«Համայնքային ծառայողների գրանցամատյանի վարման կարգը հաստատելու մասին» հրաման

Հ Ի Մ Ն Ա Վ Ո Ր ՈՒ Մ

 «Համայնքային ծառայողների գրանցամատյանի վարման կարգը հաստատելու մասին» հրամանի նախագծի ընդունման

 Ընթացիկ իրավիճակը, իրավական ակտի ընդունման անհրաժեշտությունը

Ներկայումս համայնքային ծառայողների էլեկտրոնային գրանցամատյանի միասնական  ծրագիր չի գործում, որի արդյունքում հնարավոր չէ ստեղծել համայնքային ծառայողների ծառայողական գործունեության ընթացքի վերաբերյալ միասնական տեղեկատվական բազա։

Նոր էլեկտրոնային գրանցամատյանի մշակման և ներդրման արդյունքում Լիազոր մարմնի կողմից հնարավորություն կստեղծվի տեղում իրականացնել կադրային գործի նկատմամբ վերահսկողություն։

Գրանցամատյանի տեղեկությունները հիմք կհանդիսանան, վերլուծությունների իրականացման և վիճակագրության վարման համար:

Սույն կարգով ընդլայնվել է գրանցամատյան մուտքագրվող տեղեկությունների ցանկը, ինչպես նաև սահմանվել է վիճակագրական տեղեկությունների ցանկը, որոնք կկիրառվել վիճակագրությության վարման ընթացքում։ 

Սույն կարգով կկարգավորվեն համայնքային ծառայողների գրանցամատյանը վարելու ընթացակարգային առանձնահատկությունները:

4. Գրանցամատյանում տեղեկատվությունը մուտքագրվում և թարմացվում է ՀՀ մարզերի համայնքների և Երևանի քաղաքապետարանի կողմից:
5. Գրանցամատյանի վարման մեթոդական ղեկավարումն ու վերահսկողությունն իրականացնում է Հայաստանի Հանրապետության կառավարության լիազորած պետական կառավարման մարմինը:

2․ Ակնկալվող արդյունքը․

Կարգավորման արդյունքում ակնկալվում է՝

• Ստեղծել համայնքային ծառայողների ծառայողական գործունեության ընթացքի վերաբերյալ միասնական տեղեկատվական բազա։
• Համայնքային ծառայության բնագավառում իրականացնել վերլուծություններ և վիճակագրության վարում՝ հիմք ընդունելով գրանցամատյանի տեղեկատվությունը:

3․ Նախագծի մշակման գործընթացում ներգրավված ինստիտուտները և անձինք

Նախագիծը մշակվել է ՀՀ տարածքային կառավարման և ենթակառուցվածքների նախարարության կողմից:

4․ Տեղեկատվություն լրացուցիչ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին

 Նախագծի ընդունումը լրացուցիչ ֆինանսական միջոցների անհրաժեշտություն չի առաջացնի, միաժամանակ չի բերի պետական և համայնքային բյուջեի եկամուտների և ծախսերի փոփոխության:

5․ Նախագծի ընդունման առնչությամբ ընդունվելիք այլ իրավական ակտերի կամ դրանց ընդունման անհրաժեշտության բացակայության մասին

Նախագծի ընդունմամբ այլ իրավական ակտերում փոփոխություններ և/կամ լրացումներ կատարելու անհրաժեշտություն չկա:

6․ Կապը ռազմավարական փաստաթղթերի հետ․

Նախագծի ընդունումը բխում է ՀՀ կառավարության 2021 թվականի նոյեմբերի 18-ի «Հայաստանի Հանրապետության կառավարության 2021-2026 թվականների գործունեության միջոցառումների ծրագիրը հաստատելու մասին» N 1902-Լ որոշման hավելված N 1-ի «Տարածքային կառավարման և ենթակառուցվածքների նախարարություն» բաժնի 1.2 կետի կատարման անհրաժեշտությունից, այն է՝ «Համայնքային ծառայության համակարգի ինստիտուցիոնալ և օրենսդրական բարեփոխումների իրականացում»։