Բարի գալուստ կայքի թարմացված տարբերակ
    Հիշել նախագիծը

    ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՕԳՈՍՏՈՍԻ 11-Ի N 1233-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

    ՀԻՄՆԱՎՈՐՈՒՄ

    «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՕԳՈՍՏՈՍԻ 11-Ի N 1233-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ

     

    1. Իրավական ակտի ընդունման անհրաժեշտությունը, ընթացիկ իրավիճակը

    ՀՀ կառավարության 2011թ. օգոստոսի 11-ի N 1233-Ն որոշմամբ (այսուհետ՝ Որոշում) հաստատվում է ՀՀ հանրային հատվածի ներքին աուդիտի մասնագիտական գործունեության ստանդարտները և ներքին աուդիտորների վարքագծի կանոնները, որոնք հիմնված էին տվյալ ժամանակաշրջանում գործող՝ միջազգային չափանիշներին: Սակայն վերջին տարիներին Ներքին աուդիտի ինստիտուտի («The Institute of Internal Auditors, IIA»)  կողմից իրականացվել է որոշ փոփոխություններ, մասնավորապես՝ 2025թ. հունվարի 9-ին ուժի մեջ է մտել ներքին աուդիտի միջազգային նոր ստանդարտներ. վերանայվել է ստանդարտների կառուցվածքը, կիրառելիությունը և արդիականությունը՝ միջազգային զարգացումների, փորձի և պահանջների համատեքստում։

    Ստեղծված իրավիճակում գործող Որոշումը այլևս չի արտացոլում միջազգային պրակտիկայում ընդունված ժամանակակից պահանջները ներքին աուդիտի նկատմամբ և անհրաժեշտություն է առաջանում փոփոխել Որոշմամբ սահմանված ՀՀ հանրային հատվածի ներքին աուդիտի մասնագիտական գործունեության ստանդարտները և ներքին աուդիտորների վարքագծի կանոնները՝ ապահովելով դրանց համապատասխանությունը ներքին աուդիտի միջազգային ստանդարտներին։

     

    1. Առաջարկվող կարգավորման նպատակը և բնույթը

    Առաջարկվող կարգավորման նպատակն է ապահովել ՀՀ-ում ներքին աուդիտի համակարգի շարունակական զարգացում ու միջազգային լավագույն փորձի ներդրում:

     

    1. Ակնկալվող արդյունքը

    Նախագծի ընդունման արդյունքում կապահովվի ՀՀ հանրային հատվածի ներքին աուդիտի գործառույթի իրականացում՝ միջազգային նոր չափանիշներին համահունչ, ինչը կնպաստի ՀՀ-ում ներքին աուդիտի համակարգի արդիականացմանը և մասնագիտական գործունեության որակի բարձրացմանը պետական կառավարման մարմիններում և պետական հատվածի կազմակերպություններում։

     

    1. Կապը ռազմավարական փաստաթղթերի հետ

    Նախագծի ընդունումը բխում է ՀՀ կառավարության «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021-2026 ԹՎԱԿԱՆՆԵՐԻ ԳՈՐԾՈՒՆԵՈՒԹՅԱՆ ՄԻՋՈՑԱՌՈՒՄՆԵՐԻ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ» 2021թ. նոյեմբերի 18-ի N 1902-Լ որոշման Հավելված N 1–ի «Ֆինանսների նախարարություն» բաժնի 14-րդ կետից:

     

    1. Ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխության մասին

    Նախագծի ընդունումը  պետական բյուջեի եկամուտներում և ծախսերում փոփոխություններ չի առաջացնում։

    • Քննարկվել է

      12.05.2025 - 27.05.2025

    • Տեսակ

      Որոշում

    • Ոլորտ

      Ֆինանսական

    Ուղարկել առաջարկ էլեկտրոնային փոստով

    Ձեր ուղարկած առաջարկը կտեղադրվի կայքում 10 աշխ. օրվա ընթացքում

    Չեղարկել

    Դիտումներ` 1499

    Տպել

    Առաջարկներ`

    Ara Chalabyan

    23.05.2025

    Տիրույթ I-ում բացակայում է Ներքին աուդիտի նպատակի ձևակերպումը, որը ստանդարտների հիմքն է։ Առաջարկում եմ ավելացնել։ Ներքին աուդիտը խորհրդին և ղեկավարությանը տրամադրելով անկախ, ռիսկերի վրա հիմնված և անաչառ հավաստիացում, խորհուրդ, ներըմբռնում և կանխատեսություն, ուժեղացնում է կազմակերպության կարողությունը՝ ստեղծելու, պաշտպանելու և պահպանելու արժեքներ:

    Տեսնել ավելին
    Եվրոպական Միություն
    Այս կայքը ստեղծվել և թարմացվել է Եվրոպական միության ֆինանսական աջակցությամբ: Կայքի բովանդակության համար պատասխանատվություն են կրում հեղինակները, և պարտադիր չէ, որ այն արտահայտի Եվրոպական միության, ՄԱԿ-ի Զարգացման ծրագրի, ՄԱԿ-ի բնակչության հիմնադրամի, ՅՈՒՆԻՍԵՖ-ի և ԵԱՀԿ-ի տեսակետները: