ՊԵՏԱԿԱՆ ՄԱՍՆԱԳԻՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ՈՒՍԱՆՈՂՆԵՐԻՆ ԵՎ ՄԱՆԿԱՎԱՐԺԱԿԱՆ ԱՇԽԱՏՈՂՆԵՐԻՆ ՏՐԱՆՍՊՈՐՏԱՅԻՆ ԾԱՌԱՅՈՒԹՅՈՒՆՆԵՐԻ ԴԻՄԱՑ ՓՈԽՀԱՏՈՒՑՄԱՆ ԿԱՐԳԸ ՍԱՀՄԱՆԵԼՈՒ ԵՎ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐԻ 2023 ԹՎԱԿԱՆԻ ԴԵԿՏԵՄԲԵՐԻ 12-Ի N 147-Ն ՀՐԱՄԱՆԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐ

Հ Ր Ա Մ Ա Ն

ՊԵՏԱԿԱՆ ՄԱՍՆԱԳԻՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ՈՒՍԱՆՈՂՆԵՐԻՆ ԵՎ ՄԱՆԿԱՎԱՐԺԱԿԱՆ ԱՇԽԱՏՈՂՆԵՐԻՆ ՏՐԱՆՍՊՈՐՏԱՅԻՆ ԾԱՌԱՅՈՒԹՅՈՒՆՆԵՐԻ ԴԻՄԱՑ ՓՈԽՀԱՏՈՒՑՄԱՆ ԿԱՐԳԸ ՍԱՀՄԱՆԵԼՈՒ ԵՎ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐԻ 2023 ԹՎԱԿԱՆԻ ԴԵԿՏԵՄԲԵՐԻ 12-Ի N 147-Ն ՀՐԱՄԱՆԸ ՈՒԺԸ ԿՈՐՑՐԱԾ ՃԱՆԱՉԵԼՈՒ

ՄԱՍԻՆ

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով, ինչպես նաև հիմք ընդունելով «Մասնագիտական կրթության մասին» օրենքի 19-րդ հոդվածի 1-ին մասի 31-րդ կետը․

Հրամայում եմ

1. Սահմանել պետական մասնագիտական ուսումնական հաստատությունների ուսանողներին և մանկավարժական աշխատողներին տրանսպորտային ծառայությունների դիմաց փոխհատուցման կարգը` համաձայն հավելվածի։
2. Ուժը կորցրած ճանաչել Հայաստանի Հանրապետության կրթության, գիտության, մշակույթի և սպորտի նախարարի 2023 թվականի դեկտեմբերի 12-ի N 147-Ն հրամանը։
3. Սույն հրամանն ուժի մեջ է մտնում պաշտոնական հրապարակմանը հաջորդող օրվանից։

ԿԱՐԳ

ՊԵՏԱԿԱՆ ՄԱՍՆԱԳԻՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ՈՒՍԱՆՈՂՆԵՐԻՆ ԵՎ ՄԱՆԿԱՎԱՐԺԱԿԱՆ ԱՇԽԱՏՈՂՆԵՐԻՆ ՏՐԱՆՍՊՈՐՏԱՅԻՆ ԾԱՌԱՅՈՒԹՅՈՒՆՆԵՐԻ ԴԻՄԱՑ ՓՈԽՀԱՏՈՒՑՄԱՆ

1. Սույն կարգով սահմանվում են Հայաստանի Հանրապետության պետական բյուջեի «1045. Մասնագիտական կրթության և ուսուցման ծրագիր» ծրագրի «12009. Մարզերում գործող մասնագիտական ուսումնական հաստատությունների ուսանողների և մանկավարժական աշխատողների տրանսպորտային ծախսերի փոխհատուցում» միջոցառման (այսուհետև՝ միջոցառում) շրջանակներում Հայաստանի Հանրապետության մարզերում գործող պետական մասնագիտական ուսումնական հաստատությունների (այսուհետև՝ հաստատություն) ուսանողներին և մանկավարժական աշխատողներին տրանսպորտային ծառայությունների դիմաց փոխհատուցելու (այսուհետև՝ փոխհատուցում) պայմանները, ինչպես նաև չափի որոշման և հատկացման հետ կապված հարաբերությունները:
2. Փոխհատուցում տրվում է Հայաստանի Հանրապետության մարզերում գործող հաստատությունների.

1) այն մանկավարժական աշխատողներին, որոնք հանդիսանում են իրենց փաստացի բնակության վայրից տարբերվող այլ բնակավայրում գործող (որի հեռավորությունը իրենց բնակության վայրից 15 կմ և ավելի է) հաստատության 0.5 և ավելի դրույքով տարիֆիկացված մանկավարժական աշխատող, բացառությամբ միևնույն հաստատությունում վարչական կամ ուսումնաօժանդակ կազմում ընդգրկված աշխատողների, որոնք տվյալ հաստատությունում իրականացնում են նաև մանկավարժական աշխատանք,

2) հիմնական և միջնակարգ կրթության հիմքով ընդունված, վճարովի և անվճար հիմունքով, առկա ուսուցմամբ սովորող ուսանողներին, որոնք իրենց փաստացի բնակության վայրում հաստատության բացակայությամբ պայմանավորված կամ առկա հաստատությունում նախընտրած մասնագիտական կրթական ծրագրի մասնագիտության բացակայությամբ պայմանավորված ուսումնառում են այլ բնակավայրում գործող հաստատությունում, որի հեռավորությունն իրենց բնակության վայրից 5 կմ և ավելի է:

3. Սույն կարգի 2-րդ կետի 1-ին ենթակետով նախատեսված հեռավորության և դրույքաչափի սահմանափակումը չի տարածվում Հայաստանի Հանրապետության կառավարության որոշմամբ հաստատված սոցիալական աջակցություն ստացող սահմանամերձ համայնքների ցանկի բնակավայրերում գործող հաստատությունների մանկավարժական աշխատողների, Հայաստանի Հանրապետության կառավարության որոշմամբ հաստատված լեռնային և բարձրլեռնային բնակավայրերում բնակվող, ինչպես նաև տվյալ հաստատությունում դասավանդվող տվյալ առարկայի կամ մոդուլի գծով միակ մանկավարժական աշխատողը հանդիսացող մանկավարժական աշխատողների վրա։

4․ Այն հաստատությունները, որոնք ուսանողների կամ մանկավարժական աշխատողների ուղևորափոխադրման նպատակով իրենց հաշվեկշռում ունեն տրանսպորտային միջոցներ և Հայաստանի Հանրապետության պետական բյուջեից ստանում են վառելիքի կամ վարորդի աշխատավարձի փոխհատուցում, կամ Հայաստանի Հանրապետության պետական բյուջեից ստանում են այլ տրանսպորտային ծախսերի գծով ֆինանսական միջոցներ, սույն կարգի շրջանակներում փոխհատուցում ստանում են առկա տրանսպորտային միջոցների նստատեղերի և սույն կարգի շահառուների թվի տարբերության հաշվարկով։

5. Փոխհատուցման առավելագույն չափ է համարվում (հաշվարկված երկու ուղղությամբ` յուրաքանչյուր ներկա ստացած օրվա համար).

1) միայն միկրոավտոբուսային երթուղի լինելու դեպքում` միկրոավտոբուսային երթուղիների համար սահմանված փոխադրավարձը,

2) միկրոավտոբուսային և ավտոբուսային երթուղիներ լինելու դեպքում` ավտոբուսային երթուղիների համար սահմանված փոխադրավարձը,

3) միկրոավտոբուսային և ավտոբուսային երթուղիների բացակայության դեպքում՝ յուրաքանչյուր կմ-ի համար 25 ՀՀ դրամ։

6. Սույն կարգի 2-րդ կետով նախատեսված հեռավորության հաշվարկման համար հիմք է ընդունվում Հայաստանի Հանրապետության տարածքային կառավարման և ենթակառուցվածքների նախարարի հրամանով հաստատված վարչական տարածքների միավորների միջև հեռավորությունները, իսկ այդ հրամանում որոշ բնակավայրերի (վարչական տարածքների) միջև հեռավորության բացակայության դեպքում հաշվարկվում է այդ բնակավայրերի (վարչական տարածքների) փոստային բաժանմունքների միջև ընկած ճանապարհային հեռավորությունը։ Սույն կարգի 5-րդ կետում նշված միկրոավտոբուսային և ավտոբուսային երթուղիների համար սահմանված փոխադրավարձը հաշվարկվում է համաձայն Հայաստանի Հանրապետությունում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներ իրականացնող կազմակերպություններ և անհատ ձեռնարկատերեր ընտրելու մրցույթ անցկացնելու կարգին համապատասխան լիազոր մարմնի պաշտոնական կայքէջում մրցույթի արդյունքներով հրապարակված ներմարզային, միջմարզային և միասնական նոր երթուղային ցանցի փոխադրավարձերը։
7. Ամսական փոխհատուցման առավելագույն չափը յուրաքանչյուր մանկավարժական աշխատողի և ուսանողի համար չի կարող գերազանցել 20200 ՀՀ դրամը, իսկ երթևեկ օրերի թիվը՝

1) հնգօրյա շաբաթական ուսուցում կազմակերպվելու դեպքում՝ տարեկան 180-ը,

2) վեցօրյա շաբաթական ուսուցում կազմակերպվելու դեպքում՝ տարեկան 216-ը։

8. Հաստատությունը մինչև յուրաքանչյուր տարվա հունվար ամսվա երրորդ շաբաթվա առաջին աշխատանքային օրվա ավարտը կրթության կառավարման տեղեկատվական համակարգ (այսուհետև՝ ԿԿՏՀ) է մուտքագրում սույն կարգի շահառուների մասին անհրաժեշտ տեղեկատվությունը և հաստատում այն։ Հաստատության գործադիր մարմնի ղեկավարը պատասխանատու է էլեկտրոնային համակարգ մուտքագրված տվյալների իսկության և ամբողջականության համար:

9․ Սույն կարգի 8-րդ կետում նշված ժամկետի ավարտից հետո միջոցառման համար Հայաստանի Հանրապետության կրթության, գիտության, մշակույթի և սպորտի նախարարության (այսուհետև՝ նախարարություն) պատասխանատու ստորաբաժանումը հինգ աշխատանքային օրվա ընթացքում ուսումնասիրում է ԿԿՏՀ-ից ինքնաշխատ եղանակով ձևավորված տեղեկատվությունը (Ձև 1 և Ձև 2), այդ տեղեկատվությունում առկա ոչ ֆինանսական ցուցանիշները և դրանք ոչ արժանահավատ համարելու դեպքում մեկ աշխատանքային օրվա ընթացքում տեղեկացնում է հաստատությանը տեղեկատվության ճշգրտման կամ լրամշակման անհրաժեշտության մասին, իսկ արժանահավատ համարելու, ինչպես նաև  ոչ արժանահավատ համարված տեղեկատվությունը սույն կարգի 10-րդ կետով սահմանված կարգով լրամշակման կամ շտկման կամ պարզաբանման դեպքում ինքնաշխատ եղականով ձևավորում է ամփոփ տեղեկատվությունը (Ձև 3) և այն հատատելուց հետո փոխանցում է նախարարության ֆինանսաբյուջետային գործընթացն իրականացնող ստորաբաժանմանը:

10. Սույն կագի 9-րդ կետում նշված ոչ արժանահավատ համարված տեղեկատվությունը հաստատության կողմից ենթակա է լրամշակման կամ շտկման կամ պարզաբանման մեկ աշխատանքային օրվա ընթացքում։ Ընդ որում, նշված ժամկետի պահպանման պատասխանատվությունը կրում է հաստատության գործադիր մարմնի ղեկավարը։
11. Նախարարության ֆինանսաբյուջետային գործընթացն իրականացնող ստորաբաժանումն ուսումնասիրում է սույն կարգի 9-րդ կետում նշված տեղեկությունում առկա ֆինանսական ցուցանիշները և․

1) առարկություն չունենալու դեպքում նախապատրաստում և ստորագրման է ներկայացնում հաստատությունների հետ կնքվող պայմանագրերի նախագծերը։

2) առարկություններ ունենալու դեպքում վերադարձնում է շտկման։

12․ Հաստատությունների հետ կնքվող պայմանագրերում նախատեսվում են նաև դրույթներ, ըստ որոնց․

ա) ֆինանսավորումն իրականացվում է եռամսյա պարբերականությամբ, կանխավճարային սկզբունքով, իսկ մարումը՝ եռամսյակային հաշվետվությամբ ընդունված ծախսերի հաշվեգրման սկզբունքով՝ մնացորդը նվազեցնելով հաջորդ եռամսյակի ֆինանսավորումից, իսկ ֆինանսական տարվա ավարտից հետո՝ վերադարձնելով պետական բյուջե,

բ) հաստատությունների կողմից շահառուների փոխհատուցումն իրականացվում է բացառապես անկանխիկ եղանակով, ամսական պարբերականությամբ՝ ԿԿՏՀ-ից ինքնաշխատ եղանակով ձևավորված ամսական հաշվետվության հիման վրա։

գ) պայմանագրերի ֆինանսական և ոչ ֆինանսական ցուցանիշները ենթակա են շտկման սույն կարգի 8-ից 11-րդ կետերով սահմանված կարգով ամփոփված տեղեկատվության հիման վրա, որի համար հիմք է ընդունվում մինչև տվյալ տարվա սեպտեմբեր ամսվա երրորդ շաբաթվա առաջին աշխատանքային օրվա ավարտը ԿԿՏՀ-ից ինքնաշխատ եղանակով ձևավորված տեղեկատվությունը (Ձև 1 և Ձև 2)։

13. Յուրաքանչյուր եռամսյակի ավարտից հետ հինգ աշխատանքային օրվա ընթացքում միջոցառման համար նախարարության պատասխանատու ստորաբաժանումն ուսումնասիրում է ԿԿՏՀ-ից ինքնաշխատ եղանակով ձևավորված եռամսյակային հաշվետվությունը (Ձև 4 և Ձև 5), այդ հաշվետվություններում առկա ոչ ֆինանսական ցուցանիշները և դրանք ոչ արժանահավատ համարելու դեպքում մեկ աշխատանքային օրվա ընթացքում տեղեկացնում է հաստատությանը տեղեկատվության շտկման կամ լրամշակման անհրաժեշտության մասին, իսկ արժանահավատ համարելու, ինչպես նաև ոչ արժանահավատ համարված տեղեկատվությունը սույն կարգի 10-րդ կետով սահմանված կարգով լրամշակման կամ շտկման կամ պարզաբանման դեպքում ինքնաշխատ եղականով արտահանում է ամփոփ հաշվետվությունը (Ձև 6) և այն հատատելուց հետո փոխանցում է նախարարության ֆինանսաբյուջետային գործընթացն իրականացնող ստորաբաժանմանը:

14․ Սահմանել, որ.

ա) սույն որոշման շահառուներ հանդիսացող մանկավարժական աշխատողներին փոխհատուցում տրվում է միայն ուսումնական պլանով իրենց հատկացված դասաժամեր ունեցող օրերի համար՝ հաշվի առնելով հաճախումները,

բ) սույն որոշման շահառուներ հանդիսացող ուսանողներին փոխհատուցում տրվում է այն ուսումնառության օրերի համար, որոնց դասացուցակով նախատեսված դասաժամերին իրենց մասնակցությունը (ներկայությունը) կազմել է 50 տոկոսից ավելի,

գ) նախարարության կողմից իրականացված մոնիտորինգի արդյունքում  հաստատության կողմից ԿԿՏՀ մուտքագրված կամ նախարարություն ներկայացված ոչ արժանահավատ տեղեկատվության հայտնաբերման դեպքում հաստատության գործադիր մարմնի ղեկավարը ենթարկվում է կարգապահական տույժի, իսկ եթե ոչ արժանահավատ տեղեկատվության  մուտքագրումը կամ ներկայացնելն առաջացնում է ֆինանսական հետևանքեր՝ դրանք ենթակա են փոխհատուցման հաստատության գործադիր մարմնի ղեկավարի կողմից։

15․ Սույն կարգի 9-րդ և 12-րդ կետերում նշված Ձև 1-ը և Ձև 2-ը, ինչպես նաև սույն կարգի 13-րդ կետում նշված Ձև 4-ը և Ձև 5-ը մինչև 2026 թվականի սեպտեմբերի 1-ը լրացվում են հաստատության կողմից, հաստատվում են հաստատության գործադիր մարմնի ղեկավարի կողմից և սույն կարգի 9-րդ և 13-րդ կետերում նշված ժամկետներում ներկայացվում են Նախարարություն, իսկ սույն կարգի 9-րդ և 12-րդ կետերում նշված Ձև 3-ը և Ձև 6-ը մինչև 2026 թվականի սեպտեմբերի 1-ը կազմվում են նախարարության պատասխանատու ստորաբաժանման կողմից։

Ձև 4

Ձև 5