«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՐԵԱԿԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀՀ ՕՐԵՆՔԻ ՆԱԽԱԳԻԾ

Այսինքն՝ խոսքի ազատության ոլորտում կատարում ենք հետընթաց՝ կրկին վերադառնալով վիրավորանքն ու զրպարտությունը քրեականացնելուն: Գործող քրեական օրենսգրքի << Փաստաբանի կամ նոտարի լիազորությունների իրականացմանը խոչընդոտելը կամ, կապված նրա լիազորությունների իրականացման հետ, սպառնալը> վերտառությամբ հոդվածն արդեն իսկ նախատեսել է փաստաբանի մասնագիտական գործունեությունը պաշտպանելու մեխանիզմ, որը պարզապես կյանքի չի կոչվում: Բավական է նոր արգելքներ, սահմանափակումներ և պատիժներ մոգոնեք, մանավանդ որ այս նորամուծությունը պայմանավորված է կոնկրետ մարդկանց կոնկրետ փաստաբանների նեղ շրջանակի անձնական շահերը սպասարկելու համար:

Հաշվի առնելով, որ սնանկության գործերով կառավարիչը նույնպես իրականացնում է անկախ մասնագիտական գործունեություն, ինչպես նաև այն, որ հանցակազմով նկարագրված օբյեկտիվ կողմի գործողությունները կարող են հանգեցնել սնանկության վարույթում կառավարչի իրավաչափ գործողությունների խոչընդոտանը, ուստի առաջարկում եմ ներառել նաև սնանկության գործով կառավարիչներին։

Առաջարկում եմ նաև փաստաբաններից ու նոտարներից բացի ավելացնել սնանկության կառավարիչներին ևս, քանի որ վերջիններս իրենց գործունեության ողջ ընթացքում գտնվում են պարտապանի և պարտատիրոջ շահերի բախման կիզակետում և դրանով պայմանավորված նույնպես անհրաժեշտություն ունեն համարժեք պաշտպանության: