ԵՐԿԱԹՈՒՂՈՒ ՊԱՇՏՊԱՆԱԿԱՆ ԳՈՏՈՒ ՉԱՓԵՐԸ ՍԱՀՄԱՆԵԼՈՒ ՄԱՍԻՆ

ՀԻՄՆԱՎՈՐՈՒՄ

ԵՐԿԱԹՈՒՂՈՒ ՊԱՇՏՊԱՆԱԿԱՆ ԳՈՏՈՒ

ՉԱՓԵՐԸ ՍԱՀՄԱՆԵԼՈՒ ՄԱՍԻՆ

1. Անհրաժեշտությունը

Երկաթուղու պաշտպանական գոտիները և դրանց չափերը սահմանելու անհրաժեշտությունը պայմանավորված է «Երկաթուղային տրանսպորտի մասին» օրենքի 15.1-ին հոդվածի 10-րդ մասի պահանջի կատարմամբ, որը նախատեսում է երկաթուղու պաշտպանական գոտու չափերի սահմանում:

2. Ընթացիկ վիճակը և խնդիրները

Ներկայումս «Երկաթուղային տրանսպորտի մասին» օրենքի 15.1-ին հոդվածի 9-րդ մասի սահմանված է պաշտպանական գոտու նվազագույն չափը, սակայն նշված չեն տեղամասերը, որոնք նույն օրենքի 14-րդ հոդվածի 3-րդ մասի համաձայն սահմանվում են երկաթուղային գծերի և երկաթուղային այլ օբյեկտների անվտանգ շահագործման, ինչպես նաև բնակչության, երկաթուղային տրանսպորտի աշխատողների և ուղևորների անվտանգության ապահովման նպատակով սողանքների, փլուզումների, ողողումների և այլ բացասական ազդեցությունների ենթակա տեղերում:

Նշված կարգավորման բացակայությունը խիստ բացասական է անդրադառնում բազմաթիվ բիզնես նախաձեռնությունների և ներդրումային ծրագրերի իրագործման վրա:

3. Կարգավորման նպատակ

Ուսումնասիրելով այլ երկրների օրենսդրությունը, փորձը և «Հարավկովկասյան երկաթուղի» ՓԲԸ-ի հետ համագործակցելով մշակվել է երկաթուղու պաշտպանական գոտիները և դրանց չափերը, որով կլրացվի այդ մասով գործող օրենսդրական բացը:

4. Տվյալ բնագավառում իրականացվող քաղաքականությունը

Նախագիծը չի նախատեսում տվյալ բնագավառում իրականացվող գործող քաղաքականության փոփոխություն:

5. Նախագծի մշակման գործընթացում ներգրավված ինստիտուտները և անձիք

Նախագիծը մշակվել է Հայաստանի Հանրապետության տարածքային կառավարման և ենթակառուցվածքների նախարարության կողմից:

6. Ակնկալվող արդյունքը

Ընդունումը դրական ազդեցություն կունենա բիզնես միջավայրի զարգացման և նոր աշխատատեղերի ստեղծման վրա՝ պահպանելով երթևեկության անվտանգության պահանջները:

7. Տեղեկատվություն լրացուցիչ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին

Նախագծի ընդունումը Հայաստանի Հանրապետության 2025 թվականի պետական բյուջեի տարեկան եկամուտների փոփոխությունների չի հանգեցնում:

8. Նախագծի ընդունման առնչությամբ ընդունվելիք այլ իրավական ակտերի նախագծերը կամ դրանց ընդունման անհրաժեշտության բացակայության մասին

Որոշման նախագծի ընդունմամբ այլ իրավական ակտերում փոփոխություններ և/կամ լրացումներ կատարելու անհրաժեշտություն չկա:

9. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ

Երկաթուղու պաշտպանական գոտու չափերը սահմանելու անհրաժեշտությունը բխում է «Երկաթուղային տրանսպորտի մասին» օրենքի 15.1-ին հոդվածի 10-րդ մասի կատարման պահանջներից։