Հիշել նախագիծը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ ՈՐՈՇՈՒՄ ԾԱԽՍԵՐԻ ՓԱՍՏԱԹՂԹԱՎՈՐՄԱՆ ԱՅԼ ԿԱՐԳ ՍԱՀՄԱՆԵԼՈՒ ՄԱՍԻՆ

Հիմք ընդունելով Հայաստանի Հանրապետության հարկային օրենսգրքի 55-րդ հոդ­վածի 13-րդ մասը` Հայաստանի Հանրապետության կառավարությունը որոշում է.

  1. Սահմանել Հայաստանի Հանրապետության հարկային օրենսգրքի 55-րդ հոդ­վածի 13-րդ մասով սահմանված ծախսերի փաստաթղթավորման այլ կարգ՝ համաձայն հավել­վածի:
  2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2018 թվականի հունվարի 1-ից հետո ծագած (ծագող) հարա­բերու­թյուն­­ների վրա:
  • Տևողություն

    01.02.2020 17.02.2020
  • Տեսակ

    Որոշում

  • Ոլորտ

    Ֆինանսական

  • Նախարարություն

    Ֆինանսների նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 1488

Տպել

Առաջարկներ`

Երևան֊Աուդիտ Կոնսալտ ՓԲԸ

06.02.2020

Սույն որոշումը չի կարող տարածվել 2018թ. հունվարի 01-ից հետո ծագած հարաբերությունների վրա, քանզի Հարկային օրենսգրքի 55-րդ հոդվածի 13-րդ մասը 25.06.19 ՀՕ-68-Ն օրենքի 71-րդ հոդվածի համաձայն ուժի մեջ է մտնում համապատասխան ծախսերի փաստաթղթավորման կարգը սահմանող՝ Կառավարության որոշումն ուժի մեջ մտնելու պահից: Լրացուցիչ մեր մտահոգությունն ենք արտահայտում բանկային փոխանցումն ծախսի հիմնավորման մաս դարձնելու կապակցությամբ` հաշվի առնելով պայմանագրային հնարավոր երկարաժամկետ հարաբերությունների առկայությունը և հաշվեգրման սկզբունքով ծախսի ճանաչման դրույթի առկայությունը: Կարծում ենք հետագայում իրավական անորոշության տեղիք է տալու նաև "ծագած (ծագող) հարա­բերու­թյուն­­ներ" բառակապակցությունը:

Արմեն Պետրոսյան

06.02.2020

Նախագծում ասվում է, որ Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2018 թվականի հունվարի 1-ից հետո ծագած (ծագող) հարա­բերու­թյուն­­ների վրա, իսկ 55-րդ հոդվածի 13-րդ մասը (վերջին նախադասությունը) 25.06.19 ՀՕ-68-Ն օրենքի 71-րդ հոդվածի համաձայն ուժի մեջ է մտնում համապատասխան ծախսերի փաստաթղթավորման կարգը սահմանող՝ ԿԱՌԱՎԱՐՈՒԹՅԱՆ ՈՐՈՇՈՒՄՆ ՈՒԺԻ ՄԵՋ ՄՏՆԵԼՈՒ ՊԱՀԻՑ: Ստացվում է, որ 55-րդ հոդվածի 13-րդ մասի վերջին նախադասությունը ուժի մեջ է մտնելու սույն որոշուման հրապարակման պահից (անկախ 2018 թվականի հունվարի 1-ից հետո ծագած հարա­բերու­թյուն­­ների վրա տարածվելու հանգամանքից), իսկ 2018 թվականի հունվարի 1-ից մինչ սույն որոշման հրապարակման պահը կառավարության սահմանած կարգը հիմնազուրկ է (լիազորություն առկա չի եղել)։

Հայկ Մարգարյան

06.02.2020

Նախագծի 2-րդ կետով սահմանված է, որ հար­կա­­յին օրենսգրքի 55-րդ հոդվածով սահմանված փաստաթղթերով չփաստա­թղթա­վորելու դեպ­­քում կարող են փաստա­թղթա­վոր­վել հարկ վճարողի կողմից կատար­ված՝ անկանխիկ եղանակով վճա­րումը հիմ­­­նա­վո­րող փաս­տաթղթով և ոչ ռեզիդենտ կազ­մա­կեր­պության կողմից դուրս գրված փաս­տաթղթով: Այսինքն, ստացվում է, որ արտասահմանյան գործուղումների դեպքում, երբ աշխատակիցը հյուրանոցում կեցության դիմաց վճարում է կանխիկով, դա չի համարվի փաստաթղթավորված ծախս: Առաջարկում եմ վճարման անկանխիկ եղանակը վերանայել, կամ վերը նշված նախադասության մեջ <<և>> շաղկապը փոխարինել <<կամ>>-ով:

Տեսնել ավելին

Թողնել առաջարկ

Դուք կարող եք թողնել մեկնաբանություն միայն կայքում գրանցվելուց և հետո:

Ձեր մեկնաբանությունը կհրապարակվի կայքի ադմինիստրատորի հաստատումից հետո 2 աշխատանքային օրվա ընթացքում:

Ներկայացված առաջարկները կարող եք տեսնել Ամփոփաթերթ բաժնում: