«Հայաստանի Հանրապետության կառավարության 2017 թվականի հունիսի 15-ի թիվ 686-Ա որոշման մեջ փոփոխություններ կատարելու մասին» ՀՀ կառավարության որոշման նախագիծ

Հիմնավորում

«Հայաստանի Հանրապետության կառավարության 2017 թվականի հունիսի 15-ի թիվ 686-Ա որոշման մեջ փոփոխություններ կատարելու մասին» ՀՀ կառավարության որոշման նախագծի վերաբերյալ

1. Իրավական ակտի անհրաժեշտությունը (նպատակը). Նախագծի նպատակը անշարժ գույքի հարկի համակարգի փոփոխություններով պայ­մա­­նա­վոր­ված՝ ՀՀ կառա­վա­րու­թյան 2017 թվականի հունիսի 15-ի թիվ 686-Ա որոշման մեջ համա­­պատաս­խան փոփո­խու­թյուն­ների կատարումն է:
2. Կարգավորման հարաբերությունների ներկա վիճակը և առկա խնդիրները. Մինչև անշարժ գույքի հարկի համակարգի փոփոխությունները ՀՀ հարկային օրենսգրքի 230-րդ հոդ­վածի 1-ին մասի 7-րդ կետի համաձայն՝ անշարժ գույքի հար­­կից ազատվում են Հայաս­տանի Հան­րա­պետության օրենսդրությամբ սահմանված պետա­­­կան սեփականություն համար­­­վող պատ­մամշակութային նշանակության հարկման օբյեկտ համարվող շինություն­ները` Կառա­վա­րու­թյան սահ­մանած ցանկին համա­պա­տաս­խան, ինչպես նաև կրոնական կազ­­մակեր­պու­թյուններին սեփա­կա­նության իրավունքով պատ­­կանող` մինչև 1991 թվականը կառուց­ված Հայաս­տանի Հան­րա­պե­տու­թյան օրենս­դրու­թյամբ սահ­մանված դասակարգ­մանը համա­պատաս­խան` կրոնական, պաշ­տա­­մուն­քային շինու­թյուն­ները։

ՀՀ կառավարության 2017 թվականի հունիսի 15-ի թիվ 686-Ա որոշ­մամբ սահմանվել է անշարժ գույքի հարկից ազատվող պետական սեփականություն համարվող պատ­մա­մշա­կու­թա­յին նշա­նակության հարկման օբյեկտ համարվող շինությունների և կրոնական կազմա­կեր­­պու­թյուն­նե­րին սեփականության իրավունքով պատկանող՝ մինչև 1991 թվականը կառուց­­­ված Հայաստանի Հան­րապետության օրենսդրությամբ սահմանված դասակարգ­մանը համապա­տաս­խան՝ կրո­նա­կան, պաշտամունքային շինությունների ցանկը:

Խնդիրն այն է, որ ՀՀ կառավարության 2017 թվականի հունիսի 15-ի թիվ 686-Ա որոշ­մամբ սահմանված է շինությունների ցանկ, մինչդեռ անշարժ գույքի հարկի համա­կարգի փոփոխությամբ գույքահարկի և հողի հարկի փոխարեն ներ­դրվել է անշարժ գույքի հարկը՝ հողի և դրա բարե­լա­վում­ների համար:

3. Առկա խնդիրների առաջարկվող լուծումները. Նախագծով առաջարկվում է սահ­­­մա­նել, որ ՀՀ կառավարության 2017 թվականի հունիսի 15-ի թիվ 686-Ա որոշ­մամբ խոսքը անշարժ գույքի հարկից ազատված անշարժ գույքի ցանկի մասին է:
4. Կարգավորման առարկան. Նախագծի կարգավորման առարկան ՀՀ կառավա­րու­թյան 2017 թվականի հունիսի 15-ի թիվ 686-Ա որոշման վերնագրում և երկրորդ պար­բե­րու­թյունում օգտա­գործված ձևակեր­պում­ներն են:
5. Նախագծի մշակման գործընթացում ներգրավված ինստիտուտները և անձինք. Նախա­գի­ծը մշակվել է ՀՀ ֆինանսների նախարարության կող­­մից:
6. Իրավական ակտի ընդունման արդյունքում ակնկալվող արդյունքը. Նախա­գծի ընդուն­­­­­­­­­­­­­­­­­­­­­­­­­­­ման արդ­յուն­­քում ակնկալվում է ՀՀ կառավարության 2017 թվականի հունիսի 15-ի թիվ 686-Ա որոշմամբ սահմանված կար­գա­վո­րումները համապատասխանեցնել անշարժ գույքի հարկի համակարգի փոփոխություններին:

Միաժամանակ, նախագծի ընդունումը լրացուցիչ ֆինանսական միջոցների անհրա­ժեշ­տու­թյուն չի պահանջում, իսկ դրա ընդուն­­մամբ պայմանավորված՝ պե­տա­­կան բյուջեի եկա­­մուտ­­­ների էական նվա­­զե­­ցում կամ ծախ­­­­սերի ավելա­ցում տեղի չի ունենա:

7. Կապը ռազմավարական փաստաթղթերի հետ. Հայաստանի վերափոխման ռազ­մա­վա­րություն 2050, Կառավարության 2021-2026թթ. ծրագիր, ոլորտային և/կամ այլ ռազ­­­մա­վա­րություններ.

Նախագիծը բխում է գույքային հարկերի համակարգը կատարելագործելու` Կառա­վա­րու­թյան սահմանված քաղաքականության ուղղություններից: Մյուս կողմից նախագծի ընդուն­ման անհրաժեշտությունը բխում է գույքային հարկերի համակարգը կատարելագործելուն ուղղ­ված՝ Կառավարության կողմից իրականացվող քաղաքականությունից: