Բարի գալուստ կայքի թարմացված տարբերակ
    Հիշել նախագիծը

    «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴՐՈՇԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ ՀՀ ՕՐԵՆՔԻ ՆԱԽԱԳԻԾ

    ՀԻՄՆԱՎՈՐՈՒՄ

    ««ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴՐՈՇԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ

     ԿԱՏԱՐԵԼՈՒ ՄԱՍԻՆ»

    ՀՀ ՕՐԵՆՔԻ ԸՆԴՈՒՆՄԱՆ

     

    1. Ընթացիկ իրավիճակը և նախագծի ընդունման անհրաժեշտությունը.

            ««Հայաստանի Հանրապետության դրոշի մասին» Հայաստանի Հանրապետության օրենքում փոփոխություններ կատարելու մասին» ՀՀ օրենքի նախագծում (այսուհետ՝ Նախագիծ) առաջարկվող փոփոխությունները հիմնականում կրում են տեխնիկական բնույթ:

    Մասնավորապես, հստակեցվում են փակ և բացօթյա տարածքներում  տեղադրված ՀՀ դրոշի և դրոշաձողի օպտիմալ չափսերը:

    Օրենքի 1-ին հոդվածում խմբագրության առաջարկը՝ հանել «Սույն մասով նախատեսված` Հայաստանի Հանրապետության դրոշի լայնության և երկարության հարաբերության չափերի պահպանմամբ կարող է օգտագործվել նաև փոքր կամ մեծ չափի դրոշ» նախադասությունը,  պայմանավորված է այն հանգամանքով, որ 7-րդ հոդվածում առաջարկվում է ավելացնել կետ դրոշի հստակ չափսերի մասին։

    Հարկ է նշել, որ առաջարկվող փոփոխություններով օրենքը չի սահմանափակում 1։2-ի հարաբերակցության պահպանմամբ փակ և բաց տարածքներում համապատասխանաբար 1մ։2մ և 2մ։4մ չափերից ավելի փոքր դրոշների կիրառումը, բայց նշված չափերից ավելի մեծ դրոշների կիրառման դեպքում սահմանում է անհրաժեշտություն՝ համաձայնեցնելու այն ՀՀ ԱԳՆ պետական արարողակարգի ծառայության հետ։

    Օրենքի 3-րդ  հոդվածի 7-րդ մասում առաջարկվող խմբագրությունը պայմանավորված է ՀՀ կառավարման համակարգի փոփոխությամբ։

     

    1. Ակնկալվող արդյունքը

    Փոփոխությունների ընդունման դեպքում կապահովվի Հայաստանի Հանրապետության տարածքում ՀՀ դրոշի համանման կիրառությունը:

     

     

    1. Նախագծերի մշակման գործընթացում ներգրավված ինստիտուտները և անձինք

    Նախագիծը մշակվել է ՀՀ արտաքին գործերի նախարարության կողմից:

     

    1. 4. Նախագծի ընդունման կապակցությամբ լրացուցիչ ֆինանսական միջոցների անհրաժեշտությունը և պետական բյուջեում ծախսերի և եկամուտների էական ավելացման կամ նվազեցման մասին

    Նախագծի ընդունման կապակցությամբ պետական բյուջեում ծախսերի և եկամուտների էական ավելացում կամ նվազեցում չի նախատեսվում:

     

    1. 5. Կապը ռազմավարական փաստաթղթերի հետ.

              Կապը ռազմավարական փաստաթղթերի հետ բացակայում է։

    • Քննարկվել է

      25.03.2024 - 09.04.2024

    • Տեսակ

      Օրենք

    • Ոլորտ

      Սահմանադրական և վարչական օրենսդրություն

    • Գերատեսչություն

      Արտաքին գործերի նախարարություն

    Ուղարկել առաջարկ էլեկտրոնային փոստով

    Ձեր ուղարկած առաջարկը կտեղադրվի կայքում 10 աշխ. օրվա ընթացքում

    Չեղարկել

    Դիտումներ` 6930

    Տպել

    Առաջարկներ`

    Տեսնել ավելին
    Եվրոպական Միություն
    Այս կայքը ստեղծվել և թարմացվել է Եվրոպական միության ֆինանսական աջակցությամբ: Կայքի բովանդակության համար պատասխանատվություն են կրում հեղինակները, և պարտադիր չէ, որ այն արտահայտի Եվրոպական միության, ՄԱԿ-ի Զարգացման ծրագրի, ՄԱԿ-ի բնակչության հիմնադրամի, ՅՈՒՆԻՍԵՖ-ի և ԵԱՀԿ-ի տեսակետները: