Հիշել նախագիծը

«ՀԱԿԱԿՈՌՈՒՊՑԻՈՆ ԿՈՄԻՏԵԻ ԾԱՌԱՅՈՂՆԵՐԻ ԹԵԿՆԱԾՈՒՆԵՐԻ ԸՆՏՐՈՒԹՅԱՆ ՄՐՑՈՒԹԱՅԻՆ ՀԱՆՁՆԱԺՈՂՈՎԻ ԿԱԶՄՈՒՄ ՔԱՂԱՔԱՑԻԱԿԱՆ ՀԱՍԱՐԱԿՈՒԹՅԱՆ ՆԵՐԿԱՅԱՑՈՒՑՉԻ ՆԵՐԳՐԱՎՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱԿԱԿՈՌՈՒՊՑԻՈՆ ԿՈՄԻՏԵԻ ՆԱԽԱԳԱՀԻ ՈՐՈՇՄԱՆ ՆԱԽԱԳԻԾ

Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում

h/h Առաջարկության հեղինակը, ստացման ամսաթիվը Առաջարկության բովանդակությունը Եզրակացություն Կատարված փոփոխությունը
1 2 3 4
1 «Իրազեկ քաղաքացիների միավորում» ՀԿ 04.11.2021 14:34:46 Առաջարկվում է կարգի 11-րդ կետում հակակոռուպցիոն ոլորտում 5 հակակոռուպցիոն ոլորտի տարվա ստաժը սահմանել ոչ թե ներկայացուցչի, այլ հասարակական կազմակերպության համար: Այդպիսին են եղել թե հակակոռուպցիոն կոմիտեի նախագահի թեկնածուների մրցութային հանձնաժողովում և թե հակակոռուպցիոն քաղաքականության խորհրդում քաղհասարակության ներկայացուցչի ներգրավման մրցույթների պահանջները: Իսկ ահա ներկայացուցչի մասով անհրաժեշտ է, որ այն ունենա իրավապահ որևէ մարմնում ընդունվելու համար հարցազրույց անցկացնելու կամ այդ հարցազրույցի հանձնաժողովի կազմում լինելու որևէ փորձ: Հայաստանյան առնվազն 5 հասարակական կազմակերպություններ ունեն նման փորձով առնվազն 9 աշխատակից: Ընդորում, այդ 5 կազմակերպություններից 4-ը ունեն առնվազն 5 տարվա հակակոռուպցիոն ստաժ: Մասամբ է ընդունվել: «Հակակոռուպցիոն կոմիտեի մասին» օրենքի 17-րդ հոդվածի 2-րդ մասի համաձայն՝ «(…) Հանձնաժողովի կազմի մեջ մտնում են հակակոռուպցիոն կոմիտեի նախագահի նշանակած հակակոռուպցիոն կոմիտեի երեք ծառայող, Կառավարության առաջադրած մեկ անձ, քաղաքացիական հասարակության մեկ ներկայացուցիչ: Հակակոռուպցիոն կոմիտեի ծառայող չհանդիսացող անձինք Հանձնաժողովում կարող են ընդգրկվել, եթե ունեն առնվազն հինգ տարվա իրավաբանի մասնագիտական աշխատանքային ստաժ:»: Միևնույն ժամանակ, նույն օրենքի 48-րդ հոդվածի 15-րդ մասի համաձայն՝ Հակակոռուպցիոն կոմիտեի ծառայողների առաջին կազմի մրցույթի անցկացումն իրականացվում է Օրենքի 17-րդ հոդվածով սահմանված կարգով՝ հաշվի առնելով oրենքի 48-րդ հոդվածով սահմանված առանձնահատկությունները: Սույն կարգավորումներից բխում է, որ քաղաքացիական հասարակության ներկայացուցիչը ընդգրկվում է Հակակոռուպցիոն կոմիտեի ծառայողների մրցութային հանձնաժողովի կազմում: Ընդ որում, hանձնաժողովի անդամների համար oրենքով սահմանվել է առնվազն հինգ տարվա իրավաբանի մասնագիտական աշխատանքային ստաժ ունենալու վերաբերյալ պահանջ: Ուստի, Նախագծում քաղաքացիական հասարակության ներկայացուցչին ներկայացվող պահանջները համապատասխանեցվել են Օրենքի կարգավորումներին: Միաժամանակ հարկ է նշել, որ Նախագծով հասարակական կազմակերպությունների համար արդեն իսկ սահմանված է հակակոռուպցիոն ոլորտում գործունեության հինգ տարվա փորձառություն ունենալու վերաբերյալ պահանջ: