«ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

«ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Պետական ոչ առևտրային կազմակերպությունների մասին» 2001 թվականի հոկտեմբերի 23-ի ՀՕ-248 օրենքի  (այսուհետ՝ Օրենք)  4-րդ հոդվածի 3-րդ մասում «մնացած գույքի» բառերից հետո լրացնել «, ինչպես նաև կրթական, գիտական, մշակութային և սպորտային ծրագրեր իրականացնող պետական կազմակերպության կողմից չօգտագործվող գույքը, փոխադարձ համաձայնությամբ, հիմնադրի որոշմամբ հաստատված կարգով» բառերը։

Հոդված 2. Օրենքի 13-րդ հոդվածում՝

1. 2-րդ մասի «ը» կետի «։» վերջակետ կետադրական նշանը փոխարինել «,» ստորակետ կետադրական նշանով։
2. 2-րդ մասը լրացնել նոր՝ «թ» կետով հետևյալ բովանդակությամբ.

«թ) կրթական, գիտական, մշակութային և սպորտային ծրագրեր իրականացնող պետական կազմակերպության կողմից չօգտագործվող գույքը հետ վերցնելու և սեփականության իրավունքով այլ պետական կազմակերպությանը փոխադարձ համաձայնությամբ տրամադրելու կարգի հաստատումը:»։

Հոդված 3. Օրենքի 14-րդ հոդվածում՝

1. 2-րդ մասի «ը» կետի «։» վերջակետ կետադրական նշանը փոխարինել «,» ստորակետ կետադրական նշանով։
2. 2-րդ մասը լրացնել նոր՝ «թ» կետով հետևյալ բովանդակությամբ.

«թ) իրականացնում է հիմնադրի կողմից հաստատած կարգով կրթական, գիտական, մշակութային և սպորտային ծրագրեր իրականացնող պետական կազմակերպության կողմից չօգտագործվող և հետ վերցվող գույքի և սեփականության իրավունքով այլ պետական կազմակերպությանը փոխադարձ համաձայնությամբ տրամադրվող գույքի ցանկերի հաստատումը:»։

   Հոդված 4. ԵԶՐԱՓԱԿԻՉ ՄԱՍ ԵՎ ԱՆՑՈՒՄԱՅԻՆ ԴՐՈՒՅԹՆԵՐ

1. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
2. Սույն օրենքի 2-րդ հոդվածի 2-րդ և 3-րդ հոդվածի 2-րդ մասերում նախատեսված ենթաօրենսդրական ակտերը ընդունվում են մինչև 2026 թվականի հուլիսի 1-ը։

Հանրապետության նախագահ                     Վ. Խաչատուրյան

Երևան 2025 թ.