Նախագծի մշակման հիմնական նպատակը համայնքային ծառայության մրցույթների գործընթացների մասնագիտական մակարդակի բարձրացումն է՝ ապահովելով հավասար մրցակցային պայմաններ, կանխարգելելով սուբյեկտիվ մոտեցումներն ու ուժեղացնելով տեղական ինքնակառավարման համակարգում արհեսատավարժության և վստահության մակարդակը։ Թեստերի կառուցվածքային և բովանդակային միասնականացումը խթանում է գնահատման գործընթացի թափանցիկությունը, օբյեկտիվությունը և վերահսկելիությունը։
Քննարկվել է
21.08.2025 - 05.09.2025
Տեսակ
Հրաման
Ոլորտ
Տարածքային կառավարման և զարգացման
Գերատեսչություն
Տարածքային կառավարման և ենթակառուցվածքների նախարարություն
Դիտումներ` 1134
Տպել28.08.2025
Նյութում նշված է, որ հարցաշարերը թարմացվում են առնվազն երկու տարին մեկ անգամ կամ օրենսդրական փոփոխությունների դեպքում։Առաջարկում եմ, որ հարցաշարերը կազմող և լրամշակող մասնագետների ցանկը և նրանց ընտրության չափանիշները հրապարակվեն։ Սա կապահովի գործընթացի առավելագույն թափանցիկություն և կբարձրացնի թեստերի հանդեպ վստահությունը։
28.08.2025
Առաջարկում եմ նաև սահմանել կոնկրետ ժամկետներ, որպեսզի հանրությունը տեղեկացված լինի՝ երբ են հարցաշարերը վերջին անգամ թարմացվել և երբ է սպասվում հաջորդ թարմացումը։ Սա կբարձրացնի թափանցիկությունը։ Մանրամասնել նաև , թե ինչպես է գնահատվելու յուրաքանչյուր խմբի հարցերի պատասխանը (օրինակ՝ միավորային սանդղակ)։ Այս տեղեկությունը մասնակիցներին կօգնի հասկանալ, թե որքան կարևոր է յուրաքանչյուր բաժինը թեստի վերջնական գնահատականի համար։
