«Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին» ՀՀ օրենքի նախագիծ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՕՐԵՆՔԸ

ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՎԵՐԱԲԵՐՅԱԼ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ

ԿԱՏԱՐԵԼՈՒ ՄԱՍԻՆ

 Հոդված 1. 1985 թվականի դեկտեմբերի 6-ի Վարչական իրավախախտումների վերաբերյալ Հայաստանի Հանրապետության օրենսգրքի (այսուհետ՝ Օրենսգիրք) 170⁷-րդ հոդվածը շարադրել հետևյալ խմբագրությամբ․

Սահմանված կարգով ձեռք բերված կամ օգտագործված ակցիզային դրոշմանիշերը և (կամ) դրոշմապիտակները և (կամ) հսկիչ (նույնականացման) նշաններն օտարելը, եթե դրանց քանակը չի գերազանցում հիսուն հատը`

առաջացնում է տուգանքի նշանակում` օտարված յուրաքանչյուր  դրոշմանիշի և (կամ) դրոշմապիտակի և (կամ) հսկիչ (նույնականացման) նշանի համար` սահմանված նվազագույն աշխատավարձի քսանապատիկի չափով:

Սահմանված կարգով ձեռք բերված կամ օգտագործված ակցիզային դրոշմանիշերը և (կամ) դրոշմապիտակները և (կամ) հսկիչ (նույնականացման) նշանները օտարելը, եթե դրանց քանակը գերազանցում է հիսուն հատը`

առաջացնում է տուգանքի նշանակում` օտարված յուրաքանչյուր  դրոշմանիշի և (կամ) դրոշմապիտակի և (կամ) հսկիչ (նույնականացման) նշանի համար` սահմանված նվազագույն աշխատավարձի երեսնապատիկի չափով:Ապօրինի ձեռք բերված ակցիզային դրոշմանիշերով և (կամ)  դրոշմապիտակներով և (կամ) հսկիչ (նույնականացման) նշանների ապրանքներ դրոշմավորելը, եթե դրանց ընդհանուր արժեքը վաճառողի մոտ նշված (իսկ չնշված լինելու դեպքում` օրենսդրությամբ սահմանված կարգով որոշված) գներով չի գերազանցում հիսուն հազար դրամը`

առաջացնում է տուգանքի նշանակում` սահմանված նվազագույն աշխատավարձի վեցհարյուրապատիկի չափով:

Ապօրինի ձեռք բերված ակցիզային դրոշմանիշերով և (կամ)  դրոշմապիտակներով և (կամ) հսկիչ (նույնականացման) նշաններով ապրանքներ դրոշմավորելը, եթե դրանց ընդհանուր արժեքը վաճառողի մոտ նշված (իսկ չնշված լինելու դեպքում` օրենսդրությամբ սահմանված կարգով որոշված) գներով գերազանցում է հիսուն հազար դրամը`

առաջացնում է տուգանքի նշանակում` սահմանված նվազագույն աշխատավարձի իննհարյուրապատիկի չափով:»։

Հոդված 2. Օրենսգրքի 170.8-րդ հոդվածն ուժը կորցրած ճանաչել։

Հոդված 3. Օրենսգրքի 244.2-րդ հոդվածի 1-ին մասից հանել «170⁸,» թիվը:

Հոդված 4. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը: