«Հայաստանի Հանրապետության կառավարության 2025 թվականի փետրվարի 6-ի N125-Ն որոշման մեջ փոփոխություններ կատարելու մասին» ՀՀ կառավարության որոշման նախագիծ

Հայաստանի Հանրապետության կառավարության 2025 թվականի փետրվարի 6-ի N125-Ն որոշման N1 հավելվածով հաստատված են Հայաստանի Հանրապետությունում նույնականացման միջոցներով դրոշմավորման ենթակա մի շարք ապրանքների ցանկը և դրոշմավորման ներդրման ժամկետները։ Ըստ հավելվածով հաստատված ժամկետների՝ դրոշմավորման ենթակա առաջին խումբ ապրանքների համար սույն թվականի մարտի 1-ից դրոշմավորումն արդեն իսկ իրականացվում նույնականացման միջոցներով։ Հաջորդ խումբ ապրանքների դեպքում ժամկետները հաստատված են, համապատասխանաբար՝ 2025 թվականի հունիսի 1, սեպտեմբերի 1 և 2026 թվականի հունվարի 1։

Հաշվի առնելով դրոշմավորման նոր համակարգի ներդրման հետ կապված աշխատանքների ծավալը և տնտեսվարողների կողմից բիզնես գործընթացների համապատասխանեցման համար անհրաժեշտ ռեսուրսներն ու ժամկետները՝ նախագծով առաջարկվում է դրոշմավորման ենթակա այն ապրանքների համար, որոնց դեպքում սահմանված էր 2025 թվականի մարտի 1-ից տարբերվող ժամկետ, նույնականացման միջոցներով դրոշմավորումը նախատեսել 2026 թվականի հունվարի 1-ից։