабочих дней

    Отмена

    Просмотры 1098

    Принт

    Предложения

    Մկրտիչ Սողոմոնյան

    14.10.2025

    Հետևյալ տողում վրիպակ կա․ Դպեվանքի տրանսպորտային հանգույց 0.5 "ր" տառը բաց է թողած, պետք է լինի Դպրեվանքի տրանսպորտային հանգույց 0.5

    Մկրտիչ Սողոմոնյան

    14.10.2025

    Օրենքի վերջին տարբերակում https://www.arlis.am/hy/acts/131577 Արարատի մարզի Տ-2-4 տողում վրիպակ կա /Հ-14/ - Նորաբաց - /Տ-2-3/ Հ-14 փոխարեն պետք է լինի Հ-91 /Հ-91/ - Նորաբաց - /Տ-2-3/ Կարո՞ղ եք նաև այդ վրիպակը ուղղել։ Այս օրենքով նոր Հ-14 ճանապարհ է ավելանում, որը վերը նշված վրիպակում է գրված Շնորհակալություն Մկրտիչ

    Узнать больше
    Եվրոպական Միություն
    Այս կայքը ստեղծվել և թարմացվել է Եվրոպական միության ֆինանսական աջակցությամբ: Կայքի բովանդակության համար պատասխանատվություն են կրում հեղինակները, և պարտադիր չէ, որ այն արտահայտի Եվրոպական միության, ՄԱԿ-ի Զարգացման ծրագրի, ՄԱԿ-ի բնակչության հիմնադրամի, ՅՈՒՆԻՍԵՖ-ի և ԵԱՀԿ-ի տեսակետները: