Հիշել նախագիծը

ՀՈՂԱՅԻՆ ԲԱՐԵՓՈԽՈՒՄՆԵՐԻ ՓՈՐՁՆԱԿԱՆ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ

«Հայաստանի Հանրապետության կառավարության 2003 թվականի փետրվարի 6-ի N 138-Ն որոշման մեջ լրացումներ կատարելու մասին» ՀՀ կառավարության որոշման նախագծի ընդունման

  1. Անհրաժեշտությունը

Նախագծի ընդունման անհրաժեշտությունը պայմանավորված է Հայաստանի Հանրապետության վարչապետ Նիկոլ Փաշինյանի մոտ 2022 թվականի հունիսի 30-ին ժամը 15:30-ին կայացած հողային բարեփոխումների մասին խորհրդակցության N Վ/68-2022 արձանագրության 2-րդ կետի կատարման ապահովմամբ՝ ուղղված «Գյուղատնտեսական ծառայությունների կենտրոն» ՊՈԱԿ-ի կանոնադրության մեջ փոփոխություն կատարելու մասին համապատասխան իրավական ակտի նախագծի մշակմանը։

  1. Ընթացիկ իրավիճակը և խնդիրները

Ներկայումս «Գյուղատնտեսական ծառայությունների կենտրոն» ՊՈԱԿ-ի կողմից իրականացվում են գյուղատնտեսական նշանակության հողերի ագրոքիմիական վիճակի ուսումնասիրման, գյուղատնտեսական կենդանիների համարակալման, հաշվառման և անձնագրավորման, բույսերի համար վնասակար օրգանիզմների հայտնաբերման և կանխարգելման աշխատանքներ: Նախատեսվող փոփոխությունը հնարավորություն կտա «Գյուղատնտեսական ծառայությունների կենտրոն» ՊՈԱԿ-ին իրականացնել հողային բարեփոխումների փորձնական ծրագիր՝ ուղղված հողերի միավորմանը (կոնսոլիդացիային):

  1. Տվյալ բնագավառում իրականացվող քաղաքականությունը

ՀՀ էկոնոմիկայի նախարարության կողմից իրականացվում է գյուղատնտեսական նշանակության հողերի օգտագործման արդյունավետության բարձրացմանն ուղղված քաղաքականությունը՝ համաձայն ՀՀ կառավարության կողմից ընդունված համապատասխան հայեցակարգերի և ծրագրերի։

  1. Կապը ռազմավարական փաստաթղթերի հետ Հայաստանի վերափոխման ռազմավարության 2050, կառավարության 2021-2026թթ ծրագրի, ոլորտային և/կամ այլ ռազմավարություններ

ՀՀ կառավարության 2019 թվականի դեկտեմբերի 19-ի «ՀՀ գյուղատնտեսության ոլորտի տնտեսական զարգացումն ապահովող հիմնական ուղղությունների 2020-2030 թվականների ռազմավարությունը հաստատելու մասին» N 1886-Լ որոշման N 1 հավելվածի 13-րդ կետով սահմանված գյուղատնտեսության ոլորտի գերակայություններից են հողային բարեփոխումները, որոնց հիմնական նպատակն է հողերի կոնսոլիդացման միջոցով արագորեն բարձրացնել հողի արտադրողականությունը՝ առանձնահատուկ ուշադրություն դարձնելով ինչպես հողի վարձակալության, այնպես էլ վաճառքի շուկաներին:

  1. Կարգավորման նպատակը և բնույթը

Նախագծի ընդունման նպատակն է «Գյուղատնտեսական ծառայությունների կենտրոն» ՊՈԱԿ-ի միջոցով գյուղատնտեսական նշանակության հողերի օգտագործման արդյունավետության բարձրացմանն ուղղված  գյուղատնտեսության բնագավառի քաղաքականությունը մշակող լիազոր մարմնի կողմից նախանշված 4 բնակավայրերում իրականացնել հողային բարեփոխումների պիլոտային ծրագիր, որի ընթացքում կգույքագրվեն գյուղատնտեսական նշանակության հողերը, կգնահատվի դրանց վիճակը և մշակվելու կամ չմշակվելու հանգամանքը, աջակցություն կցուցաբերվի փաստաթղթերի լրակազմության, իրավական փաստաթղթավորման և գրանցման հարցերում, ինչպես նաև հողամասերի սեփականատերերի կամ փաստացի օգտագործողների հետ կիրականացվի բանակցություն հողամասերի օտարման կամ վարձակալության հիմունքներով ձեռք բերելու և այլ անհրաժեշտ գործողություններ իրականացնելու շուրջ:

Նախագծի ընդունման դեպքում նախատեսվում է պետական բյուջեի ծախսերի ավելացում շուրջ 24 մլն դրամի չափով։

  1. Նախագծի մշակման գործընթացում ներգրավված ինստիտուտները և անձինք

Նախագիծը մշակվել է ՀՀ էկոնոմիկայի նախարարության կողմից:

  1. Ակնկալվող արդյունքը

Նախագծի ընդունումը հնարավորություն կտա «Գյուղատնտեսական ծառայությունների կենտրոն» ՊՈԱԿ-ին իրականացնելու գյուղատնտեսական նշանակության հողերի, առքուվաճառքի, վարձակալության, փոխանակման, ինչպես նաև հողերի շուկայի զարգացմանն ուղղված գործառույթներ:

 

  • Քննարկվել է

    04.08.2022 - 19.08.2022

  • Տեսակ

    Որոշում

  • Ոլորտ

    Գյուղատնտեսություն, Էկոնոմիկա

  • Նախարարություն

    Էկոնոմիկայի նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 2808

Տպել