Добавить в избранное

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ «ԶԻՆՎՈՐԱԿԱՆ ԾԱՌԱՅՈՒԹՅԱՆ ԵՎ ԶԻՆԾԱՌԱՅՈՂԻ ԿԱՐԳԱՎԻՃԱԿԻ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

ՀԻՄՆԱՎՈՐՈՒՄ

« ԶԻՆՎՈՐԱԿԱՆ ԾԱՌԱՅՈՒԹՅԱՆ ԵՎ ԶԻՆԾԱՌԱՅՈՂԻ ԿԱՐԳԱՎԻՃԱԿԻ ՄԱՍԻՆ ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ»

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ՆԱԽԱԳԾԻ ԸՆԴՈՒՆՄԱՆ

        

  1. Ընթացիկ իրավիճակը և նախագծի ընդունման անհրաժեշտությունը.

«Հայաստանի Հանրապետության զինվորական ծառայության և զինծառայողի կարգավիճակի մասին օրենքում լրացում կատարելու մասին» Հայաստանի Հանրապետության օրենքի նախագծի (այսուհետ՝ Նախագիծ) մշակումը պայմանավորված է Հայաստանի Հանրապետությունում քաղաքացիական ավիացիայի զարգացման և որակավորված ռեսուրսների համալրման նպատակով:

 

  1. Ընթացիկ իրավիճակը և խնդիրները, կարգավորման նպատակը և բնույթը

Շուրջ 20-25 հայազգի օդաչուներ, որոնք արտերկրում սովորել և ստացել են քաղաքացիական օդաչուի որակավորում, ինչպես նաև ապրում և աշխատում են ՀՀ տարածքից դուրս: Նրանք ՀՀ-ից դուրս հայտնվել են ուսման նպատակով, քանի որ ՀՀ-ում բացակայում է օդաչուների պատրաստման համապատասխան բարձրագույն հաստատություններ: Ստանալով քաղաքացիական օդաչուի որակավորում՝ վերոգրյալ օդաչուները ստացել են աշխատանքի առաջարկներ և ներկայումս աշխատում են արտասահմանյան ավիաընկերություններում։ Որակավորված օդաչուի մասնագիտությունը ամբողջ աշխարհում ունի մշտական պահանջարկ և ունենալով համապատասխան կրթություն որակավորված օդաչուները գրեթե չունեն խնդիրներ աշխատանք գտնելու հարցում։ Վերոգրյալ հայազգի օդաչուները (որոնց մեջ կան օդանավի հրամանատարներ) շահագործում են հիմնականում Այրբաս և Բոինգ տեսակի օդանավեր։

Ներկայումս Հայաստանում առկա է միջազգային չվերթեր իրականացնող վեց գործող ավիաընկերություններ, որոնք շահագործում են նույն տեսակի օդանավերը և օդաչուական անձնակազմի պակասի պատճառով ստիպված են լինում վարձակալել օտարերկրյա օդաչուական անձնակազմ:

Նախագծի ընդունումը կապահովի հայազգի օդաչուների վերադարձը հայրենիք, ինչպես նաև կկարգավորի հայկական ավիաընկերությունների օդաչուական անձնակազմերի պահանջարկի խնդիրները։ Պատք է հաշվի առնել նաև այն հանգամանքը, որ նշված հայազգի օդաչուները ներկայումս աշխատում են բավականին հայտնի ավիաընկերություններում և դրա շնորհիվ ստացել են բարձր մակարդակի որակավորում։

 Նախագծի ընդունմամբ կխթանվեն հայկական ավիացիայի բարձորակ մասնագետներով համալրման և ավիացիայի ոլորտի ընդհանուր զարգացման հարցերը։

 

  1. Նախագծերի մշակման գործընթացում ներգրավված ինստիտուտները և անձինք

Նախագիծը մշակվել է Տարածքային կառավարման և ենթակառուցվածքների նախարարության կողմից:

 

  1. 4. Նախագծի ընդունման կապակցությամբ լրացուցիչ ֆինանսական միջոցների անհրաժեշտությունը և պետական բյուջեում ծախսերի և եկամուտների էական ավելացման կամ նվազեցման մասին

Նախագծի ընդունումը ազդեցություն չի ունենա պետական բյուջեի ծախսերի և եկամուտների նկատմամբ:

 

  1. 5. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, Հայաստանի Հանրապետության հակակոռուպցիոն ռազմավարության և դրա իրականացման 2019-2022 թվականների միջոցառումների ծրագիր.

         Կապը ռազմավարական փաստաթղթերի հետ բացակայում է։

  • Обсуждалось

    04.04.2024 - 20.04.2024

  • Тип

    Закон

  • Область

    Авиация

  • Министерство

    Министерство территориального управления и инфраструктур

Отправить письмо автору проекта

Ваше предложение будет опубликовано на сайте в течение 10 рабочих дней

Отмена

Просмотры 2580

Принт

Предложения

Արմեն Բերբերյան

11.04.2024

Քաղաքացիական ավիացիայի օդաչուները, կրելով ուսադիրներ և ունենալով հատուկ մասնագիտական պատրաստվածություն, իրենց ամբողջ գործունեության ընթացքում ըստ էության գտնվում են ծառայության մեջ, իսկ արտառոց դեպքերում կատարում են նաև հատուկ նշանակության թռիչքներ ինչպես ՀՀ-ում, այնպես էլ ամբողջ աշխարհում։ Ընդ որում, հայրենիքի համար ծանր պահերին ոչ մի օտարերկրյա օդաչու չի կատարելու «հատուկ» բեռներ տեղափոխելու վտանգավոր առաջադրանքներ ի տարբերություն հայ օդաչուների, որոնք հարկ եղած պահին կապահովեն միակ հուսալի պորտալարի գործածումն, որը դժվար պահին Հայաստանը կկապի արտաքին աշխարհի հետ: Հարկ է նշել նաև, որ քաղաքացիական օդաչուի մասնագիտական պատրաստման համար անհրաժեշտ է դեռ գտնել խիստ պահանջներին համապատասխանող երիտասարդներ և ծախսել շուրջ մեկ միլիոն դոլարին համապատասխան գումար: Այս իմաստով օգտագործել կայացած օդաչուների ներուժը ցանկացած այլ բնագավառում մեր պայմաններում անընդուների շռայլություն է, քանի որ անգամ մեկ տարի անընդմեջ զրկված լինելով թռիչքներից, օդաչուն կորցնում է իր մասնագիտական հմտությունները, որոնց վերականգնման համար նորից անհրաժեշտ է երկար ժամանակ և մեծ ծախսեր: Համարում եմ քննարկմանը դրված այս նախագիծը խիստ անհրաժեշտ և անգամ ուշացած, միանշանակ ողջունում եմ մեր կառավարության նախաձեռնությունը այս նախագծի տեսքով և հորդորում եմ բոլորին սատարել այս օրինագծի ընդունումը՝ ի բարօրություն մեր հայրենիքի և Հայաստանի արտաքին վտանգներին դիմակայելու ունակության ամրապնդմանը:

Անահիտ Ղազարյան

09.04.2024

ՀՀ ավիացիայի զարգացումը կապահովվի մեր արտերկրում ուսանած օդաչուների շնորհիվ

Անահիտ Ղազարյան

09.04.2024

Կողմ եմ ցանկացած հնարավորություն օգտագործել մասնագիտացած երիտասարդների համար ՀՀ վերադարձի եւ ի նպաստ Հայրենիքի աշխատելու համար

Узнать больше