ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ՄԱՐՏԻ 19-Ի N596-Ն ԵՎ 2023 ԹՎԱԿԱՆԻ ՀՈԿՏԵՄԲԵՐԻ 12-Ի N1737-Ն ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ, ԻՆՉՊԵՍ ՆԱԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ՆՈՅԵՄԲԵՐԻ 23-Ի N2024-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՈՒՄՆԵՐԻ ՆԱԽԱԳԻԾ

ՀԻՄՆԱՎՈՐՈՒՄ

«Հայաստանի Հանրապետության կառավարության 2015 թվականի մարտի 19-ի N596-Ն և 2023 թվականի հոկտեմբերի 12-ի N1737-Ն որոշումներում փոփոխություններ կատարելու, ինչպես նաև Հայաստանի Հանրապետության կառավարության 2023 թվականի նոյեմբերի 23-ի N2024-Ն որոշման մեջ փոփոխություն և լրացում կատարելու մասին» ՀՀ կառավարության որոշումների նախագծերի ընդունման

1. Կարգավորման ենթակա ոլորտի կամ խնդրի սահմանումը

«Հայաստանի Հանրապետության կառավարության 2015 թվականի մարտի 19-ի N596-Ն և 2023 թվականի հոկտեմբերի 12-ի N1737-Ն որոշումներում փոփոխություններ կատարելու, ինչպես նաև Հայաստանի Հանրապետության կառավարության 2023 թվականի նոյեմբերի 23-ի N2024-Ն որոշման մեջ փոփոխություն և լրացում կատարելու մասին» ՀՀ կառավարության որոշումների նախագծերի ընդունման անհրաժեշտությունը բխում է գործող իրավական ակտերը վերանայված օրենսդրությանը համապատասխանեցնելու անհրաժեշտությունից:

2. Առկա իրավիճակը

ՀՀ կառավարության 2015 թվականի մարտի 19-ի N274-Ն որոշմամբ հաստատվել է շենքերի ու շինությունների տեխնիկական վիճակի հետազննության և անձնագրավորման կարգը:

Այնուհետև, նշված որոշմանը հղում է կատարվել ՀՀ կառավարության 2015 թվականի մարտի 19-ի N596-Ն, 2023 թվականի հոկտեմբերի 12-ի N1737-Ն և 2023 թվականի նոյեմբերի 23-ի N2024-Ն որոշումների մեջ:

Սակայն՝

- ՀՀ կառավարության 2025 թվականի դեկտեմբերի 4-ի N1745-Ն որոշմամբ հաստատվել է շենքերի և շինությունների տեխնիկական վիճակի հետազննության նոր կարգը,

- ՀՀ կառավարության 2026 թվականի հունվարի 15-ի N59-Ն որոշմամբ հաստատվել է շենքերի և շինությունների անձնագրավորման կարգը, ինչպես նաև նույն որոշման 2-րդ կետով ուժը կորցրած է ճանաչվել ՀՀ կառավարության 2015 թվականի մարտի 19-ի N274-Ն որոշումը:

Ուստի անհրաժեշտություն է առաջանում վերանայել ՀՀ կառավարության 2015 թվականի մարտի 19-ի N596-Ն, 2023 թվականի հոկտեմբերի 12-ի N1737-Ն և 2023 թվականի նոյեմբերի 23-ի N2024-Ն որոշումների մեջ կատարված հղումները և ՀՀ կառավարության 2015 թվականի մարտի 19-ի N274-Ն որոշման փոխարեն հղում կատարել ՀՀ կառավարության 2025 թվականի դեկտեմբերի 4-ի N1745-Ն որոշմանը:

Միևնուն ժամանակ, ՀՀ կառավարության 2023 թվականի հոկտեմբերի 12-ի N1737-Ն որոշման մեջ, բացի ՀՀ կառավարության 2025 թվականի դեկտեմբերի 4-ի N1745-Ն որոշումից, առաջարկվում է լրացուցիչ հղում կատարել նաև ՀՀ կառավարության 2023 թվականի նոյեմբերի 23-ի N2024-Ն որոշմանը, որով սահմանվել է բնակարանային ֆոնդի տեխնիկական վիճակի հետազննությունների անցկացման և հետազննության արդյունքում տրված եզրակացությունների վարման կարգը:

3. Կարգավորման նպատակները, ակնկալվող արդյունքը

Նախագծով ակնկալվում է վերանայել ՀՀ կառավարության ՀՀ կառավարության 2015 թվականի մարտի 19-ի N596-Ն, 2023 թվականի հոկտեմբերի 12-ի N1737-Ն և 2023 թվականի նոյեմբերի 23-ի N2024-Ն որոշումների մեջ կատարված՝ արդեն ուժը կորցրած իրավական ակտին կատարված հղումները և հղում կատարել գործող իրավական ակտին:

4. Իրավական ակտի նախագիծը մշակող պատասխանատու մարմինը, ինչպես նաև, անհրաժեշտության դեպքում, նախաձեռնողի, հեղինակների և մշակմանը մասնակցող անձանց մասին տեղեկություններ

Նախագիծը մշակվել է ՀՀ քաղաքաշինության կոմիտեի կողմից:

 5. Իրավական ակտի՝ նորմատիվ բնույթի հիմնավորվածությունը

Իրավական ակտի նորմատիվ բնույթը հիմնավորվում է «Նորմատիվ իրավական ակտերի մասին» օրենքի 34-րդ հոդվածի 1-ին մասի 1-ին ենթակետի դրույթներով:

6. Ներկայացվող հարցի կապակցությամբ լրացուցիչ ֆինանսական միջոցների պահանջի անհրաժեշտությունը, ինչպես նաև Հայաստանի Հանրապետության պետական բյուջեի եկամուտներում և ծախսերում սպասվելիք փոփոխությունների մասին

ՀՀ պետական բյուջեի եկամուտներում և ծախսերում փոփոխություններ չեն սպասվում:

7. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ

Նախագիծը ուղղակիորեն չի բխում ռազմավարական փաստաթղթերից: