ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ՍԵՎԱՆ ՀԱՄԱՅՆՔԻ ԲՆԱԿԱՎԱՅՐԵՐԻ ՎԱՐՉԱԿԱՆ ՏԱՐԱԾՔՈՒՄ ԳՏՆՎՈՂ ԳՅՈՒՂԱՏՆՏԵՍԱԿԱՆ ՆՇԱՆԱԿՈՒԹՅԱՆ ՀՈՂԱՏԱՐԱԾՔՆԵՐԻ՝ ԱՐՈՏԱՎԱՅՐԵՐԻ ԵՎ ԽՈՏՀԱՐՔԵՐԻ ՀԱՄԱՐ ՄՐՑՈՒԹԱՅԻՆ ՄԵԿՆԱՐԿԱՅԻՆ ԳԻՆ ՍԱՀՄԱՆԵԼՈՒ ՄԱՍԻՆ

ՏԵՂԵԿԱՆՔ    - Հ Ի Մ Ն Ա Վ Ո Ր ՈՒ Մ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ  ԳԵՂԱՐՔՈՒՆԻՔԻ ՄԱՐԶԻ ՍԵՎԱՆ ՀԱՄԱՅՆՔԻ ԲՆԱԿԱՎԱՅՐԵՐԻ  ՎԱՐՉԱԿԱՆ ՏԱՐԱԾՔՈՒՄ  ԳՏՆՎՈՂ ԳՅՈՒՂԱՏՆՏԵՍԱԿԱՆ ՆՇԱՆԱԿՈՒԹՅԱՆ ՀՈՂԱՏԱՐԱԾՔՆԵՐԻ՝ ՕԳՏԱԳՈՐԾՄԱՆ ՏՐԱՄԱԴՐՎՈՂ ԱՐՈՏԱՎԱՅՐԵՐԻ ԵՎ ԽՈՏՀԱՐՔԵՐԻ ՀԱՄԱՐ ՄՐՑՈՒԹԱՅԻՆ ՄԵԿՆԱՐԿԱՅԻՆ ԳԻՆ ՍԱՀՄԱՆԵԼՈՒ ՄԱՍԻՆ» ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՎԵՐԱԲԵՐՅԱԼ

• Իրավական ակտի անհրաժեշտությունը

 Սևան համայնքի միավորումից հետո համայնքի կազմում ընդգրկվել է 11 գյուղական բնակավայր, որոնց վարչական տարածքներում գտնվող գյուղնշանակության հողատարածքների` արոտավայրերի և խոտհարքների համար անհարժեշտություն է առաջացել սահմանել մրցութային և մեկնարկային գներ:

Այս որոշման ընդունմամբ կկարգավորվի այս ոլորտը:

•   Ներկա վիճակը և առկա խնդիրները

Ներկայումս համայնքում ընդգրկված գյուղական բնակավայրերում համայնքային սեփականություն հանդիսացող գյուղատնտեսական նշանակության հողերը տրված են վարձակալության, որոնց վարձակալության ժամկետը լրացել է մարտի 1-ին: Անհրաժեշտություն է առաջացել սահմանելու արոտավայրերից և խոտհարքներից օգտվելու մրցութային մեկնարկային նոր գներ, որոնց կհետևի 3 տարի ժամկետով պայմանագրերի կնքման գործընթացը:   

• Առաջարկվող լուծումները

 Հիմք ընդունելով ՀՀ կառավարության 28.10.2010 թվականի N  1477-Ն որոշմամբ սահմանված կարգը, ինչպես նաև ՀՀ Հողային օրենսգրքի 94-րդ հոդվածի պահանջները` առաջարկվում է բնակավայրերի վարչական տարածքում գտնվող արոտավայրերի և խոտհարքների օգտագործման համար սահմանել մեկնարկային գներ, որին կհետևի մրցույթների անցկացումը:  

•  Իրավական ակտի կիրառման դեպքում ակնկալվող արդյունքը

 Իրավական ակտի ընդունման դեպքում Սևան համայնքի բնակավայրերի վարչական տարածքներում գտնվող արոտավայրերը և խոտհարքները կօգտագործվեն` համաձայն սահմանված չափորոշիչների և կնքված պայմանագրերի պահանջների:

Գյուղատնտեսական նշանակության հողերը վարձավճարի դիմաց կտրվեն  վարձակալության 3 տարի ժամկետով:  

•  Նախագծի մշակման գործընթացում ներգրավված  անձինք

 Նախագծի մշակման գործընթացում ներգրավված  անձինք են՝

- համայնքապետարանի աշխատակազմի գյուղատնտեսության և բնապահպանության, քաղաքաշինության և հողաշինության բաժինների աշխատակիցներ.

-  բնակավայրերի վարչական ղեկավարներ: