«Հայաստանի Հանրապետության ներքին գործերի նախարարի 2024 թվականի փետրվարի 29-ի թիվ 3-Ն հրամանում փոփոխություններ և լրացումներ կատարելու մասին« ՀՀ ներքին գործերի նախարարի հրամանի նախագիծ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԵՐՔԻՆ ԳՈՐԾԵՐԻ ՆԱԽԱՐԱՐ

№ _____ -Ն

                          Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐՔԻՆ ԳՈՐԾԵՐԻ ՆԱԽԱՐԱՐԻ 2024 ԹՎԱԿԱՆԻ ՓԵՏՐՎԱՐԻ 29-Ի ԹԻՎ 3-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ  հոդվածները՝

ՀՐԱՄԱՅՈՒՄ ԵՄ`

1. Հայաստանի Հանրապետության ներքին գործերի նախարարի 2024 թվականի փետրվարի 29-ի «Հայաստանի Հանրապետության ներքին գործերի նախարարության կարգապահական հանձնաժողովի կազմը և գործունեության կարգը սահմանելու մասին» թիվ 3-Ն հրամանի (այսուհետ՝ Հրաման) նախաբանը շարադրել հետևյալ խմբագրությամբ.

«Ղեկավարվելով «Ոստիկանության բարեվարքության և կարգապահական կանոնագիրք» օրենքի 44-րդ հոդվածի 7-րդ մասով և «Փրկարարական ծառայության կանոնագիրքը հաստատելու մասին» օրենքի 85.34-րդ հոդվածի 7-րդ մասով՝»։

2. Հրամանով սահմանված N 2 հավելվածի՝

1) 2-րդ կետում «ոստիկանության» բառից հետո լրացնել «և փրկարարական» բառերը, իսկ «որոշումը» բառից հետո լրացնել «, ինչպես նաև իրավասու ստորաբաժանման ծառայողների նկատմամբ ծառայողական քննությունների իրականացումը և դրա արդյունքներով կազմված եզրակացության ներկայացումը» բառերը։

2) ամբողջ տեքստում «ոստիկանության» բառից հետո լրացնել «և (կամ) փրկարարական» բառերը։

3) 55-րդ կետը լրացնել 5-րդ ենթակետով՝ հետևյալ բովանդակությամբ․

«5) հետաձգել ծառայողական քննության նյութերի և դրա արդյունքներով կազմված եզրակացության քննարկումը, եթե անհրաժեշտ է՝

ա. ձեռք բերել լրացուցիչ փաստական տվյալներ,

բ. հետազոտել կարգապահական խախտում կատարելու մեջ կասկածվող ոստիկանության և (կամ) փրկարարական ծառայողի կողմից ներկայացրած լրացուցիչ փաստական տվյալները,

գ. լսել այլ անձանց կամ ծառայողական քննության մասնակիցներին։»։

4) 59-րդ կետը շարադրել հետևյալ խմբագրությամբ.

«59. Հանձնաժողովի կողմից կայացվող որոշումները հրապարակվում են լիազոր մարմնի պաշտոնական կայքէջում:»։

3. Սույն հրամանն ուժի մեջ է մտնում պաշտոնական հրապարակմանը հաջորդող  օրվանից։

Ա. ՍԱՐԳՍՅԱՆ