Հիշել նախագիծը

Նախագիծը ընդունվել է

«Պետական կառավարման համակարգի մարմինների մասին» Հայաստանի Հանրապետության օրենքի նախագիծ

      «Պետական կառավարման համակարգի մարմինների մասին» Հայաստանի Հանրապետության օրենքի և հարակից օրենքներում փոփոխություններ և լրացումներ կատարելու մասին օրենքների նախագծերով՝

      1) սահմանվել է պետական կառավարման համակարգի մարմինների ընդհանուր բնութագիրը և դրանց կազմավորման կարգը,

      2) նախատեսվել է Կառավարությանը, վարչապետին և նախարարություններին ենթակա մարմինների շրջանակը,

      3) ամրագրվել է պետական կառավարման համակարգի մարմնի ղեկավարի և նրա տեղակալի նշանակման ընդհանուր կարգ,

      4) սահմանվել են պետական կառավարման համակարգի մարմինների կանոնադրությանը ներկայացվող նվազագույն պահանջներ:

      5) hարակից օրենքների նախագծերով համապատասխան օրենքները համապատասխանեցվել են «Պետական կառավարման համակարգի մարմինների մասին» Հայաստանի  Հանրապետության օրենքի նախագծով սահմանված կարգավորումներին:

  • Քննարկվել է

    24.01.2018 - 08.02.2018

  • Տեսակ

    Օրենք

  • Ոլորտ

    Արդարադատություն

  • Նախարարություն

    Արդարադատության նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 5107

Տպել

Առաջարկներ`

Արտեմ Պետրոսյան

08.02.2018

Հաշվի առնելով ատոմային էներգիայի խաղաղ նպատակներով անվտանգ օգտագործման հնարավորությունները և Հանրապետությունում առկա պոտենցիալը (Հայկական ԱԷԿ, Ալիխանյան եղբայրների անվան ԳՀԻ, Հայատոմ ԳՀԻ, Ֆանարջանի անվ ուռուցքաբանական կենտրոն, և այլն) առաջարկում եմ ՀՀ Վարչապետին ենթակայության տակ ստեղծել Ատոմային Էներգիայի Խաղաղ Նպատակներով Անվտանգ Օգտագործման համակարգող մարմին, որի հիմնական գործառույթներից կլինի ատոմային էներգիայի խաղաղ նպատակներով անվտանգ օգտագործման զարգացման համակարգումը լինի դա էներգետիկայի, առողջապահության թե ՀՀ տնտեսության այլ բնագավառ: Արդյունքում տվյալ բնագավառում կունենանք առաջատար տեխնոլոգիաներին համապատասխան զարգացում: (օրինակ՝ առողջապահության բնագավառում ունենք բոլոր նախադրյալները այսպես կոչված միջուկային բժշկության զարգացման համար օգտագործելով Ֆիզիկայի ինստիտուտի հնարավորությունները): Ի տարբերություն միջուկային անվտանգության կարգավորման պետական կոմիտեի առաջարկվող կառույցը կիրականացնի ատոմային էներգիայի խաղաղ նպատակներով օգտագործման բնագավառի միասնական համակարգում, վերջինիս մուլտիպլիկատիվ ազդեցությունը ՀՀ տնտեսության զարգացման վրա ակնհայտ է: (հետազոտման համար պահանջվող դեղարայքի ներմուծման փախարեն տեղական արտադրություն արտահանման հնարավորությամբ): Շնորհակալություն:

Տիգրան Սարաֆյան

01.02.2018

«ՊԵՏԱԿԱՆ ԿԱՌԱՎԱՐՄԱՆ ՀԱՄԱԿԱՐԳԻ ՄԱՐՄԻՆՆԵՐԻ ՄԱՍԻՆ» օրենքի նախագծում հոդված 4-ում անհրաժեշտություն է Կառավարությանը ենթակա մարմինների շարքում ավելացնել նաև աշխատանքի տեսչություն տեսչական մարմինը, քանի որ Պետ. եկամուտների կոմիտեն ստուգում է աշխատողի ձևակերպված լինել/չլինելը, որը ևս կարևոր է, իսկ մնացած առումներով գտնում եմ կան հարցեր որ անգամ Առողջապահության տեսչության իրավասության հարցեր չեն իսկ դատական լուծումները աշխատանքային խնդիրների պետք է մնան որպես վերջին ատյանի, իսկ ավելի արագ կարող են լուծումներ ստանալ այդպիսի տեսչության առկայության պարագայում, քանի դեռ երկրում աշխատանքայի ռեսուրսների առաջարկի ու պահանջարկի տարբերությունը մեծ է, և այդ ոլորտում արագ լուծում տվող վերահսկող մարմնի կարիք կա,

Հասմիկ Հովհաննիսյան

31.01.2018

Նախագծում բացակայում է կարևորագույն և քաղաքաշինության ոլորտի վերահսկողական տեսչական մարմինը: Առաջարկում եմ 4-րդ հոդվածի 2-րդ կետում ավելացնել 13)-րդ ենթակետ` Քաղաքաշինական տեսչական մարմին և ներկայացված ««Քաղաքաշինության մասին» ՀՀ օրենքում փոփոխություններ կատարելու մասին» ՀՀ օրենքի 3-րդ Հոդվածը` Օրենքի 26-րդ հոդվածն ուժը կորցրած ճանաչել», փոխարինել «Օրենքի 26-րդ կետում կատարել փոփոխություն` «քաղաքաշինական պետական տեսչություն» բառերը և և դրանց հոլովաձևերը փոխարինել «քաղաքաշինական տեսչական մարմին» բառերով և համապատասխան հոլովաձևերով»

Տեսնել ավելին