Հիշել նախագիծը

Լրամշակման փուլում է

««Հեղինակային իրավունքի և հարակից իրավունքների մասին» Հայաստանի Հանրապետության օրենքում փոփոխություն կատարելու մասին» Հայաստանի Հանրապետության օրենքի նախագիծ

Տեխնիկայի և տեխնոլոգիաների զարգացմանը զուգահեռ ներկայումս աշխարհում ընդլայնվում են գրականության, գիտության և արվեստի բնագավառների ստեղծագործությունների օգտագործման և տարածման հետ կապված հնարավորությունները, ինչն իր հերթին հանգեցնում է նոր և չկարգավորված իրավահարաբերություննեերի առաջացմանը: Այսօր թվային միջավայրում և գլոբալ ցանցերում ստեղծագործությունների օրինական օգտագործումն ապահովելու նպատակով անհրաժեշտ են հեղինակային իրավունքի և հարակից իրավունքների պահպանության  հուսալի և արդյունավետ միջոցներ:

Գործող «Հեղինակային իրավունքի և հարակից իրավունքների մասին» ՀՀ օրենքի  մի շարք դրույթներ չեն համապատասխանում  ներկայումս միջազգային պրակտիկայում  կիրառվող որոշ մոտեցումներին և ենթակա են վերանայման։ Մասնավորապես, օրենքի ընդունումից հետո մշակվել և ուժի մեջ են մտել երկու նոր միջազգային պայմանագրեր։

   «Տեսալսողական կատարումների մասին» 2012 թվականի Պեկինի   պայմանագիրը նպատակ ունի կատարելագործել կատարողների իրավունքները և նրանց տրամադրել  ավելի արդյունավետ ու միատեսակ պահպանություն:

   2013 թվականին Մարաքեշում ընդունված «Կույրերի, տեսողական հաշմանդամություն ունեցող կամ ընթերցողական այլ դժվարություններ ունեցող անձանց համար հրատարակված ստեղծագործությունների հասանելիությունը դյուրացնելու մասին» պայմանագիրը նախատեսում է հեղինակային իրավունքի որոշակի սահմանափակումներ, որոնք հնարավորություն կտան հաշմանդամություն ունեցող անձանց՝ ավելի լիարժեք ու արդյունավետ մասնակցելու և ներգրավվելու հասարակական և մշակութային կյանքին:

  • Քննարկվել է

    27.08.2019 - 12.09.2019

  • Տեսակ

    Օրենք

  • Ոլորտ

    Կրթություն և գիտություն, Քաղաքաշինություն, Մշակութային

  • Նախարարություն

    Էկոնոմիկայի նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 257

Տպել

Առաջարկներ`

Արտակ Պողոսյան

28.08.2019

Հարգելի նախագծի հեղինակներ, առաջարկվող նախագծի առնվազն 159-րդ հոդվածի 1-ին մասը վերանայնման կարիք ունի։ Մասնավորապես, այն հակասում է "Նորմատիվ իրավական ակտերի մասին" ՀՀ օրենքի 40-րդ հոդվածի 1-ին մասին 3-րդ կետի պահանջներին։ Բացի այդ, նման առաջարկության պարագայում անհրաժեշտ է ներկայացնել իրավական ակտի ազդեցության գնահատումը տնտեսության վրա՝ կատարելով համապատասխան Ex-Post և Ex-Ante վերլուծությունները։ Մասնավորապես, իրավական ակտի ընդունման դեպքում քանի դեպք կա, որ վերանայման կարիք կունենա՝ ներկայացված նախագծին չհամապատասխանելու պատճառով և դրա հետևանքների նկարագրությունը։

Տեսնել ավելին