Հիշել նախագիծը

Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին

ՏԵՂԵԿԱՆՔ-ՀԻՄՆԱՎՈՐՈՒՄ

<<Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին>> օրենքի նախագծի ընդունման

 

  1. Իրավական ակտի ընդունման անհրաժեշտությունը

  Օրենքի նախագծի ընդունումը պայմանավորված է Վարչական իրավախախտումների վերաբերյալ Հայաստանի Հանրապետության օրենսգրքում (այսուհետ՝ օրենսգիրք) այլ օրենքին կատարվող հղումը և օրենսգրքի մի շարք դրույթները գործող օրենքի դրույթներին համապատասխանեցնելու անհրաժեշտությամբ:

  1. Ընթացիկիրավիճակըևխնդիրները

   2018թ. ապրիլի 9-ից ուժի մեջ է մտել <<Պաշտպանության մասին>> ՀՀ նոր օրենքը, որի 5-րդ գլխում սահմանվել է քաղաքացիների զինապարտությունը և զինվորական հաշվառումը, իսկ 22-րդ հոդվածում նախատեսվել են զինվորական հաշվառման գործընթացում քաղաքացիների պարտականությունները և դրանց խախտման համար օրենքով սահմանված պատասխանատվությունը: Մինչև նշված օրենքի ուժի մեջ մտնելը, այդ հարաբերությունները կարգավորվում էին նախկին <<Զինապարտության մասին>> ՀՀ օրենքի 5-րդ և 6-րդ հոդվածներում: Զինապարտ քաղաքացիների մասնակցությամբ պահեստազորային պատրաստության միջոցառումները և դրանցից խուսափելու համար պատասխանատվությունը սահմանվել են 2017թ. դեկտեմբերի 16-ին ուժի մեջ մտած <<Զինվորական ծառայության և զինծառայողի կարգավիճակի մասին>> ՀՀ օրենքի 58-60-րդ հոդվածներում, իսկ մինչև նշված օրենքի ուժի մեջ մտնելը, այդ հարաբերությունները կարգավորվում էին նախկին <<Զինապարտության մասին>> ՀՀ օրենքի 26-րդ, 29-30-րդ հոդվածներում: Միաժամանակ, օրենսգրքի 213.1-ին հոդվածում վարչական պատասխանատվություն էր սահմանված նաև վարժական հավաքներից խուսափելու համար, այն դեպքում, երբ նույն արարքի համար քրեական պատասխանատվություն է սահմանված ՀՀ քրեական օրենսգրքի 327-րդ հոդվածում: Հաշվի առնելով, որ թե պարտադիր զինվորական ծառայության զորակոչը, և թե վարժական հավաքները հայտարարվում են ՀՀ կառավարության որոշմամբ, իսկ զինվորական վարժանքները կամ զորավարժությունները՝ ՀՀ պաշտպանության նախարարի հրամանով, նպատակահարմար է վարժական հավաքից խուսափելու համար թողնել քրեական պատասխանատվությունը: Բացի այդ, նույն հոդվածում հստակեցված չէին հարգելի պատճառները, ինչպես նաև օրենսգրքում առկա է տեխնիկական վրիպակ՝ զինվորական կոմիսարների կողմից զինվորական հաշվառման բնագավառում վարչական իրավախախտումների վերաբերյալ գործեր քննելու և վարչական տույժեր նշանակելու իրավասության՝ օրենսգրքի 235-րդ  հոդվածում նախատեսված հոդվածների շարքում նշված չէ օրենսգրքի 213.1-ին հոդվածը, ինչը խոչընդոտ է հանդիսանում այդ հոդվածի կիրառման համար:

  1. Տվյալ բնագավառում իրականացվող քաղաքականությունը

  Բնագավառում իրականացվող քաղաքականության նպատակն է ապահովել օրենսդրական համապատասխանությունը, զինվորական հաշվառման և պահեստազորային պատրաստության գործընթացի պատշաճ և լիարժեք իրականացումը:

  1. Կարգավորման նպատակը և բնույթը

   Օրենքի նախագծի համաձայն օրենսգրքում ուժը կորցրած օրենքին կատարվող հղումը փոխարինվում է գործող օրենքին կատարվող հղմամբ, օրենսգրքի մի շարք դրույթներ համապատասխանեցվում են <<Զինվորական ծառայության և զինծառայողի կարգավիճակի մասին>> ՀՀ օրենքում օգտագործվող հասկացություններին, վերացվում է օրենսգրքի և ՀՀ քրեական օրենսգրքի միջև առկա անհամապատասխանությունը, ինչպես նաև վերացվում է տեխնիկական բնույթի վրիպակը, որի արդյունքում հստակեցվում է օրենսգրքի հոդվածը կիրառող վարչական մարմինը:

  1. Նախագծի մշակման գործընթացում ներգրավված ինստիտուտները, անձինք և նրանց դիրքորոշումը

     Նախագիծը մշակվել է Պաշտպանության նախարարության կողմից:

  1. Ակնկալվող արդյունքը

  Օրենքի ընդունումը կապահովի օրենսդրական համապատասխանությունը, զինվորական հաշվառման և պահեստազորային պատրաստության գործընթացի պատշաճ և լիարժեք իրականացումը:

 

 

 

ՏԵՂԵԿԱՆՔ

<<Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին>> օրենքի նախագծի ընդունման կապակցությամբ այլ իրավական ակտերում փոփոխություններ և լրացումներ կատարելու վերաբերյալ

 

    Օրենքի նախագծի ընդունման կապակցությամբ այլ իրավական ակտերի ընդունման անհրաժեշտություն չի առաջանում:

 

 

 

ՏԵՂԵԿԱՆՔ

<<Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին>> օրենքի նախագծի ընդունման կապակցությամբ ՀՀ պետական բյուջեի ծախսերի կամ եկամուտների ավելացման կամ նվազեցման վերաբերյալ

 

  Օրենքի նախագծի ընդունումը ՀՀ 2019թ. և հետագա տարիների պետական բյուջեներում լրացուցիչ ծախսերի կատարման անհրաժեշտություն չի առաջացնում:

 

 

ՏԵՂԵԿԱՆՔ

<<Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին>> օրենքի նախագիծը հրապարակային քննարկման ներկայացնելու վերաբերյալ

 

    Օրենքի նախագիծը տեղադրվել է իրավական ակտերի նախագծերի հանրային քննարկման համար նախատեսված միասնական կայքում:

  • Քննարկվել է

    07.06.2019 - 22.06.2019

  • Տեսակ

    Օրենք

  • Ոլորտ

    Անվտանգություն

  • Նախարարություն

    Պաշտպանության նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 6465

Տպել

Առաջարկներ`

Արտակ Պողոսյան

09.06.2019

Սույն նախագիծը ներկայացնելուց առաջ, խնդրում եմ կատարել բոլոր զինկոմիսարիատներում հաշցառված այն անձանց, որոնք ժամկետի առում պետք է ներկայացվեն կոչման բարձրացմանը, ինչպես նաև անհրաժեշտ է համապատասխանել գործող կոչումներին: Միաժամանակ, առաջարկում եմ նույն նախագծում ներկայացնել այն տուգանքի չապերը, որոնք կիրառվելու են այն պաշտոնատար անձանց, որոնք այդ հաշվառումը չեն իրականացնել և առկա կոչումները չեն համապատասխանեցնել գործող կոչումների համակարգին:

Տեսնել ավելին