Հիշել նախագիծը

«Առաջիկա տարվա պետական բյուջեի մասին օրենքի նախագծում հաջորդ տարվա պետական բյուջեի ծախսերի կազմում ընթացիկ ծախսերի աճի և ծավալի առավելագույն չափերը սահմանելու մասին» ՀՀ կառավարության որոշման նախագիծ

ՆԱԽԱԳԻԾ

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

ՈՐՈՇՈՒՄ

 

                        2017 ԹՎԱԿԱՆԻ     N           

 

 

ԱՌԱՋԻԿԱ ՏԱՐՎԱ ՊԵՏԱԿԱՆ ԲՅՈՒՋԵԻ ՄԱՍԻՆ ՕՐԵՆՔԻ ՆԱԽԱԳ­ԾՈՒՄ ՀԱ­ՋՈՐԴ ՏԱՐՎԱ ՊԵ­ՏԱ­ԿԱՆ ԲՅՈՒՋԵԻ ԾԱԽՍԵՐԻ ԿԱԶՄՈՒՄ ԸՆԹԱՑԻԿ ԾԱԽՍԵՐԻ ԱՃԻ ԵՎ ԾԱՎԱԼԻ ԱՌԱՎԵԼԱԳՈՒՅՆ ՉԱՓԵՐԸ ՍԱՀՄԱՆԵԼՈՒ ՄԱՍԻՆ 

 

Հիմք ընդունելով «Հայաստանի  Հանրապետության  բյուջետային  համակարգի  մասին» Հայաստանի  Հանրապետության  օրենքի  21-րդ հոդվածի 8.2 մասը Հայաստանի Հանրապետության կառավարությունը որոշում է.

1․Սահմանել, որ եթե կառավարության պարտ­քը նախորդ տարվա դեկտեմբերի 31-ի դրութ­յամբ գերազանցել է Հա­յաստանի Հանրապետության հա­մա­խառն ներքին արդ­յուն­քի՝

  • 50 տոկոսը, սակայն չի գերազանցել 60 տոկոսը, ապա առաջիկա տարվա պետական բյու­ջեի մասին օրենքի նախագծում ընթացիկ ծախսերի (առանց կառավարության պարտքի սպասարկման ծախսերի) ծավալի՝ նախորդ բյու­ջետային տարվա փաստացի կատարված ընթացիկ ծախ­սերի ծա­վա­լի նկատ­մամբ հարաբերական (տոկոսային) աճի ցուցանիշի կեսը չի կա­րող գերազանցել վերջին 10 տարիների համախառն ներքին արդյունքի ծավալի միջին աճի (տոկո­սա­յին) 1.5 տոկոսային կետով նվազեցված ցուցանիշը.
  • 60 տոկոսը, ապա առաջիկա տարվա պետական բյուջեի մասին օրենքի նախագծում.

ա) ընթացիկ ծախսերի (առանց կառավարության պարտքի սպասարկման ծախսերի) ծավալի՝ նախորդ բյուջետային տարվա փաստացի կատարված ընթացիկ ծախսերի ծավալի նկատմամբ հարաբերական (տոկոսային) աճի ցուցանիշի կեսը չի կա­րող գերազանցել վերջին 10 տարիների համախառն ներքին արդյունքի ծավալի միջին աճի (տոկո­սա­յին) 2.5 տոկոսային կետով նվազեցված ցուցանիշը,

բ) ընթացիկ ծախսերի ընդհանուր գումարը չի կարող գերազանցել առաջիկա տարվա պետական բյուջեի մասին օրենքի նախագ­ծում նշված հարկային եկամուտների և պետական տուրքերի  ընդհանուր գումարը:

2․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

               

ՀԱՅԱՍՏԱՆԻ  ՀԱՆՐԱՊԵՏՈՒԹՅԱՆ

ՎԱՐՉԱՊԵՏ`                                                                                                                ԿԱՐԵՆ ԿԱՐԱՊԵՏՅԱՆ

 

  • Քննարկվել է

    09.10.2017 - 25.10.2017

  • Տեսակ

    Որոշում

  • Ոլորտ

    Ֆինանսական, Տնտեսական

  • Նախարարություն

    ՀՀ ֆինանսների նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

չեղարկել

Դիտումներ` 227

Տպել