«Հայաստանի Հանրապետության կառավարության 2017 թվականի հուլիսի 6-ի N 772-Ն որոշման մեջ փոփոխություն կատարելու մասին» ՀՀ կառավարության որոշման նախագիծ

Առաջարկում եմ՝ Չափանիշներ բաժնի 2.1. թ. ենթակետը՝ <<Սոցիոլոգիական և այլ հարցումների անցկացումը, դրանց արդյունքների ամփոփումը և առաջարկությունների մշակումը, գործող օրենսդրության ու վիճակագրական տվյալների վերլուծությունը>>, հանել, կամ փոփոխել այն կերպ, որ գիտական հետազոտություններ և փորձարարական մշակումների աշխատանքներում չեն ներառվում դրանք այն դեպքում, երբ կառավարության համար դրանք հիմք կծառայեն ռազմավարական որոշումներ կայացնելու համար:

Առաջարկում եմ՝ Չափանիշներ բաժնի 2.1.ա ենթակետի ձևակերպումը՝ <<Կրթությունը և կադրերի պատրաստումը (վերապատրաստումը)>> փոփոխել և շարադրել հետևյալ կերպ՝ <<Կրթությունը և կադրերի պատրաստումը (վերապատրաստումը)՝ բացառությամբ այն դեպքերի, երբ այն հանդիսանում է գիտահետազոտական գործընթացի բաղկացուցիչ մաս>>